مەملەكەت باسشىسى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى جانسەيٸت تٷيمەباەۆتى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆقا وقۋ ورنىنىڭ بٸر جىلدا اتقارعان جۇمىستارى مەن الداعى دامۋ جوسپارى تانىستىرىلدى.
سونداي-اق رەكتور مەملەكەت باسشىسىنا بٸلٸم بەرۋ ٷدەرٸسٸ, عىلىمي-زەرتتەۋ جۇمىستارى جەنە ۋنيۆەرسيتەتتٸڭ حالىقارالىق جەتٸستٸكتەرٸ تۋرالى باياندادى.
كەزدەسۋ بارىسىندا جانسەيٸت تٷيمەباەۆ پرەزيدەنتكە عىلىمي جوبالاردىڭ تيٸمدٸلٸگٸ مەن كادرلاردىڭ ەلەۋەتٸن ارتتىرۋ جەنە وقۋ ورداسىنىڭ 90 جىلدىعى قارساڭىندا قازۇۋ قالاشىعىن قايتا جاڭعىرتۋ جٶنٸندەگٸ ۇسىنىسىن جەتكٸزدٸ.
ونىڭ ايتۋىنشا, 2024 جىلعا قاراي ۋنيۆەرسيتەت ەلٸمٸزدٸڭ عىلىمي-تەحنيكالىق دامۋىنىڭ پەرسپەكتيۆتٸ دەگەن باعىتتارى بويىنشا 650-دەن استام عىلىمي جوبانى قولعا الماق.
رەكتور عىلىمي جوبالاردىڭ نەتيجەلەرٸن ەكونوميكانىڭ ناقتى سەكتورىنا اينالدىرۋ 20-عا جۋىق سپين-وفف كومپانييالارىن قۇرۋ ارقىلى جٷزەگە اسىرىلاتىنىن ايتتى.
جانسەيٸت تٷيمەباەۆ جەتەكشٸ وقۋ ورنىنداعى ۇزاق جىلداردان بەرٸ قوردالانعان مەسەلەلەرگە دە توقتالىپ, ولاردى شەشۋ جولدارى تۋرالى ۇسىنىسىن جەتكٸزدٸ.
اتاپ ايتقاندا, ەسكٸرگەن جاتاقحانالار مەن توزىعى جەتكەن وقۋ كورپۋستارىنىڭ جاي-كٷيٸ, 2 مىڭنان استام وقىتۋشى مەن قىزمەتكەردٸڭ باسپاناعا مۇقتاجدىعى جٶنٸندە باياندادى.
كەزدەسۋ سوڭىندا پرەزيدەنت بٸلٸم ساپاسىن تٷبەگەيلٸ جاقسارتۋ جەنە ەلٸمٸزدٸڭ ەلەۋمەتتٸك-ەكونوميكالىق دامۋىنا عىلىمنىڭ قوساتىن ٷلەسٸن ارتتىرۋ مەسەلەلەرٸنە نازار اۋدارىپ, ۋنيۆەرسيتەت باسشىسىنىڭ ۇسىنىستارىن قولدادى.
