قاسىم-جومارت توقاەۆ پەن شاۆكات ميرزييوەۆ كەڭەيتٸلگەن قۇرامدا ەكٸجاقتى كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ پەن شاۆكات ميرزييوەۆ شاعىن قۇرامدا ٶتكەن مازمۇندى كەزدەسۋدەن كەيٸن ەكٸ ەلدٸڭ رەسمي دەلەگاتسييالارى مٷشەلەرٸنٸڭ قاتىسۋىمەن كەلٸسسٶزدٸ كەڭەيتٸلگەن قۇرامدا جالعاستىردى.
پرەزيدەنتتەر ساۋدا-ەكونوميكالىق ىنتىماقتاستىقتى نىعايتۋ, ونىڭ ٸشٸندە ٶزارا تاۋار اينالىمىن ارتتىرۋ, ينۆەستيتسييا تارتۋ جەنە ٶنەركەسٸپ, اۋىل شارۋاشىلىعى, قۇرىلىس, كٶلٸك سالالارى بويىنشا كووپەراتسييانى دامىتۋ مەسەلەلەرٸنە باسا مەن بەردٸ. سونداي-اق سۋ-ەنەرگەتيكالىق جەنە مەدەني-گۋمانيتارلىق سالالارداعى ٶزارا ىقپالداستىق مەسەلەسٸ تالقىلاندى.
قاسىم-جومارت توقاەۆ مىزعىماس دوستىققا, تاتۋ كٶرشٸلٸك پەن ستراتەگييالىق ىقپالداستىققا نەگٸزدەلگەن قازاقستان مەن ٶزبەكستان اراسىنداعى كٶپجاقتى بايلانىستاردىڭ قارقىندى دامىپ كەلە جاتقانىن اتاپ ٶتتٸ.
– بٸرلەسكەن كٷش-جٸگەرٸمٸزدٸڭ ارقاسىندا قازاق-ٶزبەك ىنتىماقتاستىعى بارلىق سالادا بۇرىن-سوڭدى بولماعان شىڭدارعا كٶتەرٸلدٸ. قۇرمەتتٸ شاۆكات ميرومونوۆيچ, وسى وڭ ٷردٸسكە سٸز سٷبەلٸ ٷلەس قوستىڭىز, – دەدٸ مەملەكەت باسشىسى.
قازاقستان پرەزيدەنتٸ بٷگٸندە ەكٸ ەل مەملەكەتارالىق سەرٸكتەستٸكتٸڭ جارقىن ٷلگٸسٸنە اينالعان بەرٸك ەرٸ ٷيلەسٸمدٸ قارىم-قاتىناس ورناتقانىن ايتتى. بارلىق دەڭگەيدە بەلسەندٸ ەرٸ اسا سەنٸمدٸ ساياسي ديالوگ ورناتىلعان. ٷكٸمەت دەڭگەيٸندەگٸ جٷيەلٸ جۇمىستار جٷرگٸزٸلٸپ جاتىر جەنە پارلامەنتارالىق بايلانىستار دا نىعايىپ كەلەدٸ. تاراپتار كٶپجاقتى قۇرىلىمدار مەن تەتٸكتەر اياسىندا ٶزارا تابىستى جۇمىس ٸستەپ جاتىر. قازاقستان مەن ٶزبەكستاننىڭ ايماقتىق جەنە حالىقارالىق كٷن تەرتٸبٸندەگٸ كٶپتەگەن مەسەلەلەر بويىنشا, ونىڭ ٸشٸندە اۋعانستانداعى احۋالدى تۇراقتاندىرۋ مەسەلەسٸنە قاتىستى كٶزقاراستارى مەن ۇستانىمدارى ورتاق.
– ساۋدا-ەكونوميكالىق ىنتىماقتاستىقتى دامىتۋدا تەڭدەسسٸز ٸلگەرٸلەۋ بار. بيىلعى 10 ايدىڭ قورىتىندىسى بويىنشا ەكٸجاقتى ساۋدا اينالىمى 30 پايىزعا ارتىپ, 3 ميلليارد دوللاردان استى. بٸز جۋىق ارادا ساۋدا اينالىمىنىڭ كٶلەمٸن 5 ميلليارد دوللارعا, ال ودان كەيٸن 10 ميلليارد دوللارعا دەيٸن جەتكٸزۋ مٸندەتٸن قويدىق. پٸكٸرالماسۋ نەتيجەسٸندە بۇل قول جەتكٸزۋگە بولاتىن ماقسات دەگەن تۇجىرىمعا كەلدٸك. ەرينە, اتقارۋشى ورگاندار, ەڭ الدىمەن, ٷكٸمەتتەرٸمٸز وسى ماقساتقا جەتۋ ٷشٸن تيٸستٸ جۇمىستاردى جٷرگٸزۋگە تيٸس, – دەدٸ قاسىم-جومارت توقاەۆ.
تاراپتار گۋمانيتارلىق بايلانىستاردىڭ جاندانعانىن وڭ باعالادى. حالىقتارىمىزدىڭ ورتاق رۋحاني-مەدەني قۇندىلىقتارىن بايىتا تٷسكەن قازاقستان مەن ٶزبەكستان جىلدارى ەكٸ جاقتا دا اتاپ ٶتٸلدٸ. مەملەكەتارالىق قاتىناستاردىڭ مەرتەبەسٸن وداقتاستىق دەڭگەيٸنە دەيٸن كٶتەرۋ جٶنٸندەگٸ شەشٸم ەكٸ ەل باسشىلارىنىڭ كەلٸسسٶزدەرٸ نەتيجەسٸندە قول جەتكٸزگەن ماڭىزدى ۋاعدالاستىقتاردىڭ بٸرٸ بولدى.
– بٷگٸن بٸز مەملەكەتارالىق قاتىناستاردىڭ مەرتەبەسٸن وداقتاستىق دەڭگەيٸنە دەيٸن كٶتەرۋگە ۋاعدالاستىق. جاڭا عانا وسى مەسەلە بويىنشا پٸكٸر الماسىپ, مۇنىڭ ەلدەرٸمٸز اراسىنداعى مٷلدەم جاڭا ساپالى دەڭگەي ەكەنٸن اتاپ ٶتتٸك. ەرينە, وداقتاستىق قاتىناستار مەملەكەتتەرٸمٸزگە ەرەكشە مٸندەت جٷكتەيدٸ. مەن مەملەكەتارالىق كەڭەس قۇرۋ جٶنٸندە ۇسىنىس ايتتىم. وسى كەڭەس اياسىندا بٸز قاجەتسٸز رەسميلٸكتەن تىس, ٸسكەرلٸك نەگٸزدە جيٸ باس قوسا الامىز, – دەدٸ قازاقستان پرەزيدەنتٸ.
ٶز كەزەگٸندە شاۆكات ميرزييوەۆ شاعىن قۇرامدا ٶتكەن كەلٸسسٶزدٸڭ مازمۇندى بولعانىن اتاپ ٶتٸپ, ەكٸ ەل اراسىنداعى ساۋدا اينالىمىنىڭ رەكوردتىق دەڭگەيگە جەتكەنٸن جەنە بٸرلەسكەن جوبالاردىڭ سەتتٸ جٷزەگە اسىرىلىپ وتىرعانىن ايتتى.
– بٸز كٶپ قىرلى ىنتىماقتاستىعىمىزدىڭ ٶزەكتٸ مەسەلەلەرٸ بويىنشا مٷددەلەرٸمٸز بەن ۇستانىمدارىمىزدىڭ ورتاق ەكەنٸن تاعى دا دەلەلدەدٸك. ەلدەرٸمٸز اراسىندا ورناتىلعان جاقىن ەرٸ باۋىرلاستىق بايلانىستارىمىزدى جوعارى باعالايمىز. جاڭا عانا قاسىم-جومارت كەمەلۇلى حالىقتارىمىزدىڭ وسى ساپارعا ريزاشىلىق تانىتىپ جاتقانىن ايتتى. شىن مەنٸندە, شەكارا ماڭىنداعى ەكٸ ەلدٸڭ دە تۇرعىندارى قاتتى قۋانادى. سەبەبٸ بٸز جيٸ كەزدەسكەن سايىن ٶزارا قاتىناستارىمىز جاقسارا تٷسەدٸ. ماشينا جاساۋ, ەنەرگەتيكا, ەلەكتروتەحنيكا, حيمييا, جەڭٸل ٶنەركەسٸپ, بانكتەر جەنە باسقا دا سالارداعى كووپەراتسييا بويىنشا سەتتٸ شىققان جوبالارىمىز بار, – دەدٸ ٶزبەكستان پرەزيدەنتٸ.
قاسىم-جومارت توقاەۆ پەن شاۆكات ميرزييوەۆ كەلٸسسٶزدەر قورىتىندىسى بويىنشا قازاقستان رەسپۋبليكاسى مەن ٶزبەكستان رەسپۋبليكاسى اراسىنداعى وداقتاستىق بايلانىستار تۋرالى دەكلاراتسيياعا قول قويدى.
بۇدان بٶلەك مەملەكەتتەر باسشىلارىنىڭ قاتىسۋىمەن رەسمي دەلەگاتسييالاردىڭ مٷشەلەرٸ تٶمەندەگٸ قۇجاتتارعا قول قويدى:
قازاقستان رەسپۋبليكاسى مەن ٶزبەكستان رەسپۋبليكاسى اراسىنداعى باس بوستاندىعىنان ايىرۋعا سوتتالعان ادامداردىڭ جازاcىن ودان əرٸ ٶتەۋ ٷشٸن بەرۋ تۋرالى شارت;
قازاقستان رەسپۋبليكاسىنىڭ ٷكٸمەتٸ مەن ٶزبەكستان رەسپۋبليكاسىنىڭ ٷكٸمەتٸ اراسىنداعى تٶتەنشە جاعدايلاردىڭ الدىن الۋ جەنە ولاردى جويۋ سالاسىنداعى ىنتىماقتاستىق بويىنشا كەلٸسٸم;
قازاقستان رەسپۋبليكاسىنىڭ ٷكٸمەتٸ مەن ٶزبەكستان رەسپۋبليكاسىنىڭ ٷكٸمەتٸ اراسىنداعى عارىش كەڭٸستٸگٸن بەيبٸت ماقساتتاردا زەرتتەۋ جەنە پايدالانۋ سالاسىنداعى ىنتىماقتاستىق تۋرالى كەلٸسٸم;
قازاقستان رەسپۋبليكاسىنىڭ ٷكٸمەتٸ مەن ٶزبەكستان رەسپۋبليكاسىنىڭ ٷكٸمەتٸ اراسىنداعى قازاق-ٶزبەك كەدەندٸك شەكاراسى ارقىلى قۇبىرجول كٶلٸگٸمەن جەنە ەلەكتر بەرۋ جەلٸلەرٸ بويىنشا ەنەرگييا رەسۋرستارىن ٶتكٸزۋ كەزٸندەگٸ بٸرلەسكەن كەدەندٸك باقىلاۋ تۋرالى كەلٸسٸم;
قازاقستان رەسپۋبليكاسىنىڭ سىرتقى ٸستەر مينيسترلٸگٸ مەن ٶزبەكستان رەسپۋبليكاسىنىڭ سىرتقى ٸستەر مينيسترلٸگٸ اراسىنداعى 2022-2023 جىلدارعا ارنالعان ىنتىماقتاستىق باعدارلاماسى;
«ورتالىق ازييا» حالىقارالىق ٶنەركەسٸپ كووپەراتسيياسى ورتالىعىن قۇرۋ تۋرالى تۇجىرىمداما;
«ورتالىق ازييا» حالىقارالىق ٶنەركەسٸپ كووپەراتسيياسى ورتالىعىن قۇرۋ تۋرالى بٸرلەسكەن جوسپار;
تٷركٸستان-شىمكەنت-تاشكەنت جوعارى جىلدامدىقتاعى ماگيسترالدىق قۇرىلىس جوبالارىن ٸسكە اسىرۋ بويىنشا بٸرلەسكەن ٸس-قيمىلدار جوسپارى;
قازاقستان رەسپۋبليكاسى ساۋدا جەنە ينتەگراتسييا مينيسترلٸگٸ مەن ٶزبەكستان رەسپۋبليكاسى ينۆەستيتسييالار جەنە سىرتقى ساۋدا مينيسترلٸگٸ اراسىنداعى ٶزارا تٷسٸنٸستٸك تۋرالى مەموراندۋم;
2021-2025 جىلدارعا ارنالعان قىزىلوردا-ٷشقۇدىق اۆتوكٶلٸك جەنە تەمٸرجول جولدارىنىڭ قۇرىلىسى جوباسىن ٸسكە اسىرۋ جٶنٸندەگٸ بٸرلەسكەن ٸس-قيمىلدار جوسپارى;
قازاقستان رەسپۋبليكاسى ەنەرگەتيكا مينيسترلٸگٸ مەن ٶزبەكستان رەسپۋبليكاسى ەنەرگەتيكا مينيسترلٸگٸ اراسىنداعى ەنەرگەتيكا سالاسى بويىنشا ٶزارا ىنتىماقتاستىق تۋرالى مەموراندۋم;
قازاقستان رەسپۋبليكاسى ەدٸلەت مينيسترلٸگٸ مەن ٶزبەكستان رەسپۋبليكاسى ەدٸلەت مينيسترلٸگٸ اراسىنداعى سوت-ساراپتاما قىزمەتٸ سالاسى بويىنشا ىنتىماقتاستىق جٶنٸندەگٸ ٶزارا تٷسٸنٸستٸك تۋرالى مەموراندۋم;
قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەن ٶزبەكستان رەسپۋبليكاسى جۇمىسپەن قامتۋ جەنە ەڭبەك قاتىناستارى مينيسترلٸگٸ اراسىنداعى ەلەۋمەتتٸك-ەڭبەك سالاسى بويىنشا ىنتىماقتاستىق نيەت تۋرالى مەموراندۋم;
ٶزبەكستان رەسپۋبليكاسىنا تٸكەلەي جەكە شەتەلدٸك ينۆەستيتسييالاردى تارتۋدىڭ نەگٸزگٸ شارتتارى تۋرالى كەلٸسٸم;
جوبالاردى بٸرلەسٸپ ٸسكە اسىرۋ مەسەلەلەرٸ بويىنشا ىنتىماقتاستىقتىڭ نەگٸزگٸ شارتتارى تۋرالى مەموراندۋم.
