قازاقستان پرەزيدەنتٸ ددسۇ-نىڭ دٷنيەجٷزٸلٸك دەنساۋلىق ساقتاۋ اسسامبلەياسىنىڭ ارناۋلى سەسسيياسىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى دٷنيەجٷزٸلٸك دەنساۋلىق ساقتاۋ اسسامبلەياسى ارناۋلى سەسسيياسىنىڭ قاتىسۋشىلارىنا ٸلتيپات بٸلدٸرٸپ, COVID-19 پاندەميياسىنا قارسى كٷرەستٸڭ اسا ماڭىزدى ەكەنٸن اتاپ ٶتتٸ. ارناۋلى سەسسييا ددسۇ تاريحىندا ەكٸنشٸ رەت ٶتكٸزٸلٸپ وتىر. بۇل اتالعان پروبلەمانىڭ ٶزەكتٸلٸگٸن كٶرسەتەدٸ.
– ددسۇ قوعامدىق دەنساۋلىق ساقتاۋ جولىنداعى وسى اسا كٷردەلٸ جاھاندىق كٷرەستە جەتەكشٸ رٶل اتقاردى. ۇيىمعا مٷشە مەملەكەتتەردٸڭ بەرٸ جەنە ولاردىڭ دەنساۋلىق ساقتاۋ جٷيەلەرٸ اۋىر جاعدايدى باستان ٶتكەردٸ جەنە قيىندىق ەلٸ دە جالعاسىپ جاتىر. كوروناۆيرۋستىڭ جاڭا ەرٸ قاۋٸپتٸ شتامدارى ەلەم بويىنشا تەز تارالا باستاعاندىقتان, الداعى اپتالاردا COVID-19 ٸندەتٸن جۇقتىرعاندار سانى ايتارلىقتاي ٶسەدٸ. جۋىردا وڭتٷستٸك افريكا عالىمدارى انىقتاعان «وميكرون» شتامى جاڭا قاۋٸپ تٶندٸرٸپ وتىر, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, پاندەمييا حالىقارالىق قاتىناستاردا كٶپتەگەن كەمشٸلٸكتٸ انىقتاعان. سونداي-اق داعدارىستىڭ ەلەۋمەتتٸك-ەكونوميكالىق سالدارى بارلىق دەڭگەيدەگٸ ەلەۋمەتتٸك قۇرىلىمداردى جان-جاقتى قايتا زەردەلەۋگە مەجبٷرلەدٸ. پاندەمييا ىنتىماقتاستىققا جەنە بيولوگييالىق سىن-قاتەرلەرگە قارسى ٸس-قيمىلداردىڭ مەيلٸنشە تيٸمدٸ جٷيەسٸنە نەگٸزدەلگەن جاڭا جاھاندىق ەدٸس كەرەك ەكەنٸن كٶرسەتتٸ.
– ەڭ الدىمەن, ٸندەت الدىندا بٸزدٸ دەرمەنسٸز قىلعان كەمشٸلٸكتەرٸمٸزدٸ جويۋ قاجەت. سوندىقتان بٸز وسى ارناۋلى سەسسيياعا بٸر عانا ماقساتپەن, ياعني ددسۇ كونۆەنتسيياسىن ەزٸرلەۋ قاجەتتٸگٸ مەن ونىڭ تەتٸكتەرٸن نەمەسە پاندەميياعا جەنە وعان تٶتەپ بەرۋگە دايىندىقتى قامتاماسىز ەتۋ جٶنٸندەگٸ حالىقارالىق قۇجاتتى قاراستىرۋ ٷشٸن جينالىپ وتىرمىز. دايىندىق جۇمىستارى مەن باياندامالارى ٷشٸن دٷنيەجٷزٸلٸك دەنساۋلىق ساقتاۋ اسسامبلەياسىنىڭ 74-وتىرىسىنىڭ جۇمىس توبىنا العىس ايتۋعا رۇقسات ەتٸڭٸزدەر. قازاقستان پاندەميياعا دايىندىقتى ارتتىرۋعا جەنە تيٸستٸ شارالاردى قابىلداۋعا باعىتتالعان ددسۇ كونۆەنتسيياسىنا جولدانعان ۇسىنىستاردى قولدايدى, – دەدٸ مەملەكەت باسشىسى.
قاسىم-جومارت توقاەۆ قازاقستاننىڭ ددسۇ-نى تولىق قولدايتىنىن اتاپ ٶتٸپ, بۇل ۇيىمدى سەنٸمدٸ ەرٸپتەس رەتٸندە قاراستىراتىنىن ايتتى. مەملەكەت باسشىسى ەلەمدٸك قاۋىمداستىقتىڭ كوروناۆيرۋسقا قارسى كٷرەسٸنە ۇيىمنىڭ باس ديرەكتورىنىڭ قوسقان جەكە ٷلەسٸن جوعارى باعالادى.
– قازٸرگٸ پاندەمييا دەنساۋلىق ساقتاۋ سالاسىنداعى ەرەكشە تٶتەنشە جاعداي بولىپ سانالمايدى. داعدارىس مەملەكەتتەردٸڭ جەنە ۇلتتىق دەنساۋلىق ساقتاۋ جٷيەلەرٸنٸڭ ٸشكٸ قۇرىلىمدىق كەمشٸلٸكتەرٸن كٶرسەتٸپ قانا قويماي, جاھاندىق دەڭگەيدەگٸ كٷردەلٸ ەرٸ قوردالانعان تەڭسٸزدٸكتەردٸ ايقىنداپ بەردٸ. سوندىقتان قازاقستان ۆاكتسينالاردىڭ ەلەم بويىنشا ەدٸل تاراتىلۋىن قولدايدى جەنە وعان بەلسەندٸ تٷردە اتسالىسادى. بٸز 2022 جىلدىڭ ورتاسىنا قاراي جاھاندىق ۆاكتسينالاۋدى قامتاماسىز ەتۋ جٶنٸندەگٸ ددسۇ-نىڭ COVID-19 ٸندەتٸنە قارسى ستراتەگيياسىن تولىق قولدايمىز, – دەدٸ پرەزيدەنت.
مەملەكەت باسشىسى جيىن قاتىسۋشىلارىنا QazVac ۆاكتسيناسىنىڭ ەزٸرلەنۋٸ جەنە ونىڭ جاڭا «دەلتا» شتامىنا قارسى سەتتٸ موديفيكاتسييالانعانى جٶنٸندە ايتتى. قازاقستاندىق ۆاكتسينا ٶزٸنٸڭ تيٸمدٸلٸگٸن ەلٸمٸزدە عانا ەمەس, ورتالىق ازييانىڭ باسقا دا مەملەكەتتەرٸندە دەلەلدەدٸ.
– كەز كەلگەن اۋىل نەمەسە قالاداعى سيياقتى جاھاندىق دەڭگەيدەگٸ بٸزدٸڭ ٶركەندەۋٸمٸز, يگٸلٸگٸمٸز دەنساۋلىق جاعدايىمىزعا بايلانىستى. ال بٸزدٸڭ دەنساۋلىعىمىز ىنتىماقتاستىققا جەنە ورتاق سىن-قاتەرگە ٷيلەسٸمدٸ تٶتەپ بەرۋگە بايلانىستى. مەن بارلىق ەلدٸ كٶزدەلگەن ماقساتقا قول جەتكٸزۋ ٷشٸن دٷنيەجٷزٸلٸك دەنساۋلىق ساقتاۋ ۇيىمى اياسىنا بٸرٸگۋگە شاقىرامىن, – دەدٸ قاسىم-جومارت توقاەۆ.
