قاسىم-جومارت توقاەۆ ٶرتتەن زارداپ شەككەن ەۋليەكٶل اۋدانىنداعى اۋماقتى ارالاعاننان كەيٸن شۇعىل ەرەكەت ەتۋ شتابىنىڭ وتىرىسىن ٶتكٸزدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى تٶتەنشە جاعدايلار مينيسترٸ يۋريي يلين مەن قوستاناي وبلىسىنىڭ ەكٸمٸ ارحيمەد مۇحامبەتوۆتٸڭ ٶرتتٸ اۋىزدىقتاۋ, ەلدٸ مەكەندەردەگٸ ازاماتتاردى ەۆاكۋاتسييالاۋ جەنە زارداپ شەككەن تۇرعىندارعا قولداۋ كٶرسەتۋ جٶنٸندە قابىلدانعان شارالار تۋرالى باياندامالارىن تىڭدادى.
پرەزيدەنت ٶڭٸردەگٸ احۋالدىڭ باقىلاۋدا ەكەنٸن ايتتى. تابيعي اپاتتى جويۋ ٷشٸن بارلىق قاجەتتٸ شارالار قابىلدانعان.
قاسىم-جومارت توقاەۆ بولعان جاعدايدان تيٸستٸ ساباق الۋ قاجەت ەكەنٸن اتاپ ٶتٸپ, ٶرتتٸ تولىق ەرٸ جىلدام اۋىزدىقتاۋ ٷشٸن شۇعىل ەرەكەت ەتۋ شتابىنا بارلىق ۆەدومستۆونىڭ ٷزدٸكسٸز جۇمىسىن قامتاماسىز ەتۋگە باعىتتالعان بٸرقاتار ناقتى تاپسىرما بەردٸ.
سونىمەن قاتار, پرەزيدەنت ٷيلەرٸن تاستاپ كەتۋگە مەجبٷر بولعان ادامدارعا تولىققاندى قولداۋ كٶرسەتۋدٸڭ ماڭىزدى ەكەنٸن اتاپ ٶتتٸ. ٷكٸمەت پەن قوستاناي وبلىسىنىڭ ەكٸمدٸگٸنە زارداپ شەككەن تۇرعىندارعا شۇعىل تٷردە ٶتەماقى تٶلەۋ مەسەلەسٸن قامتاماسىز ەتۋ تاپسىرىلدى.
– زارداپ شەككەن ازاماتتاردىڭ بەرٸنە قاجەتتٸ كٶمەك بەرٸلەدٸ. ولار قاۋٸپسٸز جەرگە كٶشٸرٸلدٸ. مەنٸڭ تاپسىرمام بويىنشا ٷكٸمەت تيٸستٸ مەسەلەلەردٸ شەشۋ جۇمىستارىمەن اينالىسىپ جاتىر. كٶمەك كٶرسەتٸلەتٸنە ەشقانداي كٷمەن بولماۋعا تيٸس, – دەدٸ مەملەكەت باسشىسى.
بۇدان بٶلەك, قاسىم-جومارت توقاەۆ ٶرتتٸڭ شىعۋ سەبەبٸن انىقتاۋ قاجەت ەكەنٸنە نازار اۋداردى. ونىڭ ايتۋىنشا, ورمان القابىن قايتا قالپىنا كەلتٸرۋ ٷشٸن كەشەندٸ شارالار ەزٸرلەپ, الداعى ۋاقىتتا وسىنداي اپاتتى جاعدايلاردى بولدىرماۋ جٶنٸندەگٸ الدىن الۋ جۇمىستارىن جٷرگٸزۋ كەرەك.
پرەزيدەنت تٶتەنشە جاعدايلار مينيسترلٸگٸن ۆەدومستۆو قىزمەتكەرلەرٸنٸڭ ەلەۋمەتتٸك, سونىڭ ٸشٸندە تۇرعىن ٷيگە جەنە جاتاقحاناعا قاتىستى مەسەلەلەرٸن شەشۋگە جەنە قامتاماسىز ەتۋگە, سونداي-اق كەسٸبي كادرلاردىڭ دايىندىق دەڭگەيٸن ارتتىرۋعا قابٸلەتتٸ ينستيتۋت رەتٸندە ايتارلىقتاي كٷشەيتۋ قاجەت ەكەنٸن ايتتى.
سونىمەن قاتار مەملەكەت باسشىسى تٶتەنشە جاعدايلار, ٸشكٸ ٸستەر جەنە قورعانىس مينيسترلٸكتەرٸنٸڭ ٶرت سٶندٸرۋ بٶلٸمشەلەرٸنٸڭ جەكە قۇرامىمەن, سونداي-اق ٶرتتٸ اۋىزدىقتاۋعا تارتىلعان ەرٸكتٸلەرمەن كەزدەستٸ.
قاسىم-جومارت توقاەۆ تٶتەنشە جاعدايدى جويۋعا اتسالىسقان بارلىق ازاماتتىڭ جاساعان ەرلٸگٸ ٷشٸن العىس بٸلدٸرٸپ, ولار ناگرادالار مەن سىيلىقتارعا ۇسىنىلاتىنىن ايتتى.
