Foto: Aqorda
Aqordada Serbiia Prezidenti Aleksandr Výchichti saltanatty qarsy alý rásiminen keiin Qazaqstan men Serbiia prezidentteri shaǵyn quramda kelissóz júrgizdi, dep habarlaidy Ult.kz.
Qasym-Jomart Toqaev Serbiiany Eýropadaǵy mańyzdy strategiialyq seriktesimiz dep sanaitynyn aitty. Qazaqstan men Serbiia birqatar baǵytta, ásirese, ekonomikalyq, mádeni-gýmanitarlyq salalardaǵy yqpaldastyqty nyǵaitý úshin kóp jumys atqardy.
"Astana men Belgrad arasynda tikelei áýe reisi ashyldy. Saýda qatynastarymyz tabysty damyp keledi. Qazaqstanda 60-tan asa serbiialyq kompaniia jemisti eńbek etip jatyr. Negizgi halyqaralyq máseleler boiynsha ustanymdarymyz ortaq. Sondyqtan eki el arasyndaǵy yntymaqtastyqtyń berik ári tiimdi irgetasy qalandy dep oilaimyn. Sizdiń saparyńyz dostyq qarym-qatynasymyzǵa tyń serpin berý turǵysynan óte mańyzdy ekenine senimdimin", - dedi Memleket basshysy.
Serbiia prezidenti Aleksandr Výchich qonaqjailyq tanytqan Qazaqstan prezidentine alǵysyn bildirdi.
"Qazaqstanǵa resmi saparmen kelgenime qýanyshtymyn. Qonaqjailyq tanytqanyńyz úshin rizashylyǵymdy bildiremin. Sizdiń pikirińizben tolyq kelisemin, elderimiz arasynda shynaiy strategiialyq qarym-qatynas ornaǵan. Sizdiń qoldaýyńyzdyń arqasynda saýda-ekonomikalyq bailanystarymyz joǵary qarqynmen damyp keledi. Aldaǵy ýaqytta jasandy intellekt, aqparattyq tehnologiialar men energetika salalarynda yqpaldastyq ornatý arqyly dostyǵymyz jańa deńgeige kóteriledi dep oilaimyn. Sizdi jaqyn arada elimizde qarsy alýǵa daiynbyz", - dedi Aleksandr Výchich.
