فوتو: Akorda.kz
اقوردا مەلٸمەتٸنشە, بەكتەنوۆ كەزدەسۋدە ەلٸمٸزدٸڭ ەلەۋمەتتٸك-ەكونوميكالىق جاعدايى, ەگٸن وراعى جەنە سۋ تاسقىنىنان زارداپ شەككەن ٶڭٸرلەردەگٸ تۇرعىن ٷيلەردٸ قالپىنا كەلتٸرۋ جۇمىستارى تۋرالى بايانداعان.
بەكتەنوۆتٸڭ سٶزٸنشە, بيىل ٶڭدەۋ ٶنەركەسٸبٸ جەنە قۇرىلىس سالاسى ەكونوميكالىق دامۋدىڭ نەگٸزگٸ فاكتورىنا اينالدى.
سونداي-اق اۋىل شارۋاشىلىعىندا دا ايتارلىقتاي ٶسٸم بار. ەلٸمٸزدەگٸ نەگٸزگٸ دەندٸ داقىلدار القابىنىڭ 4,5 ميلليون گەكتارعا جۋىعى نەمەسە 27 پايىزى جينالعان.
ٷكٸمەت باسشىسىنىڭ بايانداماسىنا سەنسەك, ورتا ەسەپپەن بٸر گەكتاردان 15 تسەنتنەر ٶنٸم الىنىپ وتىر. شامامەن 6,6 ميلليون توننا استىق باستىرىلدى. بۇل بىلتىرعى كٶرسەتكٸشتەن 40 پايىزعا ارتىق.
مىسالى شارۋاشىلىقتارعا ارزانداتىلعان ديزەل وتىنىن جەتكٸزۋ كەستەگە ساي جٷرگٸزٸلٸپ جاتىر.
سونىمەن قاتار بەكتەنوۆ سۋ تاسقىنىنان زارداپ شەككەن تۇرعىنداردى باسپانامەن قامتۋ جٶنٸندە مەلٸمەت بەردٸ.
"بٷگٸنگە دەيٸن 7 463 وتباسى جاڭا قونىسقا كٶشتٸ, 479 باسپانانىڭ قۇرىلىسى اياقتالۋعا جاقىن. سونىمەن قاتار 9 171 وتباسىنا جٶندەۋ جۇمىستارى ٷشٸن ٶتەماقى تٶلەندٸ", - دەدٸ بەكتەنوۆ.
كەزدەسۋ سوڭىندا مەملەكەت باسشىسى جٷرگٸزٸلٸپ جاتقان جۇمىستىڭ ماڭىزىن اتاپ ٶتٸپ, ەلٸمٸزدٸ ودان ەرٸ ەلەۋمەتتٸك-ەكونوميكالىق تۇرعىدان دامىتۋعا قاتىستى بٸرقاتار تاپسىرما بەردٸ.
