فوتو: اقوردا
اقوردادا سەربييا پرەزيدەنتٸ الەكساندر ۆۋچيچتٸ سالتاناتتى قارسى الۋ رەسٸمٸنەن كەيٸن قازاقستان مەن سەربييا پرەزيدەنتتەرٸ شاعىن قۇرامدا كەلٸسسٶز جٷرگٸزدٸ, دەپ حابارلايدى Ult.kz.
قاسىم-جومارت توقاەۆ سەربييانى ەۋروپاداعى ماڭىزدى ستراتەگييالىق سەرٸكتەسٸمٸز دەپ سانايتىنىن ايتتى. قازاقستان مەن سەربييا بٸرقاتار باعىتتا, ەسٸرەسە, ەكونوميكالىق, مەدەني-گۋمانيتارلىق سالالارداعى ىقپالداستىقتى نىعايتۋ ٷشٸن كٶپ جۇمىس اتقاردى.
"استانا مەن بەلگراد اراسىندا تٸكەلەي ەۋە رەيسٸ اشىلدى. ساۋدا قاتىناستارىمىز تابىستى دامىپ كەلەدٸ. قازاقستاندا 60-تان اسا سەربييالىق كومپانييا جەمٸستٸ ەڭبەك ەتٸپ جاتىر. نەگٸزگٸ حالىقارالىق مەسەلەلەر بويىنشا ۇستانىمدارىمىز ورتاق. سوندىقتان ەكٸ ەل اراسىنداعى ىنتىماقتاستىقتىڭ بەرٸك ەرٸ تيٸمدٸ ٸرگەتاسى قالاندى دەپ ويلايمىن. سٸزدٸڭ ساپارىڭىز دوستىق قارىم-قاتىناسىمىزعا تىڭ سەرپٸن بەرۋ تۇرعىسىنان ٶتە ماڭىزدى ەكەنٸنە سەنٸمدٸمٸن", - دەدٸ مەملەكەت باسشىسى.
سەربييا پرەزيدەنتٸ الەكساندر ۆۋچيچ قوناقجايلىق تانىتقان قازاقستان پرەزيدەنتٸنە العىسىن بٸلدٸردٸ.
"قازاقستانعا رەسمي ساپارمەن كەلگەنٸمە قۋانىشتىمىن. قوناقجايلىق تانىتقانىڭىز ٷشٸن ريزاشىلىعىمدى بٸلدٸرەمٸن. سٸزدٸڭ پٸكٸرٸڭٸزبەن تولىق كەلٸسەمٸن, ەلدەرٸمٸز اراسىندا شىنايى ستراتەگييالىق قارىم-قاتىناس ورناعان. سٸزدٸڭ قولداۋىڭىزدىڭ ارقاسىندا ساۋدا-ەكونوميكالىق بايلانىستارىمىز جوعارى قارقىنمەن دامىپ كەلەدٸ. الداعى ۋاقىتتا جاساندى ينتەللەكت, اقپاراتتىق تەحنولوگييالار مەن ەنەرگەتيكا سالالارىندا ىقپالداستىق ورناتۋ ارقىلى دوستىعىمىز جاڭا دەڭگەيگە كٶتەرٸلەدٸ دەپ ويلايمىن. سٸزدٸ جاقىن ارادا ەلٸمٸزدە قارسى الۋعا دايىنبىز", - دەدٸ الەكساندر ۆۋچيچ.
