مەملەكەت باسشىسى قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن, ارمەنييانىڭ پرەمەر-مينيسترٸ نيكول پاشينيانمەن, بەلارۋس پرەزيدەنتٸ الەكساندر لۋكاشەنكومەن, قىرعىزستان پرەزيدەنتٸ سادىر جاپاروۆپەن جەنە تەجٸكستان پرەزيدەنتٸ ەمومالي راحمونمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ ۇجىمدىق قاۋٸپسٸزدٸك تۋرالى شارت ۇيىمىنداعى ەرٸپتەستەرٸنە بٷگٸن, 13 قاڭتاردا بٸتٸمگەرلٸك كٷشتەردٸڭ ەلٸمٸزدەن شىعارىلا باستاعانى جٶنٸندە مەلٸمەت بەرٸپ, قازاقستانعا جاسالعان تەررورلىق شابۋىل كەزٸندە قولداۋ كٶرسەتكەندەرٸ ٷشٸن العىس بٸلدٸردٸ.
مەملەكەت باسشىسى ۇجىمدىق بٸتٸمگەرلٸك كٷشتەرٸنٸڭ قازاقستانعا قىسقا مەرزٸمگە كەلۋٸ ۇقشۇ-نىڭ بەدەلدٸ حالىقارالىق ۇيىم رەتٸندە قاجەتتٸ ەرٸ تيٸمدٸ ەكەنٸن كٶرسەتتٸ دەپ اتاپ ٶتتٸ.
