مەملەكەت باسشىسى مكق باسشىلىق قۇرامىنا جينالىس ٶتكٸزٸپ, مەملەكەتتٸك كٷزەت قىزمەتٸنٸڭ جاڭادان تاعايىندالعان باستىعى ەرمەك ساعىمباەۆتى تانىستىردى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت مەملەكەتتٸك كٷزەت قىزمەتٸنٸڭ ٷلكەن جاۋاپكەرشٸلٸگٸ مەن ماڭىزدىلىعىنا توقتالىپ, بارلىق قىزمەتكەرلەردەن, ەسٸرەسە باسشىلىقتان ەرەكشە بٸلٸم مەن بٸلٸكتٸلٸك تالاپ ەتٸلەتٸنٸن ايتتى.
– مەملەكەتتٸك كٷزەت قىزمەتٸنٸڭ ماماندارىنان كەسٸبيلٸك تالاپ ەتٸلەدٸ. بٸرٸنشٸدەن, جاۋىنگەرلٸك جەنە فيزيكالىق دايىندىق. بۇل رەتتە مەملەكەتتٸك كٷزەت قىزمەتٸنٸڭ, تيٸستٸ بٶلٸمشەلەردٸڭ باسشىلارى جان-جاقتى بٸلٸمدٸ, دٷنيەتانىمى كەڭ, ەلدٸڭ ٸشكٸ ساياسي جاعدايىن دا, حالىقارالىق احۋالدى دا جاقسى مەڭگەرگەن بولۋى كەرەك. ولاردىڭ حالىقارالىق تالاپتاردىڭ قىر-سىرىن جەتٸك بٸلەتٸن زەرەك, تالداۋ جۇمىستارىنا قابٸلەتتٸ بولعانى جٶن. بٸز تەك وسىنداي جاعدايدا عانا جۇمىستان تيٸمدٸ نەتيجە كٷتەمٸز, – دەدٸ قاسىم -جومارت توقاەۆ.
پرەزيدەنت كادرلىق ەلەۋەتتٸ ارتتىرۋ تۋرالى ايتا كەلٸپ, مكق وفيتسەرلەرٸ مەملەكەتكە, ٶزدەرٸنە جٷكتەلگەن قىزمەتكە ادال جەنە ناعىز پاتريوتتار بولۋى كەرەك ەكەنٸن اتاپ ٶتتٸ. مەملەكەت باسشىسى كادرلاردى ٸرٸكتەۋدە دەل وسى ۇستانىمداردى باسشىلىققا الۋدى باسا ايتتى.
