«مەملەكەت شارۋاعا قاجەت كٶمەكتٸ كٶرسەتەدٸ». بٷگٸن ٷكٸمەتتٸڭ كەڭەيتٸلگەن وتىرىسىندا پرەزيدەنت قاسىم-جومارت توقاەۆ وسىلاي دەدٸ, - دەپ حابارلايدى «ۇلت اقپارات».
پرەزيدەنتتٸڭ ايتۋىنشا, ماڭعىستاۋ جەنە قىزىلوردا وبلىستارىندا جاعداي كٷردەلٸ. سوندىقتان «مەملەكەت شارۋاعا قاجەت كٶمەكتٸ كٶرسەتەدٸ».
«بيىل قۋاڭشىلىق بەلەڭ الىپ تۇر. شارۋالارعا دا وڭاي ەمەس. مەسەلەن, بٸر عانا ماڭعىستاۋدىڭ ٶزٸندە جاپپاي قىرىلعان مالدىڭ سانى 3 مىڭعا جەتتٸ. بٸر توننا شٶپتٸڭ ورتاشا باعاسى 23 مىڭ تەڭگە, ال كەيبٸر ايماقتا 42 مىڭ تەڭگە بولدى. بۇل ٷشٸن جەرگٸلٸكتٸ بيلٸك قانا ەمەس, اۋىلشارۋشالىعى مينيسترلٸگٸ دە تٸكەلەي جاۋاپتى. ٶيتكەنٸ ۇيىمداستىرۋ جۇمىستارى وسى مينيسترلٸكتٸڭ قۇزىرىندا», - دەدٸ پرەزيدەنت.
وسى ورايدا مەملەكەت باسشىسى ٷكٸمەت پەن ەكٸمدەرگە قۋاڭشىلىق زاردابىن شەگٸپ جاتقان ايماقتارعا جەم-شٶپ جەتكٸزٸپ, مالدىڭ قىرىلۋىن توقتاتۋدى, تٶتەنشە شارا رەتٸندە ەرەكشە قورعالاتىن تابيعي اۋماقتاردان شٶپ جيناۋ مٷمكٸندٸگٸن قاراستىرۋدى تاپسىردى.
ۇلتتىق قوعامدىق سەنٸم كەڭەسٸنٸڭ مٷشەسٸ بولعان جەنٸبەك قوجىق ٶزٸ تۋىپ-ٶسكەن ٶلكەنٸڭ قۋاڭشىلىقتاعى جاعدايى تۋرالى ەڭگٸمەلەپ بەردٸ. ونىڭ ايتۋىنشا, ەر كٶشەدەگٸ 15-16 ٷي بٸرٸگٸپ شىعاراتىن 300-دەن استام ۋاق مال اۋىلدان 5-6 شاقىرىمنان الىسقا ۇزاي المايدى.
«ٶرٸسكە شىقتى دەگەن اتى بولماسا ۋاق مال جەيتٸن شٶپ تاپپاي, قۋ تاستان ٶزگە تٷك جوق جەردٸ يٸسكەلەپ جٷر. قارايعان بۇتا كٶرٸنسە, سونى كەمٸرٸپ تۇرا قالادى. تٷستە كٷن قايناعاندا اۋىلعا ايدايمىز. ماڭىراپ, شۋلاپ قايتادى. قورادا دا جەي قوياتىن جەم-شٶپ جوق. تابىلسا كەبەك, سۋعا جٸبٸتٸپ كارتون قاعاز بەرەمٸز. اۋىل اقساقالدارى بيىلعىداي قۋاڭشىلىقتى ٶمٸرٸ كٶرمەدٸك دەپ وتىر. قايتا بٸزدٸڭ اۋىلدىڭ اينالاسىنا بيىل ازداپ قار جاۋعان ەدٸ. سونىڭ كٷشٸمەن شىققان كٶكتٸ وسىعان دەيٸن تالعاجاۋ ەتٸپ كەلدٸك. سوندىقتان بٸزدٸڭ جاعدايىمىز ماڭعىستاۋ ٶڭٸرٸندەگٸ باسقا اۋىلداردان گٶرٸ سەل تەۋٸر دەۋگە بولار. تۇششىقۇدىق, اقشىڭىراۋ, قىزان اۋىلدارى, بەينەۋ اۋدانى تٷگەل قاتتى قينالىپ وتىر», – دەيدٸ قوعام بەلسەندٸسٸ جەنٸبەك قوجىق.
ال قىزىلوردا وبلىسى ارال اۋدانىنىڭ قامىستىباس اۋىلىنىڭ شارۋاسى راقىمجان كٶپتٸلەۋوۆتٸڭ سٶزٸنشە, كەيٸنگٸ كەزدە ٶرٸستەن قايتپاي قالاتىن مال كٶبەيگەن.
«اۋىلدان ۇزاپ شىققان كٶتەرەم سيىر قايتاردا 4-5 رەت توقتاپ, دەمالىپ كەلەدٸ. سۋى تارتىلا باستاعان كٶلدٸڭ جاعاسىنداعى قورىس شٶبٸنە ەنتەلەي كٸرگەن جىلقى قايتا شىعا الماي باتپاقتا قالىپ جاتىر. قازٸر اۋىل ادامدارى كٶل ماڭىن باقىلاپ, كٶتەرەم جىلقىنى كٶلدەن سٷيرەپ شىعارىپ جٷر. جايىلىمعا كەتكەن تٷيە تويماسا بوتاسىنا دا ورالمايدى. شٶپ تابا الماعان تٷيە جىڭعىل جەيدٸ. كٸشٸ ارالدىڭ ارعى بەتٸندە مىڭداپ جىلقى ايدايتىن كەسٸپكەرلەر بيەنٸ ەمٸپ ەلسٸرەتپەسٸن دەپ بيىل ەرتە كٶكتەمدە قۇلىندارىن 20-40 مىڭ تەڭگەدەن جاپپاي ارزانعا ساتىپ قۇتىلدى. وعان كٷلگەندەر قازٸر ساتا الماي دا جٷر», – دەيدٸ ارال اۋدانىنىڭ شارۋاسى راقىمجان كٶپتٸلەۋوۆ.
مال شارۋاشىلىعى ماماندارىنىڭ سٶزٸنشە, بٷگٸندە شىعىس قازاقستان, پاۆلودار وبلىستارى مەن باتىس قازاقستان وبلىسىنىڭ سولتٷستٸگٸندە عانا قۋاڭشىلىق بەسەڭ. قالعان ٶڭٸردٸڭ بارلىعىندا قۋاڭشىلىق بايقالىپ تۇر.
قىزىلوردا وبلىسى اۋىل شارۋاشىلىعى باسقارماسىنىڭ مال شارۋاشىلىعىن دامىتۋ بٶلٸمٸنٸڭ باسشىسى ارىستان وماروۆتىڭ ايتۋىنشا, ارال اۋدانىندا جەرمەڭكە ۇيىمداستىرىلىپ, تٸركەمەسٸ بار 32 كٶلٸك شٶپ, ەكٸ كٶلٸك جەم جەتكٸزٸلٸپ, ارزان باعامەن تاراتىلعان. سونىڭ ارقاسىندا جاعداي بٸرشاما تۇراقتالعان.
ەستەرٸڭٸزگە سالا كەتەيٸك, بٷگٸن ٷكٸمەتتٸڭ كەڭەيتٸلگەن وتىرىسىندا پرەزيدەنت قاسىم-جومارت توقاەۆ «مەملەكەت شارۋاعا قاجەت كٶمەكتٸ كٶرسەتەدٸ» دەدٸ. پرەزيدەنتتٸڭ ايتۋىنشا, ماڭعىستاۋ جەنە قىزىلوردا وبلىستارىندا جاعداي كٷردەلٸ. وسى ورايدا مەملەكەت باسشىسى ٷكٸمەت پەن ەكٸمدەرگە قۋاڭشىلىق زاردابىن شەگٸپ جاتقان ايماقتارعا جەم-شٶپ جەتكٸزٸپ, مالدىڭ قىرىلۋىن توقتاتۋدى, تٶتەنشە شارا رەتٸندە ەرەكشە قورعالاتىن تابيعي اۋماقتاردان شٶپ جيناۋ مٷمكٸندٸگٸن قاراستىرۋدى تاپسىردى.
