مەملەكەت باسشىسىنىڭ تٶراعالىعىمەن الماتى قالاسىندا جەدەل شتاب وتىرىسى ٶتتٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
جيىندا ٷكٸمەتتٸك كوميسسييانىڭ تٶراعاسى, پرەمەر-مينيستردٸڭ بٸرٸنشٸ ورىنباسارى رومان سكليار, الماتى قالاسىنىڭ ەكٸمٸ باقىتجان ساعىنتاەۆ, ۇلتتىق قاۋٸپسٸزدٸك كوميتەتٸنٸڭ تٶراعاسى ەرمەك ساعىمباەۆ جەنە ٸشكٸ ٸستەر, قورعانىس, تٶتەنشە جاعدايلار مينيسترلەرٸ بايانداما جاسادى.
پرەزيدەنتكە الماتى قالاسىنا قوسىمشا كٷشتەر, سونىڭ ٸشٸندە ۇقشۇ بٸتٸمگەرلٸك كونتينگەنتٸنٸڭ كٷشتەرٸن جۇمىلدىرۋعا قاتىستى بەرگەن تاپسىرماسىنىڭ نەتيجەسٸندە قالا لاڭكەستەردەن تولىق تازارتىلعانى تۋرالى باياندالدى.
قازٸرگٸ ۋاقىتتا قالا تٸرشٸلٸگٸن قامتاماسىز ەتەتٸن بارلىق سالانىڭ جۇمىسىن قالپىنا كەلتٸرۋ بەلسەندٸ جٷرٸپ جاتىر.
قالا ەكٸمٸ باقىتجان ساعىنتاەۆتىڭ حابارلاۋىنشا, قالانى جىلۋ, ەلەكتر قۋاتى, سۋ جەنە گازبەن قامتاماسىز ەتەتٸن بارلىق نىسان قالىپتى جۇمىس ٸستەپ جاتىر. ساۋدا ورتالىقتارى, قوعامدىق تاماقتانۋ ورىندارى, بازارلار, جانارماي بەكەتتەرٸ جەنە ٶنەركەسٸپ ورىندارى جۇمىستارىن جانداندىرۋدا, قوعامدىق كٶلٸك ٸسكە قوسىلعان.
قاسىم-جومارت توقاەۆقا زارداپ شەككەن ەكٸمشٸلٸك عيماراتىندا 14 قالالىق باسقارما بولعانى, قازٸرگٸ ۋاقىتتا ولاردىڭ رەزەرۆتٸك عيماراتتارعا, سونداي-اق ەكٸمشٸلٸككە قاراستى ۇيىمدارعا ورنالاستىرىلعانى جٶنٸندە اقپارات بەرٸلدٸ.
بۇدان بٶلەك تەرتٸپسٸزدٸك كەزٸندە كەلتٸرٸلگەن شىعىن كٶلەمٸن انىقتاۋ جۇمىستارى جٷرگٸزٸلۋدە.
مەملەكەت باسشىسى ەلٸمٸزدٸڭ ٸرٸ قالاسىنا جاسالعان تەرروريستٸك شابۋىل سالدارىن ٶز كٶزٸمەن كٶرۋ ٷشٸن الماتىعا ارنايى كەلگەنٸن ايتتى.
پرەزيدەنت ٷكٸمەتتٸك كوميسسيياعا الماتى قالاسىنىڭ ەكٸمدٸگٸمەن بٸرلەسە وتىرىپ, ينفراقۇرىلىم نىساندارىن, ونىڭ ٸشٸندە مەملەكەتتٸك, قۇقىق قورعاۋ جەنە ارناۋلى قۇرىلىمداردىڭ عيماراتتارىن, بەينەباقىلاۋ جٷيەسٸن قىسقا مەرزٸم ٸشٸندە قالپىنا كەلتٸرۋدٸ تاپسىردى.
سونىمەن قاتار زارداپ شەككەن كەسٸپكەرلەرگە قولداۋ كٶرسەتٸلەدٸ.
– ٶزدەرٸڭٸزگە مەلٸم, الماتى – مەنٸڭ تۋعان قالام. وسىندا دٷنيەگە كەلدٸم, وقىدىم. الدىمىزدا قىسقا مەرزٸم ٸشٸندە قالانى قالپىنا كەلتٸرۋ مٸندەتٸ تۇر. بۇل – مەنٸڭ پرەزيدەنت رەتٸندە جەنە ەلٸمٸزدٸڭ ازاماتى رەتٸندە پارىزىم. قالانىڭ قالپىنا كەلەتٸنٸنە ەش كٷمەن جوق. ٷكٸمەتتٸڭ الدىندا قالانىڭ كەلبەتٸن بۇرىنعىدان دا جاقسارتۋ مٸندەتٸ تۇر. بۇل – ٶتە ٷلكەن جۇمىس, – دەدٸ قاسىم-جومارت توقاەۆ.
مەملەكەت باسشىسى الدا ۇقشۇ بٸرلەسكەن بٸتٸمگەرلٸك كونتينگەنتٸنٸڭ بٶلٸمشەلەرٸن قايتارۋ جۇمىستارى جٷرگٸزٸلەتٸنٸن ايتتى.
– ەرتەڭ ۇقشۇ بٸرلەسكەن بٸتٸمگەرلٸك كونتينگەنتٸن ەلدەن شىعارۋ جۇمىستارى باستالادى. مەن تيٸستٸ مەملەكەتتەردٸڭ باسشىلارىمەن سٶيلەستٸم. وسى سەتتٸ پايدالانىپ, وسى بٸرنەشە كٷندە جٷرگٸزگەن اۋقىمدى جۇمىستارى ٷشٸن كونتينگەنتتٸڭ باسشىلىعىنا العىس ايتامىن. ۇقشۇ بٸتٸمگەرلٸك كونتينگەنتٸنٸڭ قازاقستانعا, سونىڭ ٸشٸندە الماتىعا كەلگەنٸ جالپى ەلٸمٸزدەگٸ جاعدايدى تۇراقتاندىرۋدا ٷلكەن رٶل اتقاردى. بۇل ەرەكەتتەردٸڭ لاڭكەستەر مەن سودىرلاردىڭ اگرەسسيياسىن قايتارۋدا ٷلكەن پسيحولوگييالىق ماڭىزى بولعانى سٶزسٸز. ميسسييا ٶتە سەتتٸ ٶتتٸ. مەنٸڭ ەرٸپتەستەرٸمە ۇيىمعا مٷشە ەلدەردٸڭ باسشىلارىنا ٷلكەن العىس بٸلدٸرەمٸن, – دەدٸ پرەزيدەنت.
جەدەل شتابى وتىرىسىنىڭ قورىتىندىسى بويىنشا ٷكٸمەتتٸك كوميسسييا مەن جەرگٸلٸكتٸ ەكٸمدٸكتەر بٸرلەسٸپ قىسقا مەرزٸم ٸشٸندە بارلىق ايماقتاعى نىسانداردى قالپىنا كەلتٸرۋگە, ٷزدٸكسٸز ترانسپورت جۇممىسىن قامتاماسىز ەتۋگە, ازىق-تٷلٸكپەن قامتامازى ەتۋگە, سونداي-اق شاعىن جەنە ورتا بيزنەس نىساندارىنىڭ جۇمىسىن جانداندىرۋعا كٷش سالۋ تاپسىرىلدى.
