فوتو: inbusiness.com
مەملەكەت باسشىسى قاسىم-جومارت توقاەۆ ٷكٸمەتكە جاڭاٶزەندەگٸ, قاشاعانداعى جەنە قاراشىعاناقتاعى گاز ٶڭدەۋ كەسٸپورىندارىنىڭ قۇرىلىسىن تەزدەتۋدٸ تاپسىردى.
"مۇناي-گاز-حيمييا سالاسىن ودان ەرٸ دامىتۋ – ماڭىزدى مٸندەت. بٸز پوليپروپيلەن جەنە پوليەتيلەن شىعاراتىن ٸرٸ ٶندٸرٸستٸك جوبالاردى جٷزەگە اسىرا باستادىق. بۋتاديەن, كارباميد, تەرەفتال قىشقىلىن ٶندٸرۋگە ارنالعان باسقا دا بولاشاعى زور جوبالار قولعا الىنىپ جاتىر.
"ورتا ازييا – ورتالىق" ماگيسترالدٸ گاز قۇبىرىنىڭ ەلٸمٸزگە تيەسٸلٸ 800 شاقىرىمنان استام بٶلٸگٸن جاڭعىرتۋ جۇمىسى ٶتە قىسقا مەرزٸمدە اياقتالدى. گاز تاسىمالداۋ باعدارلارىن ەرتاراپتاندىرۋ جەنە ونىڭ قۋاتىن ارتتىرۋ قاجەت. تۇرعىنداردى جەنە ەكونوميكانى گازبەن قامتاماسىز ەتۋ – ٷكٸمەتتٸڭ باستى مٸندەتٸنٸڭ بٸرٸ", - دەدٸ ول.
ونىڭ سٶزٸنشە, بىلتىر بٸرقاتار گاز كەنٸشٸ يگەرٸلە باستاعان. سونداي-اق جىلىنا جالپى كٶلەمٸ بٸر ميلليارد تەكشە مەتر گاز ٶندٸرەتٸن جاڭا كەن ورىندارىن يگەرۋ جوسپارلانىپ وتىر. ەزٸرگە بۇل جوبالار تولىق ٸسكە قوسىلعان جوق. سوندىقتان گازدى ٸشكٸ نارىققا تيٸمدٸ بٶلۋ قاجەت. جىلۋ ەلەكتر ورتالىقتارىن جەنە قاراپايىم تۇتىنۋشىلاردى كٶمٸر ورنىنا گاز جاعۋعا كٶشٸرۋ جۇمىسىن بايىپپەن جٷزەگە اسىرعان جٶن.
"ٷكٸمەتكە جاڭاٶزەندەگٸ, قاشاعانداعى جەنە قاراشىعاناقتاعى گاز ٶڭدەۋ كەسٸپورىندارىنىڭ قۇرىلىسىن تەزدەتۋدٸ تاپسىرامىن. بۇل – باستى مٸندەت. وسى سالانى تابىستى دامىتۋ ٷشٸن ينۆەستيتسييانىڭ قايتارىمىن قامتاماسىز ەتەتٸن پەرمەندٸ ىنتالاندىرۋ شارالارىن قىسقا مەرزٸمدە قابىلداۋ, سونىڭ ٸشٸندە اقىلعا سىيىمدى تاريفتەر مەن كٶتەرمە باعالاردى بەلگٸلەۋ كەرەك. گاز كەنٸشتەرٸنە گەولوگييالىق بارلاۋ جاساۋ ٷشٸن جاڭا ينۆەستيتسييا تارتۋ تۇرعىسىنان العاندا بۇل شارالار ٶتە ماڭىزدى. ەيتپەسە, ەكونوميكانى قاجەتتٸ كٶلەمدە گازبەن قامتاماسىز ەتۋ مٷمكٸن ەمەس", - دەدٸ ول.
