مەملەكەت باسشىسى قاسىم-جومارت توقاەۆ قازاقستاندىقتاردى جاڭا 2024 جىلمەن قۇتتىقتادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"قادٸرلٸ وتانداستار! بەرٸمٸز بٸر ەل بولىپ جاڭا جىلدى قارسى الىپ وتىرمىز. بارشامىز ەسكٸ جىلدى وي ەلەگٸنەن ٶتكٸزەمٸز, الداعى جىلعا جوسپار جاساپ, جاڭا ماقسات قويامىز. بٸز وسى سەتتە بٸر-بٸرٸمٸزگە اق تٸلەگٸمٸزدٸ ارنايمىز, سىي-قۇرمەت كٶرسەتەمٸز. قاسيەتتٸ وتانىمىزدىڭ بەرەكەلٸ بٸرلٸگٸ جۇرتىمىزدىڭ وسىنداي تاتۋ تٸرلٸگٸنەن باستالادى.
2023 جىل قازاقستان ٷشٸن تابىسى مەن تاۋقىمەتٸ قاتار كەلگەن جىل بولدى. ٶمٸردە قۋانىش پەن قيىندىقتىڭ الما-كەزەك بولۋى – زاڭدىلىق. بٸراق بٸز ەڭسەمٸزدٸ تٸك ۇستاپ, كەلەشەككە ەردايىم سەنٸممەن قارايمىز.
بيىل جۇرتىمىز جاڭا جىلدى كٶپتەن كٷتكەن جاعىمدى جاڭالىقپەن قارسى الۋدا. جاقىندا حالقىمىزدىڭ سانى 20 ميلليونعا جەتتٸ. ەلٸمٸز ٷشٸن بۇل اق تٷيەنٸڭ قارنى جارىلعان كٷن بولدى. حالىق سانىنىڭ ٶسۋٸ – مىقتى مەملەكەت بولۋدىڭ جەنە ٶركەندەۋدٸڭ كەپٸلٸ. ال باقىتتى وتباسى – باقۋاتتى ەلدٸڭ ارقاۋى.
قازاقستان ستراتەگييالىق باعدارى ايقىن ەل رەتٸندە تۇراقتى دامىپ كەلە جاتىر. بٸز ىنتىماق-بٸرلٸكتٸڭ جەنە قاجىرلى ەڭبەكتٸڭ ارقاسىندا اۋقىمدى ٸس-شارالار اتقاردىق. جاڭارۋ مەن جاڭعىرۋ جولىنداعى ماڭىزدى رەفورمالاردى جٷزەگە اسىردىق. وسىلايشا, مەملەكەتتٸگٸمٸزدٸڭ تۇعىرىن بەكەمدەي تٷستٸك. زاڭ مەن تەرتٸپ ٷستەمدٸگٸن ورناتۋدى مەملەكەتتٸك ساياساتتىڭ نەگٸزگٸ باعدارى دەپ جارييالادىق. وسى باعىتتا ناقتى شارالاردى قابىلداۋعا كٸرٸستٸك. بٸلٸم بەرۋ جەنە دەنساۋلىق ساقتاۋ سالاسىندا اۋقىمدى جوبالاردى قولعا الدىق. ەدٸلدٸككە نەگٸزدەلگەن جاڭا ەكونوميكالىق ٷلگٸگە كٶشە باستادىق. ياعني, حالىقتىڭ تۇرمىس ساپاسىن جاقسارتۋ ٷشٸن اسا ماڭىزدى قادام جاسادىق. شەتەلدەن ميللياردتاعان دوللار ينۆەستيتسييا تارتتىق. سونىڭ ارقاسىندا ەلٸمٸزگە اسا قاجەت ٶندٸرٸستەر اشىلدى. جۇمىس ورىندارى پايدا بولدى. ەل ەكونوميكاسىنىڭ باستى قوزعاۋشى كٷشٸ رەتٸندە شاعىن جەنە ورتا بيزنەسكە جان-جاقتى قولداۋ كٶرسەتەتٸن بولدىق.
زاڭسىز الىنعان ەكونوميكالىق اكتيۆتەردٸ ەلگە قايتارۋ جۇمىسى جالعاسۋدا. مەملەكەتكە قايتارىلعان قارجى كٶپ ۇزاماي حالىقتىڭ يگٸلٸگٸنە جۇمسالاتىن بولدى, ياعني مەكتەپتەر سالىنا باستادى. جىلدار بويى يگەرٸلمەي كەلگەن ميلليونداعان گەكتار جەر ادال شارۋالارعا بەرٸلەتٸن بولدى.
جۇمىسشىلاردىڭ, ينجەنەرلەردٸڭ جەنە شارۋالاردىڭ ەسەلٸ ەڭبەگٸ, ەسكەريلەر مەن قۇقىق قورعاۋ ورگاندارى قىزمەتكەرلەرٸنٸڭ قاستەرلٸ وتانىمىزعا قالتقىسىز قىزمەتٸ, كەسٸپكەرلەردٸڭ تابىستى جوبالارى, مەدەنيەت قايراتكەرلەرٸنٸڭ شىعارماشىلىعى جەنە عالىمداردىڭ ەلگە پايدالى زەرتتەۋلەرٸ ارقىلى ۇلتىمىزدىڭ جاسامپازدىق ەلەۋەتٸ ارتا تٷستٸ.
ٶز كەسٸبٸن مٸنسٸز اتقارىپ جٷرگەن مۇعالٸمدەر, مەديتسينا قىزمەتكەرلەرٸ جەنە باسقا دا ەڭبەك ادامدارى – بٷگٸنگٸ كٷننٸڭ ناعىز باتىرلارى. ۆولونتەرلەر, مەتسەناتتار, قۇتقارۋشىلار جەنە ٶزگە دە جاناشىر ازاماتتار يگٸ ٸستەر جاساپ, جانكەشتٸ ەرلٸك كٶرسەتٸپ, تٸلەكتەستٸك پەن قامقورلىقتىڭ وزىق ٷلگٸسٸن تانىتتى. بٸز جاڭا قوعامدىق ەتيكانى قالىپتاستىرۋ, ەڭبەكقورلىق پەن بٸلٸمپازدىقتى دەرٸپتەۋ جەنە كرەاتيۆتٸ ەكونوميكانى دامىتۋ ٷشٸن كٶپتەگەن ماڭىزدى جۇمىستى قولعا الدىق.
ەلٸمٸزدە كەسٸبي سپورتپەن قاتار, بۇقارالىق سپورت قارقىندى دامۋدا. ەسٸرەسە, بالالار دەنە شىنىقتىرۋمەن بەلسەندٸ اينالىساتىن بولدى. سول سەبەپتٸ مەملەكەت اۋىلدىق جەنە قالالىق جەرلەردە جاڭا سپورت نىساندارىن سالىپ جاتىر.
قازاقستان ۇزاق مەرزٸمگە ارنالعان ۇلتتىق مٷددەسٸنە ساي كەلەتٸن ساليقالى سىرتقى ساياسات جٷرگٸزٸپ, حالىقارالىق ارەناداعى بەدەلٸن ارتتىرا تٷستٸ. بٸر سٶزبەن ايتقاندا, وسى جىل بٸزدٸڭ ەلٸمٸز ٷشٸن مول تابىسقا, جارقىن سەتتەرگە جەنە ماڭىزدى وقيعالارعا تولى بولدى. جالپى, ەكونوميكامىز 4,9 پايىزعا ٶستٸ. تۇتاس جۇرت بولىپ كٶپتەگەن ٶزەكتٸ مەسەلەنٸ شەشە باستادىق. وسىلايشا, ەلٸمٸزدٸڭ دامۋىنا تىڭ سەرپٸن بەردٸك. ەڭ باستىسى, بٸز جالپىعا بٸردەي مٷمكٸندٸك بەرەتٸن ەدٸلەتتٸ قازاقستاندى قۇرۋعا كٸرٸستٸك. جٷرگٸزٸلگەن رەفورمالار ٶز جەمٸسٸن بەرە باستادى. بۇل – بەرٸمٸزگە ورتاق ٸس. سوندىقتان مەن وسى ماڭىزدى جۇمىسقا اتسالىسقان بارشا ازاماتقا العىس ايتامىن.
جاڭا جىل – ەردايىم جاڭا مٸندەتتەر جٷكتەلەتٸن, جاڭا سىن-قاتەرلەردٸ ەڭسەرەتٸن كەزەڭ. بٸز كەلەسٸ جىلى ۇلتتىڭ قايتا ٶرلەۋٸنٸڭ كۋەسٸ بولامىز. مەن بۇعان كەمٸل سەنەمٸن. الايدا بەسەكەگە قابٸلەتتٸ ەرٸ دامىعان ەل بولۋ ٷشٸن ەلٸ دە كٶپ تەر تٶگۋٸمٸز قاجەت.
جاڭا جىلدا مەملەكەتتٸگٸمٸزدٸ نىعايتۋ جەنە حالىقتىڭ ەل-اۋقاتىن ارتتىرۋ جولىنداعى جٷيەلٸ رەفورمالار جالعاسىن تابادى. بٸز زاڭ مەن تەرتٸپتٸڭ ٷستەمدٸگٸن ورنىقتىرۋ ٷشٸن كەشەندٸ شارالار قابىلدايمىز. مەملەكەت تاراپىنان ٶنەركەسٸپتٸ, اۋىل شارۋاشىلىعىن, ەنەرگەتيكا جەنە ەكونوميكانىڭ باسقا دا سالالارىن ٶركەندەتۋدٸ كٶزدەيتٸن تىڭ باستامالار قولعا الىنادى. بٸز ەلەۋمەتتٸك جاعدايى تٶمەن, كٶمەككە مۇقتاج جاندارعا ەردايىم قامقور بولامىز. مۇعالٸم, دەرٸگەر, قۇتقارۋشى, ەسكەري قىزمەتشٸ, تەرتٸپ ساقشىسى جەنە باسقا دا كەسٸپ يەلەرٸنە قولداۋ كٶرسەتەمٸز.
بٸز جاس ۇرپاقتىڭ جارقىن بولاشاعىنا جول اشاتىن ماڭىزدى شەشٸمدەر قابىلداپ جاتىرمىز. جاقىندا ۇلتتىق قورداعى قارجىنىڭ بٸر بٶلٸگٸ بالالاردىڭ ەسەپشوتىنا تٷسە باستايدى. ەلٸمٸزدٸڭ جاستارى بولاشاققا نىق سەنٸممەن قاراۋى كەرەك.
كەلەسٸ جىلى ۇلتىمىزدىڭ تاريحىنا بايلانىستى بٸرقاتار ٸس-شارا ٶتكٸزٸلەدٸ. حالقىمىزدىڭ تۇلعالارىن ەستە ساقتاپ, ولاردىڭ ەڭبەگٸن دەرٸپتەۋ – ۇرپاق پارىزى. سونداي-اق الداعى جىلى ەلٸمٸزدە دٷنيەجٷزٸلٸك كٶشپەندٸلەر ويىنى ٶتەدٸ. سپورتشىلارىمىز جازعى وليمپياداعا قاتىسادى. تٷپتەپ كەلگەندە, ەر ازامات ٶز سالاسىنىڭ ناعىز مامانى بولۋى كەرەك. سوندا عانا وتانىمىز ٶسٸپ-ٶركەندەيدٸ.
بٸز ەربٸر تاڭعا ٷمٸت ارتامىز, ەربٸر جىلدان جاقسىلىق كٷتەمٸز. ال ٷمٸتتٸڭ اقتالۋى, ارمان-ماقساتتىڭ ورىندالۋى ٶزٸمٸزگە بايلانىستى. ەڭ باستىسى, ەلٸمٸزدەگٸ تاتۋلىقتى, تىنىشتىق پەن تۇراقتىلىقتى باعالايىق. بٸرلٸگٸ مىقتى ەلدٸڭ رۋحى بيٸك بولادى. ۇلى اباي ايتقانداي, بٸرلٸك دەگەنٸمٸز – ەڭ الدىمەن, اقىلعا – بٸرلٸك. مەملەكەتتٸگٸمٸزدٸ ساقتاۋ ٷشٸن اۋىزبٸرشٸلٸگٸمٸزدٸ ساقتايىق. قاستەرلٸ وتانىمىزدى كٶركەيتەمٸز دەسەك, تاباندى ەڭبەك ەتەيٸك.
دامىعان مەملەكەت بولۋ ٷشٸن وزىق بٸلٸمگە ۇمتىلىپ, جاڭا تەحنولوگييانى, سونىڭ ٸشٸندە جاساندى ينتەللەكتٸنٸ يگەرۋٸمٸز قاجەت. ەردايىم بٸر-بٸرٸمٸزگە قامقور بولايىق. ٷلكەنگە – قۇرمەت, كٸشٸگە – ٸزەت كٶرسەتەيٸك. بالالارىمىزدىڭ تەربيەسٸنە باسا مەن بەرەيٸك. ٷلگٸ-ٶنەگە بولىپ, ۇلاعاتتى ۇرپاق ٶسٸرەيٸك.
تەۋەلسٸزدٸك ۇرپاقتارى جاقسى قاسيەتتەردٸ بويىنا سٸڭٸرٸپ ٶسٸپ كەلەدٸ. ولار ٶنەردە, سپورتتا, عىلىمدا جەنە بيزنەستە زور تابىسقا جەتۋدە. بٸز جاستارىمىزدىڭ وسىنداي مىقتى, ادال ازامات بولعانىن ماقتان تۇتامىز. قازاقستاننىڭ بولاشاعى – وتانشىل, بٸلٸمدٸ, ەڭبەكقور ازاماتتاردىڭ, ياعني جاستاردىڭ قولىندا. مەن جاس ۇرپاقتىڭ جاسامپازدىق قۋاتىنا سەنەمٸن!
بٸز – بەرٸمٸز تەك بولاشاققا, تەك العا ۇمتىلاتىن مەملەكەت بولۋىمىز كەرەك. بٸز بٸر ەل بولىپ بٸرٸكسەك, كەز كەلگەن بەلەستٸ باعىندىرامىز. ەڭ باستىسى, ەلٸمٸز تىنىش, ٸرگەمٸز بٷتٸن بولسىن!
جاڭا جىلعا دەيٸن ساناۋلى سەكۋندتار قالدى. تابالدىرىقتان اتتاعالى تۇرعان جىل بەرٸمٸز ٷشٸن جەتٸستٸكتەرگە تولى بولسىن!
سونىمەن قاتار بٷگٸن جاڭا جىلدىڭ قارساڭىندا جۇمىس ٸستەپ جاتقان ادامدارعا ارنايى قۇتتىقتاۋىمدى جولدايمىن. سٸزدەر ەلٸمٸزگە ادال قىزمەت ەتٸپ جٷرسٸزدەر. مەن بارشاڭىزعا شىنايى ريزاشىلىعىمدى بٸلدٸرەمٸن.
جاڭا جىل ەر شاڭىراققا, ەر ازاماتقا قۋانىش پەن شاتتىق ەكەلسٸن! ٷلكەندەرٸمٸز امان بولسىن! بالالاردىڭ ارمانى ورىندالسىن! ەڭبەكتەرٸڭٸز جەمٸستٸ بولسىن! تٶرت قۇبىلامىز تٷگەل بولسىن! كٶك تۋىمىز مەڭگٸ جەلبٸرەسٸن! ەنۇرانىمىز شىرقالا بەرسٸن!
جاڭا جىل قۇتتى بولسىن, اعايىن!" - دەدٸ توقاەۆ.
