قاسىم-جومارت توقاەۆ ٷندٸستاننىڭ پرەمەر-مينيسترٸ نارەندرا موديگە جەدەلحات جولدادى, دەپ حابارلايدى "ۇلت اقپارات" اقورداعا سٸلتەمە جاساپ.
جەدەلحاتتا قاسىم-جومارت توقاەۆ ٷندٸستاندا COVID-19 ٸندەتٸنٸڭ قاتتى ٶرشۋٸنە بايلانىستى قالىپتاسقان قيىن-قىستاۋ كەزەڭدە قازاقستان حالقى جەنە جەكە ٶزٸ ٷندٸ ەلٸنٸڭ قايعى-قاسٸرەتٸنە ورتاق ەكەنٸن جەتكٸزگەن.
مەملەكەت باسشىسى كوروناۆيرۋستىڭ شەكاراعا باعىنبايتىنىن, بٷكٸل ەلەمگە تارالىپ, ادامدارعا كٶپتەپ جۇعىپ جاتقانىن قىنجىلا اتاپ ٶتتٸ. ول ٸندەتتەن قايتىس بولعان ادامداردىڭ وتباسىلارىنا كٶڭٸل ايتىپ, دەرتكە شالدىققانداردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
– وسىنداي قيىن-قىستاۋ كەزەڭدە بٸز ٷندٸستاندىق دوستارىمىزبەن بٸرگە پاندەمييانى اۋىزدىقتاۋ ماقساتىندا كٷش بٸرٸكتٸرۋگە جەنە مەملەكەتتەرٸمٸز اراسىنداعى بەرٸك دوستىق پەن ٶزارا قولداۋ اياسىندا قاجەتتٸ كٶمەك كٶرسەتۋگە دايىنبىز. ٷندٸستان ٷكٸمەتٸ سٸزدٸڭ دانا باسشىلىعىڭىزبەن بۇل داعدارىستى ەڭسەرٸپ, ەلدٸڭ قالىپتى ٶمٸرگە ورالۋىن قامتاماسىز ەتە الاتىنىنا كەمٸل سەنەمٸن, – دەلٸنگەن جەدەلحاتتا.
قاسىم-جومارت توقاەۆ نارەندرا موديگە ٷندٸستاننىڭ قازٸرگٸ اۋىر سىناقتان سٷرٸنبەي ٶتٸپ, ەلٸنٸڭ ورنىقتى دامۋىنا جەنە ودان ەرٸ ٶسٸپ-ٶركەندەۋٸنە تٸلەكتەستٸك بٸلدٸردٸ.
