مەملەكەت باسشىسى قاسىم-جومارت توقاەۆتىڭ بەلگٸلٸ رەسەيلٸك جۋرناليست الەكسەي پيۆوۆاروۆقا بەرگەن سۇحباتىنىڭ نەگٸزٸندەگٸ «پرەزيدەنت 2.0» دەرەكتٸ فيلمٸ جەلٸدە جارييالاندى, دەپ حابارلايدى "ۇلت اقپارات" پرەزيدەنتتٸڭ باسپاسٶز حاتشىسى بەرٸك ۋەليگە سٸلتەمە جاساپ.
«21 شٸلدەدە «31 ارنادان» مەملەكەت باسشىسى قاسىم-جومارت توقاەۆتىڭ بەلگٸلٸ رەسەيلٸك جۋرناليست الەكسەي پيۆوۆاروۆقا بەرگەن سۇحباتىنىڭ نەگٸزٸندە «پرەزيدەنت 2.0» دەرەكتٸ فيلمٸ كٶرسەتٸلگەن ەدٸ.
ەڭگٸمە بارىسىندا قازاقستان پرەزيدەنتٸ ٶزٸنٸڭ ٶمٸربايانىنا, ديپلوماتييالىق قىزمەتٸنە جەنە جەكە ۇستانىمدارىنا قاتىستى سۇراقتارعا اشىق جاۋاپ بەرگەن بولاتىن.
«31 كانال» وسى سۇحباتتى ٶزدەرٸنٸڭ YouTube ارناسىنا ورنالاستىرعان ەكەن. كٶرمەي قالعاندار بولسا, يۋتۋب ارناسىنان كٶرۋلەرٸنە بولادى», دەپ جازدى بەرٸك ۋەلي Facebook-تەگٸ پاراقشاسىندا.
شٸلدەنٸڭ سوڭىندا "31 ارنا" قازاقستاننىڭ جاڭا باسشىسى تۋرالى "پرەزيدەنت 2.0" دەرەكتٸ فيلمٸن كٶرسەتتٸ. توقاەۆ 1988 جىلى قىتايدا جەمقورلارعا ٶلٸم جازاسىن ورىنداعان سەتكە كۋە بولعانىن مويىندادى. سونداي-اق مەملەكەت باسشىسى ٶزٸنٸڭ مٸنەزٸن سىنايتىندارعا جاۋاپ بەردٸ.
"مەن ٶزٸمدٸ ٶزگەرتپەيمٸن. وسى قالپىمدا قابىلداڭىزدار", - دەدٸ توقاەۆ.
قاسىم-جومارت توقاەۆ 30-جىلدارى ٶز وتباسىنىڭ باسىنان ٶتكەن قايعىلى وقيعانى باياندادى. پرەزيدەنتتٸڭ ايتۋىنشا, اتاسى نان تابۋعا كەتٸپ, ٷيٸنە ورالماعان. ەكەسٸ اعاسى قاسىممەن بٸرگە بالالار ٷيٸنە, سودان كەيٸن مايدانعا اتتانعان. توقاەۆ 30-جىلدارى قازاقستاندا بولعان اشارشىلىققا ورىس حالقىنىڭ قاتىسى جوق ەكەنٸن ەرەكشە اتاپ ٶتتٸ.
پرەزيدەنت العاشقىدا ەل باسقارۋ ٷيرەنشٸكتٸ جاعداي بولماعانىن ايتتى.
"ەسٸرەسە, كٶپشٸلٸك جينالعان ٸس-شارالاردا ٷيرەنشٸكتٸ بولعان جوق. "پرەزيدەنت, پرەزيدەنت" دەگەندٸ ەستٸگەندە, نۇرسۇلتان ەبٸشۇلى نازارباەۆ كەلٸپ قالعان شىعار دەپ ويلايتىنمىن. بٸراق بۇل ۋاقىتشا عانا نەرسە ەكەن, جاقسى نەرسەگە تەز ٷيرەنەسٸڭ", - دەدٸ توقاەۆ.
قازاقستاننىڭ تۇڭعىش پرەزيدەنتٸ نۇرسۇلتان نازارباەۆ 2019 جىلدىڭ ناۋرىزىندا مەملەكەت باسشىسى قىزمەتٸنەن كەتتٸ. 9 شٸلدەدە ٶتكەن كەزەكتەن تىس سايلاۋدىڭ قورىتىندىسى بويىنشا قاسىم-جومارت توقاەۆ پرەزيدەنت بولىپ سايلاندى (ول 70,96% سايلاۋشىنىڭ قولداۋىنا يە بولدى).
