بۇل تۋرالى مەملەكەت باسشىسى قاسىم-جومارت توقاەۆ «QAZAQSTAN» ۇلتتىق تەلەارناسىنا بەرگەن سۇحباتىندا ايتتى, دەپ جازادى Baq.kz پورتالى.
پرەزيدەنت سۇحباتتا قازاقستاننىڭ رەسەيمەن قارىم-قاتىناسى قانداي بولۋى كەرەك دەگەن سۇراققا توقتالدى.
"قازاقستان مەن رەسەي اراسىندا مەڭگٸ تاتۋ كٶرشٸلٸك تۋرالى كەلٸسٸم بار. رەسەي – عاسىرلار بويى قاتار ٶمٸر سٷرٸپ كەلە جاتقان قۇدايى كٶرشٸمٸزدٸڭ بٸرٸ. قازاقتىڭ تاعدىرىنا وسىلاي جازىلعان. مۇنى بٸز ٶزگەرتە المايمىز. ساياسي, ساۋدا-ەكونوميكالىق جەنە مەدەني بايلانىستاردى نىعايتا بەرۋٸمٸز كەرەك. بۇل, ەڭ الدىمەن, قازاقستاننىڭ ستراتەگييالىق مٷددەسٸنە ساي كەلەدٸ. ەكٸنشٸ مەسەلە. يە, راسىندا دا, كەيبٸر رەسەيلٸك ساياساتكەرلەر تاراپىنان «قازاقستاننىڭ سولتٷستٸك وبلىستارىنداعى جەرلەر بٸزدٸكٸ» دەگەن سٶزدەر ايتىلدى. بٸردەن كەسٸپ ايتايىن. بۇل – اقىلعا سىيمايتىن, ورىنسىز پٸكٸر. رەسمي بيلٸك, ياعني كرەمل, ەرينە, بۇل ۋەجدٸ قولدامايدى", - دەپ اتاپ ٶتتٸ مەملەكەت باسشىسى.
سونىمەن قاتار پرەزيدەنت جەر مەسەلەسٸنە قاتىستى ەكٸ ەلدٸڭ بيلٸگٸ اراسىندا ەشقاشان داۋ تۋىنداعان جوق دەپ وتىر.
"ەكٸ ەلدٸڭ باسشىلىعى اراسىندا جەر مەسەلەسٸنە قاتىستى ەشقاشان داۋ تۋىنداعان ەمەس. ماعان ۆ. پۋتيننٸڭ ٶزٸ «جەرگە قاتىستى ەشقاشان مەسەلە كٶتەرمەيمٸز» دەپ ايتقان. سوندىقتان الاڭدايتىن ەشنەرسە جوق. شەكارامىز تولىق ايقىندالعان, بەكٸتٸلگەن. بۇل اقيقاتتى بٷكٸل ەلەم مويىندايدى. ەكٸ ەلدٸڭ اراسىنداعى بايلانىستارعا سىزات تٷسپەگەن. رەسەي پرەزيدەنتٸ وسىنداي قاعيداتتارعا ادالدىعىن, بەرٸكتٸگٸن كٶرسەتتٸ", - دەدٸ قاسىم-جومارت توقاەۆ.
