توكيو وليمپيداسىندا قازاقستاندىق بوكسشى ەبٸلحان امانقۇل (75 كەلٸ) برازيلييالىق بوكسشىدان ۇتىلدى, دەپ حابارلايدى "ۇلت اقپارات".
شيرەك فينالدا امانقۇل برازيلييالىق ەبەرت سوۋسامەن كەزدەستٸ. بٸرٸنشٸ راۋندتا جەرلەسٸمٸز بٸرنەشە سوققىنى ٶتكٸزٸپ الدى. بٸراق ٶزٸ دە قاراپ قالعان جوق, جويقىن سوققىلارى دٸتتەگەن جەرٸنە جەتتٸ. الايدا بەس تٶرەشٸنٸڭ ەكەۋٸ عانا امانقۇلعا جوعارى ۇپاي بەردٸ. ەكٸنشٸ راۋند قازاقستاندىق بوكسشىنىڭ پايداسىنا شەشٸلدٸ. الايدا ٷشٸنشٸ راۋندتا قارسىلاس باسىم بولدى. قورىتىندى ەسەپ - 2:3.
بۇعان دەيٸن امانقۇل ٶزبەك بوكسشىسى فانات قاحرومونوۆتى جەڭگەن بولاتىن.
ايتا كەتەرٸ, وليمپيادادا ٷش بوكسشىمىز قالدى. كەشە سەكەن بيبوسىنوۆ (52 كەلٸ) پەن زاكير سافيۋللين (63 كەلٸ) شيرەك فينالعا شىقتى. بٷگٸن رينگكە قامشىبەك قوڭقاباەۆ (91 كەلٸدەن جوعارى) شىعادى.
