پرەزيدەنت جەكەلەگەن مەملەكەتتٸك ورگانداردىڭ باسشىلارىمەن كەڭەس ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى قاسىم-جومارت توقاەۆتىڭ تٶراعالىعىمەن پرەزيدەنت ەكٸمشٸلٸگٸ, قاۋٸپسٸزدٸك كەڭەسٸ, باس پروكۋراتۋرا, ۇلتتىق قاۋٸپسٸزدٸك كوميتەتٸ, قورعانىس جەنە ٸشكٸ ٸستەر مينيسترلٸكتەرٸ باسشىلارىنىڭ كەڭەسٸ ٶتتٸ.
مەملەكەت باسشىسىنا ەلٸمٸزدەگٸ احۋالدى تۇراقتاندىرۋ ٷشٸن بەرٸلگەن تاپسىرمالاردىڭ ورىندالۋ بارىسى تۋرالى باياندالدى. ەسٸرەسە قاۋٸپسٸزدٸك پەن قۇقىقتىق تەرتٸپتٸ قايتا قالپىنا كەلتٸرۋگە, ازاماتتاردىڭ زاڭدى قۇقىقتارىن قامتاماسىز ەتۋگە باسا مەن بەرٸلدٸ.
ٸشكٸ ٸستەر مينيسترٸ ەرلان تۇرعىمباەۆ پرەزيدەنتكە ەلٸمٸزدٸڭ بارلىق ٶڭٸرٸندە جٷرگٸزٸلٸپ جاتقان «قۇقىقتىق تەرتٸپ» دەپ اتالاتىن شۇعىل الدىن الۋ شارالارىنىڭ جٷزەگە اسىرىلۋ بارىسى تۋرالى باياندادى. حالىقتان زاڭسىز ساقتاپ وتىرعان قارۋلارىن الۋ ٸسٸ جالعاسۋدا. ۆەدومستۆونىڭ مەلٸمەتٸ بويىنشا تەرروريزم, كٸسٸ ٶلتٸرۋ, بيلٸك ٶكٸلدەرٸنە زورلىق-زومبىلىق كٶرسەتۋ, بۇزاقىلىق, مەملەكەتتٸك ورگانداردىڭ عيماراتتارىنا شابۋىل جاساۋ جەنە باسقا دا قىلمىستار بويىنشا 1 822 قىلمىستىق ٸس قوزعالعان. ونىڭ 116-سى ارناۋلى پروكۋرورلارعا جولدانعان. ٸٸم جەكە قاۋٸپسٸزدٸك دەپارتامەنتٸ جانىنان سەنٸم تەلەفونى ٸسكە قوسىلعان. مينيستردٸڭ ايتۋىنشا, ۇستالعان ازاماتتاردىڭ كونستيتۋتسييالىق قۇقىقتارىنىڭ بۇزىلۋىنا جول بەرمەۋ ماقساتىندا قۇقىق قورعاۋ ۇيىمدارىمەن تىعىز ىقپالداستىق ورناتىلعان.
ۇلتتىق قاۋٸپسٸزدٸك كوميتەتٸنٸڭ تٶراعاسى ەرمەك ساعىمباەۆ مەملەكەت باسشىسىنا لاڭكەستٸك قاۋٸپتەردٸ جويۋ جەنە كەلەشەكتە ونداي قاتەرلەرگە جول بەرمەۋ مەحانيزمدەرٸن ەزٸرلەۋ جٶنٸندەگٸ شارالار تۋرالى باياندادى.
قورعانىس مينيسترٸ رۋسلان جاقسىلىقوۆ پرەزيدەنتكە قازٸرگٸ ۋاقىتتا قارۋلى كٷشتەردٸڭ جەكەلەگەن بٶلٸمشەلەرٸ ٸشكٸ ٸستەر ورگاندارىمەن بٸرلەسٸپ, تەرروريستٸك قاۋٸپتٸڭ «قىزىل» دەڭگەيٸندە تۇرعان ٶڭٸرلەردە قۇقىقتىق تەرتٸپتٸ قامتاماسىز ەتۋ جٶنٸندەگٸ مٸندەتتەرٸن ورىنداۋدى جالعاستىرىپ جاتقانىن باياندادى. ەسكەري نىسانداردىڭ, سونىڭ ٸشٸندە قارۋ-جاراق جەنە وق-دەرٸ قويمالارىنىڭ كٷزەتٸ كٷشەيتٸلگەن.
قورعانىس مينيسترلٸگٸ مەملەكەت باسشىسىنىڭ قارۋلى كٷشتەردٸ رەفورمالاۋ جٶنٸندە بەرگەن تاپسىرماسىن ورىنداۋعا كٸرٸستٸ.
باس پروكۋرور عيزات نۇردەۋلەتوۆ مەملەكەت باسشىسىنا تەرروريزم مەن جاپپاي تەرتٸپسٸزدٸك دەرەكتەرٸ بويىنشا جٷرگٸزٸلٸپ جاتقان تەرگەۋ امالدارىنىڭ بارىسى تۋرالى ەسەپ بەردٸ. سونىمەن قاتار ۇستالعان جەنە تۇتقىندالعان ازاماتتاردىڭ قۇقىقتارىن قامتاماسىز ەتۋ ٷشٸن پروكۋرورلاردىڭ قابىلداعان شارالارى جٶنٸندە باياندادى. عيزات نۇردەۋلەتوۆتٸڭ ايتۋىنشا, ولاردىڭ بەرٸ قورعاۋ, زاڭدى كٶمەك الۋ, شاعىم جاساۋ قۇقىعىمەن قامتاماسىز ەتٸلٸپ جاتىر. پروكۋراتۋرا ورگاندارىنا قاڭتار وقيعاسىنا قاتىسقان ازاماتتاردان 84 شاعىم تٷسكەن. قاداعالاۋ شارالارى بويىنشا ۇستالعان 96 ادام بوساتىلعان.
سونىمەن قاتار قاداعالاۋ ورگانىنىڭ جەتەكشٸسٸ ناقتى دەلەلٸ جوق جاعدايلاردا جازانى جەڭٸلدەتۋ جٶنٸندەگٸ مەملەكەت باسشىسىنىڭ بەرگەن تاپسىرماسىنىڭ ورىندالۋ بارىسى تۋرالى ەسەپ بەردٸ. بەرٸلگەن مەلٸمەتتەر بويىنشا ەكٸمشٸلٸك تەرتٸپكە سەيكەس سوتتاردىڭ شەشٸمٸمەن 3314 ادام تۇتقىندالعان. پروكۋرورلار 1884 ٸسكە قاتىستى جازانى جەڭٸلدەتۋ جٶنٸندە ٶتٸنٸش بەرگەن. ولاردى تەكسەرۋ نەتيجەسٸندە 1083 ادام تۇتقىننان بوساتىلعان. 493 ازاماتقا سالىنعان ايىپپۇل ەسكەرتۋ جازاسىنا اۋىستىرىلعان.
باياندامالاردى تىڭداعان مەملەكەت باسشىسى بولعان وقيعانىڭ بارلىق مەن-جايىن انىقتاۋ جۇمىستارىن جالعاستىرۋ قاجەت ەكەنٸن ايتتى.
قاسىم-جومارت توقاەۆ اقپارات سالاسىنداعى كٷشتٸك قۇرىلىمدار مەن ٶكٸلەتتٸ ورگاندار كٷش-جٸگەرلەرٸن ٷيلەستٸرٸپ, جۇرتشىلىق تاراپىنان تٷسەتٸن ساۋالدارعا جەدەل جاۋاپ بەرۋگە تيٸس ەكەنٸنە توقتالدى.
مەملەكەت باسشىسى تۇرعىنداردىڭ قازاسىنا قاتىستى مەسەلە بويىنشا باس پروكۋراتۋراعا جەنە ٸشكٸ ٸستەر مينيسترلٸگٸنە ەربٸر جاعدايدى مۇقييات تەرگەپ-تەكسەرۋ جٶنٸندە تاپسىرما بەردٸ.
– جۇرتشىلىقتىڭ بولعان وقيعالار جٶنٸندە دولبار مەن قاۋەسەتكە نەگٸزدەلگەن پٸكٸر قالىپتاستىرۋىنا جول بەرۋگە بولمايدى. ازاماتتار بيلٸكتٸڭ اشىقتىق پەن زاڭدىلىقتى قامتاماسىز ەتٸپ وتىرعانىن كٶرۋگە تيٸس, – دەدٸ مەملەكەت باسشىسى.
پرەزيدەنت ەكٸمشٸلٸگٸنٸڭ باسشىلىعىنا اتالعان مەسەلەنٸ باقىلاۋعا الۋ تاپسىرىلدى.
