مەسكەۋگە جۇمىس ساپارىمەن بارعان قازاقستان پرەزيدەنتٸ قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن كەلٸسسٶز جٷرگٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەتتەر باسشىلارى ەكٸجاقتى قاتىناستاردىڭ پەرسپەكتيۆالارىن جەنە ايماقتىق دەڭگەيدەگٸ ىقپالداستىقتىڭ ٶزەكتٸ مەسەلەلەرٸن تالقىلادى.
قازاقستان پرەزيدەنتٸ مەسكەۋگە ساپارمەن كەلۋگە شاقىرعانى جەنە دەستٷرلٸ تٷردە قوناقجايلىق كٶرسەتكەنٸ ٷشٸن رەسەي كٶشباسشىسىنا ريزاشىلىعىن بٸلدٸردٸ.
– ۆلاديمير ۆلاديميروۆيچ, ەڭ الدىمەن, مەسكەۋگە ساپارمەن كەلۋگە شاقىرعانىڭىز ٷشٸن العىس ايتامىن. شىن مەنٸندە, بۇل - جاڭا جىلدان كەيٸنگٸ, ٶكٸنٸشكە قاراي, ەلٸمٸزدە بولعان قاڭتارداعى قايعىلى وقيعالاردان كەيٸنگٸ العاشقى ساپارىم. بۇل ەلٸمٸزدٸڭ كونستيتۋتسييالىق قۇرىلىسىنا نۇقسان كەلتٸرٸپ, مەملەكەتتٸك تٶڭكەرٸس جاساۋ ماقساتىمەن قازاقستانعا شابۋىل جاساعان حالىقارالىق لاڭكەستەر مەن بۇزاقىلاردىڭ مۇقييات دايىنداعان وپەراتسيياسى بولدى. قازٸر تەرگەپ-تەكسەرۋ جۇمىستارى جٷرگٸزٸلٸپ جاتىر. العاشقى نەتيجەلەرٸ دە بار. ٶكٸنٸشكە قاراي, قۇربان بولعانداردىڭ سانى ٶتە كٶپ. بۇل مەنٸڭ دە جانىما باتادى. قازا بولعانداردىڭ جاقىندارى مەن تۋىستارىنا كٶڭٸل ايتتىم. ەربٸر جاعداي جٸتٸ تەكسەرٸلەدٸ. كٸنەلٸلەر انىقتالىپ, جاۋاپقا تارتىلادى. ەلٸمٸزگە بٸتٸمگەرلٸك كٷشتەرٸن جٸبەرۋ جٶنٸندەگٸ قازاقستاننىڭ ٷندەۋٸنە جىلى ەرٸ ٸسكەرلٸكپەن قاراعانىڭىز ٷشٸن سٸزگە تاعى دا ريزاشىلىعىمدى بٸلدٸرەمٸن. بٸتٸمگەرلٸك كونتينگەنت ستراتەگييالىق نىسانداردى كٷزەتۋ تۇرعىسىنان ٶتە ماڭىزدى رٶل اتقاردى, – دەدٸ قاسىم-جومارت توقاەۆ.
ۆلاديمير پۋتين قاڭتارداعى قايعىلى وقيعالارعا قاتىستى ٶزٸنٸڭ پٸكٸرٸن بٸلدٸردٸ.
– قازاقستاندى ەل ٸشٸندەگٸ كٷردەلٸ جاعدايدى پايدالانعان قانداي دا بٸر حالىقارالىق بٷلٸكشٸلەردٸڭ قۇربانى بولدى دەسەك, ارتىق ايتقاندىق ەمەس. رەسەي ۇجىمدىق قاۋٸپسٸزدٸك تۋرالى شارت ۇيىمىنا مٷشە مەملەكەتتٸڭ بٸرٸ رەتٸندە شارتتىڭ 4-بابىنا سەيكەس قازاقستانعا كٶمەك قولىن سوزدى. دەگەنمەن, قازاقستان باسشىلىعى نەگٸزگٸ رٶل اتقاردى, سونداي-اق ٶزدەرٸنٸڭ ٸسٸنە, انتىنا جەنە حالقىنا ادال قۇقىق قورعاۋ ورگاندارى مەن قارۋلى كٷشتەر ٶزدەرٸنە جٷكتەلگەن مٸندەتتٸ ورىندادى. وسى وقيعالار كەزٸندە قيراعان نىسانداردى قالپىنا كەلتٸرۋ ٷشٸن كٶپ كٷش جۇمساۋ قاجەت ەكەنٸن دە بٸلەمٸن. بٸراق قازاقستان سٸزدٸڭ تاباندىلىعىڭىزدىڭ ارقاسىندا نىق تۇر جەنە سٸزدٸڭ باسشىلىعىڭىزبەن بەلسەندٸ دامۋدا, – دەدٸ رەسەي پرەزيدەنتٸ.
پرەزيدەنتتەر ەكٸ ەل اراسىنداعى جان-جاقتى بايلانىستاردىڭ تابىستى دامۋىن جوعارى باعالاپ, ساياسي, ەكونوميكالىق, ساۋدا, ينۆەستيتسييالىق جەنە مەدەني-گۋمانيتارلىق قارىم-قاتىناستاردى تەرەڭدەتۋگە ەكٸ تاراپتىڭ دا مٷددەلٸ ەكەنٸن ايتتى.
– الداعى كەلٸسسٶز بارىسىندا قازاقستاننىڭ جەنە ەكٸ ەلدٸڭ دە ستراتەگييالىق مٷددەلەرٸن قامتيتىن بٸرقاتار ٶزەكتٸ مەسەلە بويىنشا پٸكٸر الماسۋدى جوسپارلاپ وتىرمىز. ماڭىزدى كەلٸسٸمگە قول قويىلدى. جالپى, ساياسي ەرٸك-جٸگەر بار, ٶزارا ستراتەگييالىق, وداقتاستىق قارىم-قاتىناستار بويىنشا ناقتى نەتيجەگە قول جەتكٸزەمٸز دەپ ويلايمىن. بۇدان بۇرىن دا قازاقستان مەن رەسەيدٸڭ قۇداي قوسقان كٶرشٸ ەكەنٸن ايتقانبىز. ەلەمدەگٸ ەڭ ۇزىن قۇرلىقتىق شەكارا دا بٸزگە تيەسٸلٸ. ەلدەرٸمٸز اراسىندا دوستىق پەن ىنتىماقتاستىقتان باسقا قارىم-قاتىناس بولۋى مٷمكٸن ەمەس, – دەدٸ قازاقستان پرەزيدەنتٸ.
رەسەي باسشىسى ەكٸ ەل اراسىنداعى ەكونوميكالىق ىقپالداستىقتى ارتتىرۋعا نيەتتٸ ەكەنٸن مەلٸمدەدٸ.
– رەسەي قازاقستاننىڭ ٸرٸ ساۋدا-ەكونوميكالىق سەرٸكتەسٸ ەكەنٸنە قۋانىشتىمىن. حالىقارالىق الاڭداردا دا تىعىز ىنتىماقتاستىق ورناتقانبىز, بۇرىنعى كەڭەستٸك كەڭٸستٸكتەن تىس ٸرٸ حالىقارالىق ۇيىمداردا دا ىقپالداستىعىمىز بار. بيىل ديپلوماتييالىق قاتىناستاردى ورناتقانىمىزعا – 30 جىل. بٸرقاتار كٶلەمدٸ ٸس-شارا ٶتكٸزۋ كٶزدەلٸپ وتىر. ولار بٸزدٸڭ ٸسكەرلٸك, گۋمانيتارلىق بايلانىستارىمىزعا پايدالى بولاتىنىنا سەنٸمدٸمٸن. عارىش, ەنەرگەتيكا, ماشينا جاساۋ سالالارىنداعى ٸرٸ جوبالار بويىنشا بٸرلەسٸپ اتقاراتىن جۇمىس كٶپ, – دەدٸ ۆلاديمير پۋتين.
قازاقستان مەن رەسەي باسشىلارىنىڭ كەزدەسۋٸ بارىسىندا بٸلٸم بەرۋ سالاسىنداعى ىنتىماقتاستىققا باسا مەن بەرٸلدٸ. ينجەنەرلٸك-تەحنيكالىق سالاداعى جوعارى بٸلٸكتٸ مامانداردىڭ تاپشىلىعىنا بايلانىستى قازاقستاندا رەسەيدٸڭ جەتەكشٸ جوعارى وقۋ ورىندارىنىڭ فيليالدارىن اشۋ جەنە «بولاشاق» باعدارلاماسى اياسىندا رەسەيدە ماماندار ەزٸرلەۋ جٶنٸندە ۋاعدالاستىققا قول جەتكٸزٸلدٸ.
كەلٸسسٶز قورىتىندىسى بويىنشا بٸلٸم بەرۋ, تەمٸرجول, تسيفرلاندىرۋ, عارىشتى يگەرۋ جەنە اتوم ەنەرگەتيكاسى سالالارى بويىنشا ماماندار دايارلاۋعا قاتىستى بٸرقاتار قۇجاتقا قول قويىلدى.
قول قويىلعان قۇجاتتار تٸزٸمٸ:
1. قازاقستان رەسپۋبليكاسى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن رەسەي فەدەراتسيياسى تسيفرلىق دامۋ, بايلانىس جەنە بۇقارالىق كوممۋنيكاتسييالار مينيسترلٸگٸ اراسىنداعى تسيفرلاندىرۋ سالاسىنداعى تەجٸريبە الماسۋ جٶنٸندەگٸ ٶزارا تٷسٸنٸستٸك تۋرالى مەموراندۋم.
2. قازاقستان رەسپۋبليكاسى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن «روسكوسموس» عارىش قىزمەتٸ مەملەكەتتٸك كورپوراتسيياسى اراسىنداعى جەردٸ قاشىقتان زوندتاۋ عارىش اپپاراتتارىنىڭ دەرەكتەرٸمەن الماسۋ جٶنٸندەگٸ ٶزارا تٷسٸنٸستٸك تۋرالى مەموراندۋم.
3. قازاقستان رەسپۋبليكاسى ەنەرگەتيكا مينيسترلٸگٸ مەن «روساتوم» اتوم ەنەرگيياسى مەملەكەتتٸك كورپوراتسيياسى (رەسەي فەدەراتسيياسى) اراسىنداعى قازاقستان رەسپۋبليكاسىنىڭ اتوم ەنەرگيياسىن بەيبٸت ماقساتتا پايدالانۋ سالاسىنداعى قادرلاردى دايارلاۋ جٶنٸندەگٸ ٶزارا تٷسٸنٸستٸك تۋرالى مەموراندۋم.
4. قازاقستان رەسپۋبليكاسى بٸلٸم جەنە عىلىم مينيسترلٸگٸ مەن رەسەي فەدەراتسيياسى عىلىم جەنە جوعارى بٸلٸم مينيسترلٸگٸ اراسىنداعى ٶزارا تٷسٸنٸستٸك تۋرالى مەموراندۋم.
5. «قازاقستان تەمٸر جولى» ۇك» اق جەنە «ترانسماشحولدينگ» اق اراسىنداعى ٶزارا ىنتىماقتاستىق تۋرالى كەلٸسٸم.
6. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «ن.ە.باۋمان اتىنداعى مەسكەۋ مەملەكەتتٸك تەحنيكالىق ۋنيۆەرسيتەتٸ» فەدەرالدىق مەملەكەتتٸك اۆتونومدى جوعارى وقۋ ورنى اراسىنداعى ٶزارا تٷسٸنٸستٸك تۋرالى مەموراندۋم.
7. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «ميسيس» ۇلتتىق تەحنولوگييالىق زەرتتەۋ ۋنيۆەرسيتەتٸ» فەدەرالدىق مەملەكەتتٸك اۆتونومدى جوعارى بٸلٸم بەرۋ مەكەمەسٸ (رەسەي فەدەراتسيياسى) اراسىنداعى ٶزارا تٷسٸنٸستٸك تۋرالى مەموراندۋم.
8. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «ميفي» ۇلتتىق يادرولىق زەرتتەۋ ۋنيۆەرسيتەتٸ» فەدەرالدىق مەملەكەتتٸك اۆتونومدى جوعارى بٸلٸم بەرۋ مەكەمەسٸ اراسىنداعى ٶزارا تٷسٸنٸستٸك تۋرالى مەماراندۋم.
9. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «مەسكەۋ فيزيكو-تەحنيكالىق ينيستيتۋتى» فەدەرالدىق مەملەكەتتٸك اۆتونومدى جوعارى بٸلٸم بەرۋ مەكەمەسٸ اراسىنداعى ٶزارا تٷسٸنٸستٸك تۋرالى مەموراندۋم.
10. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «ي.م.گۋبكين اتىنداعى رەسەي مەملەكەتتٸك مۇناي جەنە گاز ۋنيۆەرسيتەتٸ (ۇلتتىق زەرتتەۋ ۋنيۆەرسيتەتٸ)» فەدەرالدىق مەملەكەتتٸك اۆتونومدى جوعارى بٸلٸم بەرۋ مەكەمەسٸ اراسىنداعى ٶزارا تٷسٸنٸستٸك تۋرالى مەموراندۋم.
11. «حالىقارالىق باعدارلامالار ورتالىعى» اكتسيونەرلٸك قوعامى (قازاقستان رەسپۋبليكاسى) مەن «ناقتى مەحانيكا مەن وپتيكا ينستيتۋتى» ۇلتتىق زەرتتەۋ ۋنيۆەرسيتەتٸ» فەدەرالدىق مەملەكەتتٸك اۆتونومدى جوعارى بٸلٸم بەرۋ مەكەمەسٸ اراسىنداعى ٶزارا تٷسٸنٸستٸك تۋرالى مەموراندۋم.
