مەملەكەت باسشىسى قاسىم-جومارت توقاەۆ تٷركٸستان وبلىسىنىڭ ەكٸمٸ ٶمٸرزاق شٶكەەۆتٸ قابىلدادى, دەپ حابارلايدى اقوردا.
قازاقستان پرەزيدەنتٸنە تٷركٸستان وبلىسىنىڭ ەلەۋمەتتٸك-ەكونوميكالىق دامۋى, حالىقتىڭ ەل-اۋقاتىن جاقسارتۋعا قاتىستى قابىلدانعان شارالار, ٶڭٸردەگٸ كوروناۆيرۋس ٸندەتٸنە قارسى اتقارىلىپ جاتقان جۇمىستار جايىندا باياندالدى.
قاسىم-جومارت توقاەۆقا ٶمٸرزاق شٶكەەۆ وبلىستا كوۆيد-مەنەدجمەنت بويىنشا جٷيەلٸ جۇمىس جاسالعانىن, سانيتارلىق-ەپيدەمييالىق تەرتٸپتٸڭ قاتاڭ ساقتالعانىن, حالىققا ەكپە ەگۋ ٸسٸنٸڭ قارقىندى جٷرٸپ جاتقانىن ايتتى. جالپى تٷركٸستان وبلىسى بويىنشا 1 ميلليون ادامعا ەكپە ەگٸلۋٸ كەرەك بولسا, بٷگٸندە 200 مىڭ ادامعا ۆاكتسينا سالىنعان. ايماقتاعى جۇقپالى اۋرۋلار اۋرۋحانالارىنداعى تٶسەك-ورىندار مەن دەرٸ-دەرمەك قورى جەتكٸلٸكتٸ, قاجەتتٸ قۇرالدارمەن جابدىقتالعان. ٶڭٸر باسشىسىنىڭ ايتۋىنشا, قازٸر وبلىس «جاسىل ايماقتا», سوعان سەيكەس كەيبٸر شەكتەۋلەر الىنىپ جاتىر.
بيىل تٷركٸستان وبلىسىنىڭ قۇرىلعانىنا 3 جىل تولادى. مەملەكەت باسشىسىنا وسى ارالىقتا اتقارىلعان جۇمىستار مەن ٶڭٸردەگٸ ٶزگەرٸستەر تۋرالى ايتىلدى. ٶمٸرزاق شٶكەەۆ وبلىستىڭ جالپى ٸشكٸ ٶنٸمٸ 41 پايىزعا ٶسكەنٸن, ينۆەستيتسييا 2,4 ەسە ارتقانىن, قۇرىلىس سالاسىندا ٸرٸ جوبالار ٸسكە اسقانىن, اۋىل شارۋاشىلىعى, شاعىن جەنە ورتا بيزنەس بويىنشا وڭ كٶرسەتكٸش بار ەكەنٸن اتاپ ٶتتٸ.
وبلىس ەكٸمٸ تٷركٸستان قالاسىندا قولعا الىنعان جۇمىستار جٶنٸندە بٶلەك باياندادى. قالادا 250-دەن استام جوبا جٷزەگە اسىرىلعان. تٷركٸستانعا 445 ميلليارد تەڭگە ينۆەستيتسييا تارتىلعان. سونىمەن قاتار ٶمٸرزاق شٶكەەۆ الداعى ۋاقىتتا اتقارىلاتىن جوبالار تۋرالى دا مەلٸمەت بەردٸ.
مەملەكەت باسشىسى ٷكٸمەتپەن بٸرلەسٸپ تٷركٸستان وبلىسىن دامىتۋدىڭ 2018-2024 جىلدارعا ارنالعان كەشەندٸ جوسپارىن قايتا جاڭارتۋدى تاپسىردى.
