اقوردانىڭ باسپاسٶز قىزمەتٸ قاسىم-جومارت توقاەۆ پەن ەممانۋەل ماكروننىڭ بٸرلەسكەن مەلٸمدەمەسٸن جارييالادى, - دەپ حابارلايدى "ۇلت اقپارات".
***
1. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ فرانتسۋز رەسپۋبليكاسىنىڭ پرەزيدەنتٸ ەممانيۋەل ماكروننىڭ شاقىرۋىمەن 2022 جىلعى 29-30 قاراشادا فرانتسيياعا رەسمي ساپار جاسادى.
2. مەملەكەت باسشىلارى 2008 جىلعى 11 ماۋسىمداعى قازاقستان رەسپۋبليكاسى مەن فرانتسۋز رەسپۋبليكاسى اراسىنداعى ستراتەگييالىق ەرٸپتەستٸك تۋرالى شارتتىڭ قولدانىسىن اتاپ ٶتە وتىرىپ, ەكٸ ەل اراسىنداعى بارلىق دەڭگەيدەگٸ سەنٸمدٸ جەنە تۇراقتى ديالوگقا قاناعاتتانۋشىلىق بٸلدٸردٸ. قازاقستان ̶ فرانتسييانىڭ ورتالىق ازيياداعى باستى ەكونوميكالىق ەرٸپتەسٸ, ال فرانتسييا قازاقستان ەكونوميكاسىنىڭ جەتەكشٸ ينۆەستورلارىنىڭ بٸرٸ بولىپ تابىلادى.
3. قازاقستان مەن فرانتسييا اراسىنداعى ديپلوماتييالىق قارىم-قاتىناستارعا 30 جىل تولىپ وتىرعان كەزەڭدە پرەزيدەنتتەر ەكٸ ەل اراسىنداعى ساياسي جەنە ساۋدا-ەكونوميكالىق ىنتىماقتاستىقتىڭ جوعارى سەرپٸنٸن قۇپتادى.
4. فرانتسۋز رەسپۋبليكاسىنىڭ پرەزيدەنتٸ قازاقستان رەسپۋبليكاسى پرەزيدەنتٸنٸڭ تۇراقتىلىق پەن ورنىقتى دامۋدىڭ اينىماس شارتى بولىپ تابىلاتىن زاڭ ٷستەمدٸگٸن, نەگٸزگٸ بوستاندىقتاردى جەنە ەلەۋمەتتٸك ەدٸلەتتٸلٸكتٸ نىعايتۋعا باعىتتالعان تەرەڭ رەفورمالار جٷرگٸزۋٸن قولدايتىنىن راستادى.
5. تاراپتار جاھاندىق جەنە ٶڭٸرلٸك دەڭگەيدە بەيبٸتشٸلٸكتٸ, قاۋٸپسٸزدٸك پەن تۇراقتىلىقتى نىعايتۋعا ٶزارا جەردەمدەسۋ نيەتٸن قۋاتتادى. ولار حالىقارالىق قۇقىق پەن بۇۇ جارعىسىنىڭ نەگٸزگٸ قاعيداتتارىنا, ەسٸرەسە مەملەكەتتەردٸڭ ەگەمەندٸگٸ مەن اۋماقتىق تۇتاستىعىنا ٶزدەرٸنٸڭ مىزعىماس بەيٸلدٸگٸن اتاپ ٶتتٸ. قازاقستان مەن فرانتسييا ۋكراينا تٶڭٸرەگٸندەگٸ جاعدايعا, ونىڭ گۋمانيتارلىق سالدارى مەن جاھاندىق ەكونوميكاعا ەسەرٸنە, ەڭ وسال ەلدەردٸڭ ازىق-تٷلٸك قاۋٸپسٸزدٸگٸنە قاتتى الاڭداۋدا.
6. پرەزيدەنتتەر قازاقستان رەسپۋبليكاسى مەن ەۋروپالىق وداق اراسىنداعى كەڭەيتٸلگەن ەرٸپتەستٸك پەن ىنتىماقتاستىق تۋرالى كەلٸسٸم اياسىندا تىعىز ٶزارا ٸس-قيمىلدى جالعاستىرۋعا دايىن ەكەندٸگٸ جٶنٸندە مەلٸمدەدٸ. وسىعان بايلانىستى ولار 2022 جىلعى 27 قازاندا استانادا ٶتكەن «ەۋروپالىق وداق ̶ ورتالىق ازييا» بٸرٸنشٸ سامميتٸنٸڭ ٶتكٸزٸلۋٸن قۇپتادى.
7. ولار ورتالىق ازييادا ٸرٸ كٶلٸكتٸك باستامالاردىڭ, اتاپ ايتقاندا ترانسكاسپيي حالىقارالىق كٶلٸك باعىتىنىڭ دامۋىن قاناعاتتانا اتاپ ٶتتٸ. تاراپتار ەۋروپالىق وداقتىڭ «Global Gateway» جوباسىنىڭ ٸسكە اسۋىنا قولداۋ بٸلدٸردٸ.
8. پرەزيدەنتتەر قازاقستان-فرانتسييا ىنتىماقتاستىعىنىڭ جوعارى سەرپٸنٸن باسا ايتتى جەنە ستراتەگييالىق ەرٸپتەستٸك رۋحىندا ونى ەرتاراپتاندىرۋدى جەنە ٶزارا مٷددەلٸ بارلىق, اتاپ ايتقاندا ەكونوميكا جەنە ينۆەستيتسييا, بٸلٸم بەرۋ, دەنساۋلىق ساقتاۋ, عىلىم جەنە مەدەنيەت سالالارىندا تەرەڭدەتۋدٸ جالعاستىرۋ تۋرالى ۋاعدالاستىققا قول جەتكٸزٸلدٸ.
9. ەكونوميكا سالاسىندا پرەزيدەنتتەر ساۋدا مەن ينۆەستيتسييانى, ەسٸرەسە نەگٸزگٸ ەنەرگەتيكالىق سەكتوردا ودان ەرٸ دامىتۋدىڭ جوعارى ەلەۋەتٸن اتاپ ٶتتٸ. قازاقستان فرانتسيياعا ۋران مەن شيكٸ مۇنايدى نەگٸزگٸ جەتكٸزۋشٸلەردٸڭ بٸرٸ بولىپ تابىلادى. تاراپتار اسا باعالى شيكٸزات ماتەريالدارى, ونىڭ ٸشٸندە جەردە سيرەك كەزدەسەتٸن ماتەريالدار سالاسىنداعى ٶزارا ىنتىماقتاستىقتى دامىتۋ تۋرالى ۋاعدالاستىققا قول جەتكٸزدٸ. ساپار بارىسىندا جاڭارتىلاتىن ەنەرگييا كٶزدەرٸ, «جاسىل سۋتەگٸن» ٶندٸرۋ, بەيبٸت اتومدى پايدالانۋ, سۋ رەسۋرستارىن باسقارۋ, تەمٸر جول كٶلٸگٸ جەنە اگروٶنەركەسٸپ كەشەنٸ سالالارىندا بٸرقاتار ەكٸجاقتى قۇجاتتارعا قول قويىلدى.
10. كليماتتىق كٷن تەرتٸبٸنٸڭ ٶزەكتٸلٸگٸ تۇرعىسىندا قازاقستاندا جيناقتاۋ مٷمكٸندٸگٸمەن بار, رەسپۋبليكانىڭ كٶمٸرتەگٸسٸز يننوۆاتسييالىق ەنەرگييا كٶزدەرٸنە كٶشۋٸنە ىقپال ەتەتٸن قۋاتى 1,2 گۆت جەل ەلەكتر ستانتسيياسىن سالۋ بويىنشا اۋقىمدى جوبانىڭ ماڭىزى اتاپ كٶرسەتٸلدٸ. بۇل جوبا كليماتتىڭ ٶزگەرۋٸنە قارسى كٷرەس سالاسىنداعى ەكٸجاقتى ىنتىماقتاستىعىمىزدىڭ نىعايۋ نىشانى.
11. پرەزيدەنتتەر بٸلٸم سالاسىنداعى ىنتىماقتاستىقتىڭ باسىمدىلىعىن اتاپ ٶتتٸ. ولار استانا مەن الماتىدا ەكٸ فرانتسۋز مەكتەبٸن اشۋعا جەنە دامىتۋعا قولداۋ بٸلدٸردٸ. ستۋدەنتتەردٸڭ ۇتقىرلىعىن, اتاپ ايتقاندا «اباي-ۆەرن» باعدارلاماسى شەڭبەرٸندە شەكٸرتاقىلار سانىنىڭ كٶبەيۋٸنە جەنە «بولاشاق» باعدارلاماسى بويىنشا فرانتسۋز جوعارى وقۋ ورىندارى تٸزٸمٸن كەڭەيتۋ ارقاسىندا ارتتىرۋدى قولدادى. سونداي-اق سوربوننا-قازاقستان ينستيتۋتىن قايتا فورماتتاۋدى قولدايتىندىقتارىن بٸلدٸردٸ جەنە 2022 جىلعى 30 قاراشادا پاريجدە 7-شٸ قازاقستان-فرانتسييا جوعارى بٸلٸم فورۋمىنىڭ ٶتۋٸن, سونداي-اق بٸلٸم بەرۋ سالاسىنداعى بٸرقاتار قۇجاتتارعا قول قويۋدى قۇپتادى.
12. دەنساۋلىق ساقتاۋ سالاسىندا ەكٸ ەلدٸڭ جەتەكشٸ زەرتتەۋ جەنە مەديتسينالىق ورتالىقتارى اراسىنداعى ونكولوگييا, مەديتسينالىق مەكەمەلەردٸ باسقارۋ جەنە مەديتسينالىق قىزمەتتەر كٶرسەتۋ سالاسىنداعى ەرٸپتەستٸكتٸ جالعاستىرۋدىڭ ماڭىزدىلىعىن راستادى.
13. پرەزيدەنتتەر مەدەنيەت سالاسىنداعى ىنتىماقتاستىقتى ارتتىرۋ نيەتٸن بٸلدٸردٸ. ولار تاياۋ جىلدارى ەكٸ ەل اراسىندا مەدەني ٸس-شارالاردى, ونىڭ ٸشٸندە پاريجدە قازاقستان رەسپۋبليكاسىنىڭ ۇلتتىق كٶرمەسٸن ٶتكٸزۋگە باعىتتالعان باستامالاردى قۇپتادى.
14. پرەزيدەنتتەر شارم-ەل-شەيحتە ٶتكەن COP 27 كونفەرەنتسيياسىندا كليماتتىڭ ٶزگەرۋٸنە قارسى كٷرەستە ٶزدەرٸنٸڭ بەرٸك ۇستانىمدارىن قۋاتتادى جەنە 1,5° دەڭگەيٸندەگٸ جاھاندىق جىلۋ دەڭگەيٸن ۇستاۋ ماقساتىن راستاۋدى قۇپتادى.
15. قازاقستان رەسپۋبليكاسىنىڭ پرەزيدەنتٸ فرانتسۋز رەسپۋبليكاسىنىڭ پرەزيدەنتٸنە 2024 جىلى پاريجدە ٶتەتٸن حححٸٸٸ جازعى وليمپيادا ويىندارىنا دايىندىقتا تابىس تٸلەدٸ.
16. قازاقستان رەسپۋبليكاسىنىڭ پرەزيدەنتٸ فرانتسۋز رەسپۋبليكاسىنىڭ پرەزيدەنتٸن تاياۋ ۋاقىتتا قازاقستانعا ساپارمەن كەلۋگە شاقىردى.
