فوتو: Akorda.kz
مەملەكەت باسشىسى استانا قالاسىنداعى №96 مەكتەپ-گيمنازييانى ارالاپ كٶردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە بٸلٸم وشاعىنداعى وقۋ-تەربيە جۇمىستارىنىڭ بارىسى تانىستىرىلدى. بۇل مەكتەپ جەمقورلاردان تەركٸلەنگەن قارجىعا سالىندى. بيىل پايدالانۋعا بەرٸلگەن گيمنازييا ەلوردانىڭ سول جاعالاۋىنداعى باسقا مەكتەپتەردٸڭ جٷكتەمەسٸن ازايتۋعا سەپتٸگٸن تيگٸزدٸ. قازٸر مۇندا 1466 وقۋشى بٸلٸم الادى.
قاسىم-جومارت توقاەۆقا قوعامدىق-گۋمانيتارلىق باعىتتا بٸلٸم بەرەتٸن مەكتەپ-گيمنازييانىڭ وقۋ ٷدەرٸسٸ تۋرالى باياندالدى. وقۋشىلارعا اعىلشىن, فرانتسۋز تٸلدەرٸمەن قاتار, قىتاي تٸلٸ دە وقىتىلادى.
مەكتەپ ديرەكتورى سەۋلە تەمەنوۆانىڭ ايتۋىنشا, مۇندا ينكليۋزيۆتٸ بٸلٸم بەرۋگە باسا نازار اۋدارىلعان. بۇل رەتتە ەر وقۋشىعا جەكە وقۋ باعدارلاماسى ەزٸرلەنگەن. سونداي-اق ينكليۋزيۆتٸ قولداۋ, ەمدٸك دەنە شىنىقتىرۋ جەنە بەيٸنالدى دايارلاۋ كابينەتتەرٸ بار.
بٷگٸندە مەكتەپ-گيمنازييادا ارناۋلى بٸلٸم بەرۋدٸ قاجەت ەتەتٸن 28 بالا وقيدى. سونىمەن قاتار مەكتەپتە تسيرك, قىش ٶنەرٸ, بالەت ٷيٸرمەلەرٸ جۇمىس ٸستەيدٸ.
مەملەكەت باسشىسى مەكتەپ-گيمنازييانىڭ سپورت زالىن, روبوتتى تەحنيكا كابينەتٸن ارالاپ كٶرٸپ, وقۋشىلارمەن ەڭگٸمەلەستٸ.
– روبوتتى تەحنيكا – پەرسپەكتيۆتٸ سالا. مەن سٸزدەردٸ قولدايمىن. قازٸر ەلەم جاساندى ينتەللەكتٸگە باسا مەن بەرٸپ وتىر. ونىڭ ٸشٸندە قازاقستان دا بار. بۇل – ٶتە ماڭىزدى باعىت. جاساندى ينتەللەكت كەلەشەكتە ەربٸر سالادا پايدالانىلادى. سوندىقتان قازاقستان وسى ٸستە وزىق ەل بولۋى كەرەك دەپ ويلايمىن, – دەدٸ قاسىم-جومارت توقاەۆ.
سونىمەن قاتار پرەزيدەنت №96 مەكتەپ-گيمنازييانىڭ پەداگوگيكالىق ۇجىمىمەن جٷزدەسٸپ, مەملەكەت ۇستازداردىڭ مەرتەبەسٸن ودان ەرٸ كٶتەرۋدٸ جالعاستىرا بەرەتٸنٸن ايتتى.
بۇدان بٶلەك, مەملەكەت باسشىسىنا ەلوردانىڭ بٸلٸم بەرۋ جٷيەسٸ جايىندا باياندالدى. استانا قالالىق بٸلٸم باسقارماسىنىڭ باسشىسى قاسىمحان سەنعازىەۆ بيىل 16 مىڭ وقۋشىعا ارنالعان 12 مەكتەپتٸ پايدالانۋعا بەرۋ جوسپارلانىپ وتىرعانىن جەتكٸزدٸ. بٷگٸنگە دەيٸن 7 مەكتەپ اشىلعان. جىل سوڭىنا دەيٸن تاعى 5 جاڭا مەكتەپ ٸسكە قوسىلماق.
سونىمەن قاتار باسقارما باسشىسى پرەزيدەنتتٸڭ استانا قالاسىندا پەداگوگيكالىق جوعارى وقۋ ورنىن اشۋ جٶنٸندەگٸ تاپسىرماسى بويىنشا اتقارىلىپ جاتقان جۇمىستارعا توقتالدى.
