فوتو: اقوردا
مەملەكەت باسشىسى قاسىم-جومارت توقاەۆ ساۋدا جەنە ينتەگراتسييا مينيسترٸ ارمان شاققاليەۆتٸ قابىلداپ, سالانىڭ قازٸرگٸ جاعدايى مەن دامۋ پەرسپەكتيۆالارىن تالقىلادى, دەپ حابارلايدى Ult.kz.
كەزدەسۋ بارىسىندا مينيستر 2025 جىلدىڭ قورىتىندىسى بويىنشا ٸشكٸ جالپى ٶنٸمنٸڭ شامامەن 19 پايىزى ساۋدا سالاسىنا تيەسٸلٸ ەكەنٸن باياندادى. بۇل باعىتقا 1,2 تريلليون تەڭگە ينۆەستيتسييا تارتىلىپ, تاۋار اينالىمى 8,9 پايىزعا ٶسٸپ, 80,3 تريلليون تەڭگەگە جەتكەن.
سونداي-اق ەلەكتروندى ساۋدانىڭ دامۋى تۋرالى ايتىلىپ, ونىڭ كٶلەمٸ 3,9 تريلليون تەڭگەنٸ قۇراعانى, بۇل بٶلشەك ساۋدانىڭ 15 پايىزىنا تەڭ ەكەنٸ اتاپ ٶتٸلدٸ. ەلدە 10 لوگيستيكا ورتالىعى جۇمىس ٸستەپ تۇر, ال استانا مەن الماتىدا ٸرٸ فۋلفيلمەنت-ورتالىقتار سالىنىپ جاتىر.
مينيستردٸڭ ايتۋىنشا, ەكسپورتتى دامىتۋ باعىتىندا دا وڭ ديناميكا بار. شيكٸزاتتىق ەمەس تاۋارلار مەن قىزمەتتەردٸڭ ەكسپورتى 41 ميلليارد دوللارعا جەتكەن. ەكسپورتتاۋشىلاردى قولداۋ تەتٸكتەرٸ كەڭەيتٸلٸپ, ساقتاندىرۋ سوماسىنىڭ شەكتٸ كٶلەمٸ 1,2 تريلليون تەڭگەگە دەيٸن ۇلعايتىلعان.
بۇدان بٶلەك, ەۋرازييالىق ەكونوميكالىق وداق اياسىندا 70 ساۋدا كەدەرگٸسٸنٸڭ 69-ى جويىلعانى ايتىلدى. كەلٸسسٶزدەر نەتيجەسٸندە قازاقستاندىق كەسٸپورىندارعا قاتىستى بٸرقاتار جەڭٸلدٸكتەر قاراستىرىلعان.
كەزدەسۋ قورىتىندىسى بويىنشا پرەزيدەنت ۆەدومستۆوعا زاماناۋي ساۋدا ەكوجٷيەسٸن قالىپتاستىرۋ, وتاندىق ٶندٸرٸستٸ قولداۋ, تۇتىنۋشىلاردىڭ قۇقىقتارىن قورعاۋ جەنە ەكسپورتتىق ەلەۋەتتٸ ارتتىرۋ باعىتىندا ناقتى تاپسىرمالار جٷكتەدٸ.
