پرەزيدەنت قاسىم-جومارت توقاەۆ جاڭادان تاعايىندالعان قورعانىس مينيسترٸن تانىستىردى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان رەسپۋبليكاسىنىڭ پرەزيدەنتٸ – قارۋلى كٷشتەردٸڭ جوعارعى باس قولباسشىسى قاسىم-جومارت توقاەۆ قورعانىس مينيسترلٸگٸنٸڭ باسشىلىق قۇرامىمەن كەڭەس ٶتكٸزدٸ.
مەملەكەت باسشىسى قاسىم-جومارت توقاەۆ مۇرات بەكتانوۆتى قورعانىس مينيسترٸ لاۋازىمىنان بوساتىپ, بۇل قىزمەتكە رۋسلان جاقسىلىقوۆتى تاعايىنداۋ تۋرالى جارلىقتارعا قول قويعانىن حابارلادى.
قاسىم-جومارت توقاەۆ جاڭا مينيستردٸڭ كادرلىق ەسكەري قىزمەتكەر ەكەنٸن, ارنايى بٸلٸمدٸ الماتى جوعارى جالپىەسكەري كوماندالىق ۋچيليششەسٸندە وقىعانىن, كەيٸن م.ۆ. فرۋنزە اتىنداعى اكادەمييادا جەنە رەسەي فەدەراتسيياسى قارۋلى كٷشتەرٸ باس شتابىنىڭ ەسكەري اكادەميياسىندا بٸلٸمٸن جالعاستىرعانىن اتاپ ٶتتٸ.
– ونىڭ تەجٸريبەسٸ مول. ٸشكٸ ەسكەردە 30 جىلدان استام قىزمەت ەتتٸ. ول قاتارداعى جاۋىنگەردەن باستاپ, ەرتٷرلٸ باسشىلىق قىزمەتتەردٸ اتقاردى. ٸشكٸ ٸستەر مينيسترٸنٸڭ ورىنباسارى – ۇلتتىق ۇلاننىڭ باس قولباسشىسىنا دەيٸنگٸ ەسكەري جولدان ٶتتٸ, – دەدٸ پرەزيدەنت.
قاسىم-جومارت توقاەۆ قارۋلى كٷشتەرگە دەگەن تالاپتىڭ كٷشەيە تٷسكەنٸنە توقتالدى.
– ارمييا تەۋەلسٸزدٸگٸمٸزدٸڭ تٸرەگٸ بولىپ, مەملەكەت مٷددەلەرٸن قورعاۋى تيٸس. قاڭتار وقيعاسى كەزٸندە قارۋلى كٷشتەر ٶزٸنە سەنٸمسٸز ەرٸ قابٸلەتسٸز باسشىلىعىنىڭ كەسٸرٸنەن جٷكتەلگەن مٸندەتتەردٸ تيٸستٸ دەڭگەيدە اتقارا المادى. مينيستر بەكتانوۆ كومانديرلٸك قابٸلەتٸن كٶرسەتە المادى. كوماندالىق-شتابتىق جەنە ەسكەري جاتتىعۋلار كەزٸندە وڭ نەتيجە كٶرسەتكەن ارمييامىز بولا تۇرا, سىن ساعاتتا ونىڭ ەلەۋەتٸن پايدالانا المادىق. سىرتتان كٶمەك شاقىرۋعا مەجبٷر بولدىق, – دەدٸ جوعارعى باس قولباسشى.
سونىمەن قاتار پرەزيدەنت قازاقستانداعى بٸتٸمگەرلٸك ميسسيياسىن اياقتاعان ۇقشۇ كونتينگەنتٸنٸڭ جۇمىسىنا وڭ باعا بەردٸ.
– ۇقشۇ-نىڭ بٸتٸمگەرلٸك كٷشتەرٸ قازاقستانعا قىسقا مەرزٸمگە عانا كەلٸپ, قورعاۋ قىزمەتٸن اتقاردى. ۇجىمدىق كونتينگەنت ٶزدەرٸنٸڭ تيٸمدٸلٸگٸن جەنە ەلەۋەتٸن كٶرسەتتٸ, – دەدٸ مەملەكەت باسشىسى.
پرەزيدەنت گەوساياسي جاعدايدى جەنە ايماقتىق دەڭگەيدەگٸ ٶزەكتٸ سىن-قاتەرلەردٸ ەسكەرە وتىرىپ, قازاقستان قارۋلى كٷشتەرٸنٸڭ ەسكەري دايىندىعىن تٷبەگەيلٸ ارتتىرۋدى تالاپ ەتتٸ. ول ٷشٸن بٸرقاتار مٸندەتتٸ ورىنداۋ قاجەت.
جوعارعى باس قولباسشىنىڭ پٸكٸرٸنشە, ەڭ الدىمەن, ەل باسشىلىعىن سىرتقى جەنە ٸشكٸ قاۋٸپ-قاتەرلەر تۋرالى ۋاقتىلى ەرٸ ناقتى اقپاراتتارمەن قامتاماسىز ەتۋگە تيٸستٸ ەسكەري بارلاۋ قىزمەتٸن كٷشەيتۋ كەرەك.
مەملەكەت باسشىسىنىڭ جارلىعىنا سەيكەس قۇرىلاتىن ارناۋلى وپەراتسييالار جٶنٸندەگٸ كٷشتەردٸڭ باسشىلىعىنا ماڭىزدى ميسسييا جٷكتەلەدٸ. سونداي-اق ولارعا قىسقا مەرزٸم ٸشٸندە باسقا كٷشتٸك قۇرىلىمدارمەن بٸرلەسٸپ, بارلىق ۇيىمداستىرۋ شارالارىن قابىلداپ, ارناۋلى وپەراتسييالاردى ورىنداۋعا دايىندالۋ مٸندەتٸ جٷكتەلەدٸ.
قاسىم-جومارت توقاەۆ قارۋ-جاراق ساقتايتىن نىسانداردا تٶتەنشە جاعدايلاردىڭ قايتالانۋىنا جول بەرمەۋ قاجەتتٸگٸن ەسكە سالدى. وسىعان بايلانىستى پرەزيدەنت قارۋ-جاراقتاردىڭ ساقتالۋ قاۋٸپسٸزدٸگٸن قامتاماسىز ەتۋ, پايدالانۋعا جارامسىز جەنە ەرٸ قاراي ساقتاۋعا قاۋٸپتٸ قارۋ-جاراقتاردى جويۋ شارالارىن جٷزەگە اسىرۋدى جالعاستىرۋ كەرەك ەكەنٸن ايتتى.
سونىمەن قاتار مەملەكەت باسشىسى قازاقستان ارميياسىنىڭ تەحنيكالىق جەنە جاۋىنگەرلٸك جابدىقتارىن جاڭارتۋ مٸندەتٸن جٷكتەدٸ.
– ەسكەردەگٸ قارۋ-جاراقتىڭ دەنٸ – 30-50 جىل بولعان كەڭەس دەۋٸرٸندەگٸ تەحنيكا. ەسكٸرگەن تەحنيكالاردىڭ مەرزٸمٸنٸڭ ٶتكەنٸنە بايلانىستى قارۋ-جاراق پاركٸن جاڭارتۋ ٷشٸن شۇعىل شارالار قابىلداۋ قاجەت. قارۋلى كٷشتەر زاماناۋي ەرٸ جوعارى تەحنولوگييالىق قارۋ-جاراقپەن, ەسكەري تەحنيكامەن جابدىقتالۋى تيٸس. قابىلداناتىن شارالار جٷيەلٸ بولۋى كەرەك. قارۋ-جاراق پەن ەسكەري تەحنيكانى جٶندەيتٸن, ولارعا قىزمەت كٶرسەتەتٸن وتاندىق ٶندٸرٸستٸ دامىتۋ قاجەت, – دەدٸ جوعارعى باس قولباسشى.
مەملەكەت باسشىسى ەسكەردٸڭ شۇعىل ەرەكەت ەتۋ قابٸلەتٸن ارتىرىپ, ەسكەري-ترانسپورتتىق اۆياتسييانىڭ ەلەۋەتٸن كٷشەيتۋ قاجەت ەكەنٸنە توقتالدى. ونىڭ ايتۋىنشا, ەسكەري بورىشتى ٶتەۋ مٸندەتٸنٸڭ بەدەلٸن كٶتەرٸپ, ابىرويىن ارتتىرۋ قاجەت.
سونىمەن قاتار قاسىم-جومارت توقاەۆ قاڭتار وقيعاسىنىڭ ساباقتارىن ەسكەرە وتىرىپ, قارۋ-جاراق جەنە ەسكەري تەحنيكا ساتىپ الۋ جٶنٸندەگٸ 2022 جىلعا ارنالعان جوسپاردى قايتا قاراۋدى جەنە قارۋلى كٷشتەردەگٸ كادرلىق ەلەۋەتتٸ ارتتىرۋ شارالارىن قابىلداۋدى تاپسىردى.
بۇدان كەيٸن رۋسلان جاقسىلىقوۆ قازاقستان رەسپۋبليكاسىنىڭ قورعانىس مينيسترٸ رەتٸندە انت قابىلدادى.
جيىن سوڭىندا پرەزيدەنت جاڭا مينيسترگە جەنە قورعانىس مينيسترلٸگٸنٸڭ ۇجىمىنا سەتتٸلٸك تٸلەدٸ.
