فوتو: اقوردا
قاسىم-جومارت توقاەۆ بەيبٸتشٸلٸك كەڭەسٸ اياسىندا پرەزيدەنت ترامپ اتىنداعى ارنايى ناگرادا تاعايىنداۋدى ۇسىندى. بۇل تۋرالى مەملەكەت باسشىسى كەڭەستٸڭ العاشقى وتىرىسىندا مەلٸمدەدٸ, دەپ حابارلايدى Ult.kz.
پرەزيدەنتتٸڭ ايتۋىنشا, تاياۋ شىعىستا ورنىقتى دامۋدى قامتاماسىز ەتۋ ٷشٸن بەيبٸتشٸلٸك پەن ىنتىماقتاستىقتى, ٶزارا سەنٸمدٸ نىعايتاتىن جاڭا تەسٸلدەر قاجەت.
– وسى ۇستانىمعا سٷيەنە وتىرىپ, قازاقستان يبراھيم كەلٸسٸمدەرٸنە قوسىلۋ جٶنٸندە شەشٸم قابىلدادى. بۇل قادام ايماقتا جەنە ودان تىس جەرلەردە پراگماتيكالىق ەكونوميكالىق ەرٸ گۋمانيتارلىق ىنتىماقتاستىقتى دامىتۋعا مٷمكٸندٸك بەرەدٸ جەنە بەيبٸتشٸلٸك كەڭەسٸنٸڭ ماقساتتارىنا تولىق سەيكەس كەلەدٸ, – دەدٸ قاسىم-جومارت توقاەۆ.
سونداي-اق پرەزيدەنت قازاقستان تٷرلٸ دەڭگەيدەگٸ كەزدەسۋلەر ٶتكٸزۋ ارقىلى كەڭەستٸڭ باستامالارىنا ناقتى قولداۋ كٶرسەتۋگە دايىن ەكەنٸن راستادى.
– سونىمەن قاتار بەيبٸتشٸلٸك كەڭەسٸ اياسىندا پرەزيدەنت ترامپ اتىنداعى ارنايى ناگرادانى بەكٸتۋدٸ ۇسىنامىن. بۇل – ونىڭ بەيبٸتشٸلٸكتٸ ٸلگەرٸلەتۋ ٸسٸندەگٸ جەتٸستٸكتەرٸنە كٶرسەتٸلگەن قۇرمەت بولماق. سٸزدٸڭ كٶرەگەن باسشىلىعىڭىزبەن كەڭەس ٶزٸنٸڭ تاريحي ميسسيياسىن ابىرويمەن اتقاراتىنىنا سەنٸمدٸمٸن, – دەدٸ مەملەكەت باسشىسى.
ٶز كەزەگٸندە دونالد ترامپ گازاداعى تۇراقتىلىقتى قامتاماسىز ەتۋ جەنە قالپىنا كەلتٸرۋ ٸسٸنە اتسالىسقانى ٷشٸن كەڭەستٸڭ العاشقى وتىرىسىنا قاتىسۋشىلارعا ريزاشىلىعىن بٸلدٸردٸ.
اقش پرەزيدەنتٸ قازاقستاندى «كەرەمەت ەرٸ باي مەملەكەت» دەپ سيپاتتاپ, سامميتكە جينالعان ەل باسشىلارىن جاھاندىق اۋقىمداعى كٶشباسشىلار رەتٸندە اتادى. ونىڭ ايتۋىنشا, ولار شەشٸمدٸ ەرەكەتتەرٸ ارقىلى بەيبٸتشٸلٸك پەن تۇراقتىلىقتى نىعايتۋعا جەنە حالىقارالىق ديالوگتى دامىتۋعا ەلەۋلٸ ٷلەس قوسىپ كەلەدٸ.
جوعارى دەڭگەيدەگٸ ٸس-شارا بارىسىندا بەيبٸتشٸلٸك كەڭەسٸنٸڭ اتقارۋشى ورگاندارىنىڭ مٷشەلەرٸ بايانداما جاسادى. قاتىسۋشىلارعا گازا سەكتورىن قالپىنا كەلتٸرۋ جوسپارى, سونىڭ ٸشٸندە ينفراقۇرىلىمدى دامىتۋ, قاۋٸپسٸزدٸكتٸ قامتاماسىز ەتۋ جەنە حالىقارالىق قارجىلاندىرۋ تەتٸكتەرٸ تانىستىرىلدى.
جوعارعى اتقارۋشى كەڭەستٸڭ مٷشەسٸ دجارەد كۋشنەر گازانى دامىتۋعا ارنالعان باس جوسپار تۋرالى بايانداپ, ايماق زاماناۋي ەرٸ ەكونوميكالىق ٶرلەۋگە قولايلى كەڭٸستٸككە اينالۋى تيٸس ەكەنٸن ايتتى.
ال ادجاي بانگا بەيبٸتشٸلٸك كەڭەسٸنٸڭ قارجى مەحانيزمدەرٸ اشىقتىق پەن قاراجاتتى ناقتى ماقساتتارعا باعىتتاۋ قاعيداتتارىنا نەگٸزدەلەتٸنٸن جەتكٸزدٸ.
حالىقارالىق تۇراقتاندىرۋ كٷشتەرٸنٸڭ جەتەكشٸسٸ دجاسپەر دجەففەرس گازاداعى قاۋٸپسٸزدٸك شارالارى تۋرالى مەلٸمدەدٸ.
سونداي-اق گازانى باسقارۋ جٶنٸندەگٸ ۇلتتىق كوميتەتتٸڭ باسشىسى الي شاات قايتا قالپىنا كەلتٸرۋ جۇمىستارىن ٷيلەستٸرۋ جەنە حالىقارالىق سەرٸكتەستەرمەن ىقپالداستىق جولدارىن ۇسىندى.
