مەملەكەت باسشىسى فرانتسييا پرەزيدەنتٸ ەممانيۋەل ماكرونمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پاريجگە رەسمي ساپارمەن كەلگەن مەملەكەت باسشىسى قاسىم-جومارت توقاەۆ فرانتسييا پرەزيدەنتٸ ەممانيۋەل ماكرونمەن كەڭەيتٸلگەن قۇرامدا كەلٸسسٶز جٷرگٸزدٸ.
كەلٸسسٶزگە دەيٸن ەليسەي سارايىندا رەسمي قارسى الۋ رەسٸمٸ ٶتتٸ.
كەزدەسۋ بارىسىندا قاسىم-جومارت توقاەۆ فرانتسيياعا رەسمي ساپارمەن كەلۋگە شاقىرعانى جەنە قازاقستان پرەزيدەنتٸ لاۋازىمىنا قايتا سايلانۋىنا وراي قۇتتىقتاعانى ٷشٸن ەممانيۋەل ماكرونعا العىس ايتتى.
مەملەكەت باسشىسى بۇل ساپار ەكٸ ەل اراسىنداعى ستراتەگييالىق سەرٸكتەستٸكتٸ نىعايتىپ, قارىم-قاتىناستى جاڭا دەڭگەيگە كٶتەرۋگە زور مٷمكٸندٸك بەرەتٸنٸن اتاپ ٶتتٸ.
فرانتسييا 2005 جىلدان بەرٸ قازاقستان ەكونوميكاسىنا جالپى كٶلەمٸ 17 ميلليارد دوللار ينۆەستيتسييا قۇيىپ, ەڭ ٸرٸ بەس ينۆەستور ەلدٸڭ قاتارىنا كٸردٸ. سوڭعى 9 ايدا ەكٸجاقتى تاۋار اينالىمى 2,5 ميلليارد دوللارعا جەتتٸ. بۇل - بىلتىرعى وسى كەزەڭمەن سالىستىرعاندا 6,1 پايىزعا جوعارى. فرانتسييانىڭ ورتالىق ازييا ەلدەرٸمەن جاساعان ساۋدا-ساتتىعىنىڭ 90 پايىزى قازاقستانعا تيەسٸلٸ. ەكٸ مەملەكەت ەنەرگەتيكا, تاۋ-كەن ٶندٸرٸسٸ, جەڭٸل ٶنەركەسٸپ, قۇرىلىس, اەروعارىش, ماشينا جاساۋ, دەنساۋلىق ساقتاۋ جەنە تاماق ٶنەركەسٸبٸ سالالارىندا تيٸمدٸ جوبالاردى بٸرلەسٸپ جٷزەگە اسىرىپ كەلەدٸ. قازاقستاندا 170-تەن استام فرانتسييالىق كومپانييا مەن بٸرلەسكەن كەسٸپورىن جۇمىس ٸستەيدٸ. ولاردىڭ اراسىندا ەكونوميكامىزدىڭ جەتەكشٸ ينۆەستورلارى سانالاتىن Total Energies, Air Liquide, Airbus, Alstom, Orano جەنە Danone سەكٸلدٸ كومپانييالار بار. بىلتىر ەلدەرٸمٸز ساۋدا-ەكونوميكالىق جەنە ينۆەستيتسييالىق ىنتىماقتاستىقتىڭ 2030 جىلعا دەيٸنگٸ جول كارتاسىن بەكٸتتٸ.
كەلٸسسٶز بارىسىندا قاسىم-جومارت توقاەۆ ەلٸمٸزدە جٷرگٸزٸلٸپ جاتقان ساياسي جەنە ەكونوميكالىق جاڭعىرۋ ٷدەرٸسٸ جٶنٸندە ايتتى.
ٶز كەزەگٸندە ەممانيۋەل ماكرون قازاقستان فرانتسييانىڭ ستراتەگييالىق سەرٸكتەسٸ ەكەنٸن اتاپ ٶتتٸ. ەكٸ ەل اراسىندا ساۋدا-ەكونوميكالىق ىنتىماقتاستىق قارقىندى دامىپ كەلەدٸ. ەنەرگەتيكا سالاسىندا بٸرلەسكەن جوبالار جٷزەگە اسىرىلىپ جاتىر. ەۋروپالىق وداق قازاقستانداعى تٷرلٸ جوبالارعا ينۆەستيتسييا سالىپ كەلەدٸ.
سونىمەن قاتار ەممانيۋەل ماكرون 2024 جىلى قازاقستاندا فرانتسۋز تٸلٸندە وقىتاتىن جاڭا مەكتەپتەر اشىلاتىنىن ايتتى. فرانتسييا پرەزيدەنتٸ قازاقستاندا جٷرگٸزٸلٸپ جاتقان رەفورمالارعا قولداۋ بٸلدٸردٸ.
تاراپتار ەكٸ ەلدٸڭ بٸلٸم جەنە مەدەنيەت سالالارىنداعى بايلانىستارىن نىعايتۋ جٶنٸندە پٸكٸر الماسىپ, حالىقارالىق كٷن تەرتٸبٸندەگٸ ٶزەكتٸ مەسەلەلەردٸ جەنە ورتالىق ازييا ٶڭٸرٸندەگٸ جاعدايدى تالقىلادى.
كەزدەسۋ سوڭىندا قاسىم-جومارت توقاەۆ ەممانيۋەل ماكروندى قازاقستانعا ساپارمەن كەلۋگە شاقىردى.
