قاسىم-جومارت توقاەۆ پەن رەجەپ تاييپ ەردوعان باق ٶكٸلدەرٸنە بريفينگ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى ەڭ الدىمەن ٶزٸن قاسيەتتٸ انادولى جەرٸنە مەملەكەتتٸك ساپارمەن كەلۋگە شاقىرعانى ٷشٸن تٷركييا پرەزيدەنتٸنە ريزاشىلىعىن بٸلدٸردٸ.
– تٷرٸك حالقىنا جەنە پرەزيدەنت مىرزاعا قوناقجايلىعى ٷشٸن العىس ايتامىن. بٸز بٷگٸن بٸرقاتار اسا ماڭىزدى مەسەلەلەر تۋرالى كەڭ اۋقىمدى كەلٸسسٶزدەر ٶتكٸزدٸك. پٸكٸر الماسۋ مازمۇندى, ماعىنالى بولدى. پرەزيدەنت رەجەپ تاييپ ەردوعان - بٸلٸمدٸ, اسا بەدەلدٸ ساياساتكەر. ونىڭ كٶزقاراسى كەڭ, سوندىقتان بۇل كٸسٸنٸڭ پٸكٸرلەرٸ ٶتە قۇندى. تٷركييا – بٸزدٸڭ تەۋەلسٸزدٸگٸمٸزدٸ العاشقى بولىپ مويىنداعان ەل. ونى قازاق حالقى ەشقاشان ۇمىتپايدى. قازاقستان – تٷركييادان ەشقاشان دا, ەشقانداي دا زييان شەكپەگەن ەل. ەلٸ دە سولاي جالعاسىپ كەلەدٸ. قازاقستان مەن تٷركييا – تامىرلاس, باۋىرلاس, دوستاس مەملەكەتتەر. بٸزدٸڭ شەتەلدەگٸ العاشقى ەلشٸلٸگٸمٸز انكارادا اشىلعان. مۇنىڭ سيمۆولدىق مەنٸ زور. قازاقستان مەن تٷركييا اراسىندا ديپلوماتييالىق قاتىناس ورناعانىنا بيىل 30 جىل تولدى. وسى كەزەڭدە بٸزدٸڭ ىنتىماقتاستىعىمىز نىعايىپ, ستراتەگييالىق سەرٸكتەستٸككە اينالدى. اۋقىمدى شارتتىق-قۇقىقتىق نەگٸز قالىپتاستى. ساۋدا-ەكونوميكالىق جەنە مەدەني-گۋمانيتارلىق بايلانىس, جاھاندىق جەنە ٶڭٸرلٸك قۇرىلىمدار اياسىنداعى ىقپالداستىق ويداعىداي دامىپ كەلە جاتىر, – دەدٸ قازاقستان پرەزيدەنتٸ.
قاسىم-جومارت توقاەۆ التايدان باستالعان قازاق كٶشٸنٸڭ قاسيەتتٸ انادولى توپىراعىنا جەتكەنٸنە بيىل 70 جىل تولعانىن اتاپ ٶتٸپ, قانداستارىمىزدى سول كەزدەگٸ تٷركييا پرەمەر-مينيسترٸ ادنان مەندەرەس قۇشاق جايا قارسى العانىن ەسكە الدى. سونداي-اق جاقىندا الماتى قالاسىنداعى كٶشەگە تٷركييانىڭ وسى بٸر اسا كٶرنەكتٸ ساياساتكەرٸنٸڭ ەسٸمٸ بەرٸلگەنٸن ايتتى.
– تٷرٸك جۇرتى قازاقستانعا ەردايىم تٸلەكتەس ەرٸ جاناشىر ەكەنٸن بٸلەمٸز. مۇنى ۇدايى سەزٸنەمٸز. بٷگٸنگٸ ەكٸجاقتى كەزدەسۋدٸڭ نەتيجەسٸندە ماڭىزدى كەلٸسٸمدەرگە قول جەتكٸزدٸك. بۇل ساپار ساياسي, ساۋدا-ەكونوميكالىق, ينۆەستيتسييالىق, مەدەني-گۋمانيتارلىق, ەسكەري-تەحنيكالىق جەنە باسقا دا سالالارداعى ىنتىماقتاستىقتى ودان ەرٸ نىعايتۋعا مٷمكٸندٸك بەرەدٸ. ەسٸرەسە, ترانسكاسپيي حالىقارالىق كٶلٸك باعدارىنىڭ ەلەۋەتٸن تولىق پايدالانۋعا ەكٸ ەل دە مٷددەلٸ, – دەدٸ مەملەكەت باسشىسى.
پرەزيدەنت گەوساياسي احۋال ۋشىعا تٷسكەن قازٸرگٸ كەزدە مۇنىڭ مەن-ماڭىزى ايرىقشا ەكەنٸن ايتىپ, قازاق-تٷرٸك ىنتىماقتاستىعىن جاڭا دەڭگەيگە كٶتەرۋ ٷشٸن كەڭەيتٸلگەن ستراتەگييالىق سەرٸكتەستٸك تۋرالى بٸرلەسكەن مەلٸمدەمە قابىلداعاندارىن جەتكٸزدٸ. سونىمەن قاتار تٷرلٸ سالاداعى بايلانىستى جاڭا بەلەسكە كٶتەرەتٸن ماڭىزدى ٷكٸمەتارالىق قۇجاتتارعا قول قويىلدى.
– بۇل – باۋىرلاستىعىمىزدى بەكەمدەپ, ىقپالداستىعىمىزدى نىعايتا تٷسەتٸن ماڭىزدى قادام. قازاقستان مەن تٷركييا ەۋرازييا قۇرلىعىندا بەيبٸتشٸلٸك پەن تۇراقتىلىقتى قامتاماسىز ەتۋگە باسا مەن بەرەدٸ. وسى رەتتە, ەكٸ ەل حالىقارالىق جەنە ايماقتىق دەڭگەيدە تىعىز ىقپالداستىق ورناتقان, – دەپ اتاپ ٶتتٸ قاسىم-جومارت توقاەۆ.
پرەزيدەنتتٸڭ پايىمىنشا, ٷكٸمەتارالىق ەكونوميكالىق كوميسسييا ساۋدا-ەكونوميكالىق سەرٸكتەستٸكتٸ نىعايتۋعا زور سەپتٸگٸن تيگٸزەدٸ. سونداي-اق, تٷركٸ مەملەكەتتەرٸ ۇيىمى ماڭىزدى رٶل اتقارادى.
– بىلتىر تٷركٸتٸلدەس مەملەكەتتەردٸڭ ىنتىماقتاستىق كەڭەسٸ تولىققاندى ۇيىم بولىپ قايتا قۇرىلعانى قۋانتارلىق جايت. بۇل – بەرٸمٸزگە ورتاق جەتٸستٸك. بٸز وسى ۇيىمنىڭ اياسىنداعى جۇمىستى جالعاستىرا بەرۋگە مٷددەلٸمٸز. سونىمەن قاتار, بٸلٸم جەنە مەدەنيەت سالاسىنداعى بايلانىستى ودان ەرٸ دامىتامىز دەپ كەلٸستٸك. بۇل ۇيىم قازاقستان ٷشٸن اسا ماڭىزدى, سوندىقتان بٸز ونى ٷنەمٸ قولدايمىز. جالپى, قازاقستان مەن تٷركييانىڭ جان-جاقتى قارىم-قاتىناسىن نىعايتۋعا مول مٷمكٸندٸك بار. بٷگٸنگٸ ماڭىزدى ۋاعدالاستىقتار – سونىڭ ايقىن كٶرٸنٸسٸ. مەنٸڭ مەملەكەتتٸك ساپارىم قازاقستان مەن تٷركييا اراسىنداعى قارىم-قاتىناسقا تىڭ سەرپٸن بەرەتٸنٸنە كەمٸل سەنەمٸن, – دەدٸ مەملەكەت باسشىسى.
پرەزيدەنت وسى بايلانىستى ودان ەرٸ نىعايتۋ ٷشٸن قازاقستاندا جوعارى دەڭگەيدە ەكٸجاقتى كەزدەسۋ ٶتكٸزۋ اسا ماڭىزدى دەپ اتاپ, تٷركييا پرەزيدەنتٸ, رەجەپ تاييپ ەردوعاندى ەلٸمٸزگە ساپارمەن كەلۋگە شاقىرعانىن جەتكٸزدٸ. سول كەزدە نۇر-سۇلتان قالاسىندا جوعارى دەڭگەيدەگٸ ستراتەگييالىق ىنتىماقتاستىق كەڭەسٸنٸڭ تٶرتٸنشٸ وتىرىسى ٶتكٸزٸلمەك.
قاسىم-جومارت توقاەۆ سٶزٸنٸڭ سوڭىندا ەكٸ ەلدٸڭ ەردايىم بٸر-بٸرٸنە قولداۋ كٶرسەتە وتىرىپ, تابىسقا بٸرگە جەتەتٸنٸنە سەنٸم بٸلدٸردٸ.
تٷركييا پرەزيدەنتٸ رەجەپ تاييپ ەردوعان ەكٸ ەل اراسىنداعى ىنتىماقتاستىقتى ودان ەلٸ ٸلگەرٸلەتۋگە دايىن ەكەنٸن اتاپ ٶتتٸ.
– قازاق باۋىرلارىمىزدىڭ تۇراقتىلىعى مەن تىنىشتىعىنا اسا مٷددەلٸ ەكەنٸمٸزدٸ جەنە ساۋدا-ەكونوميكالىق, مەدەنيەت, قاۋٸپسٸزدٸك سالالارىندا بٸرگە بولاتىنىمىزدى ايتقىم كەلەدٸ. بٸز ەكٸجاقتى جەنە كٶپجاقتى قاتىناستارىمىزدى نىعايتا بەرەمٸز دەپ كەلٸستٸك. بۇۇ, يسلام ىنتىماقتاستىق ۇيىمدارىنداعى بٸرلٸگٸمٸزدٸ ارتتىرامىز. اتامەكەنٸمٸزدەن كەلٸپ وتىرعان پرەزيدەنت قاسىم-جومارت توقاەۆ مىرزا مەن ونىڭ قۇرمەتتٸ دەلەگاتسيياسىنىڭ كەلگەنٸنە اسا قۋانىشتىمىز, – دەدٸ تٷركييا پرەزيدەنتٸ.
