فوتو: Akorda.kz
پرەزيدەنت قاسىم-جومارت توقاەۆ قاراعاندى وبلىسىندا «ارسەلورميتتال تەمٸرتاۋ» اكتسيونەرلٸك قوعامىنا قاراستى كوستەنكو اتىنداعى شاحتادا بولعان ٶرت سالدارىنان قازا تاپقان كەنشٸلەردٸڭ وتباسىلارى مەن تۋعان-تۋىستارىنا كٶڭٸل ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"مەن مەملەكەت باسشىسى رەتٸندە بارشاڭىزعا كٶڭٸل ايتامىن. بۇل – قاسٸرەت. بەرٸن تٷسٸنەمٸن. اپات بولدى. اپاتتىڭ كەسٸرٸنەن كٶپتەگەن ادام قازا تاپتى. سوندىقتان بۇل جەرگە ارنايى كەلدٸم.
تيٸستٸ شارالار قابىلدايمىز, سونىڭ ٸشٸندە زارداپ شەككەندەردٸڭ وتباسىلارىنا كٶمەك كٶرسەتەمٸز. قازا تاپقاندار مەن زارداپ شەككەندەردٸڭ وتباسىلارى ەشقانداي مۇقتاجدىق كٶرمەۋٸ ٷشٸن ٷكٸمەت, ەكٸمدٸك جەنە قايىرىمدىلىق ۇيىمدارىنىڭ الدىندا جان-جاقتى كٶمەك كٶرسەتۋ مٸندەتٸ تۇر", – دەدٸ مەملەكەت باسشىسى.
پرەزيدەنت بٷكٸل ەلٸمٸز بويىنشا 29 قازان جالپىۇلتتىق ازا تۇتۋ كٷنٸ بولىپ جارييالاناتىنىن جەنە «ارسەلورميتتال تەمٸرتاۋ» كومپانيياسىنا قاتىستى تيٸستٸ شارا قابىلداناتىنىن جەتكٸزدٸ.
"ەرتەڭ بٷكٸل ەلٸمٸز بويىنشا جالپىۇلتتىق ازا تۇتۋ كٷنٸ جارييالانادى. مەن «ارسەلورميتتال تەمٸرتاۋ» كومپانيياسىمەن ينۆەستيتسييالىق ىنتىماقتاستىقتى توقتاتۋ جٶنٸندە تاپسىرما بەردٸم. بۇل مەكەمە ٷكٸمەتپەن جەنە كەسٸپورىنمەن ىنتىماقتاستىق تۇرعىسىنان بٸزدٸڭ تاريحىمىزداعى ەڭ ناشار كومپانييا بولدى. ەندٸ كەسٸپورىننىڭ ٶزٸنە قاتىستى شارالار قابىلداۋ تۋرالى ويلانۋىمىز كەرەك. باسين ۆاديم بوريسوۆيچ دەگەن ازامات بار. سٸزدەر ونى بٸلەسٸزدەر. ول بٸر كەزدەرٸ «ارسەلورميتتالدا» جۇمىس ٸستەگەن. وبلىس ەكٸمٸنٸڭ ورىنباسارى بولدى. مەن وعان قايتىپ كەلٸپ, كەسٸپورىندى باسقارۋدى تاپسىرامىن. كەسٸپورىننىڭ قازٸرگٸ باسشىلىعىنىڭ قولىنان ەشتەڭە كەلمەيدٸ", – دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, جەر استىندا قالعان كەنشٸلەردٸ قۇتقارۋ, زارداپ شەككەن جەنە قازا بولعان ازاماتتاردىڭ وتباسىلارىنا جان-جاقتى كٶمەك كٶرسەتۋ – كەزەك كٷتتٸرمەيتٸن مٸندەت.
"ەڭ الدىمەن, قۇتقارۋ جۇمىستارى جٷرگٸزٸلەدٸ. ەكٸنشٸدەن, زارداپ شەككەندەر مەن مەديتسينالىق كٶمەككە مۇقتاج ازاماتتاردىڭ ناقتى سانىن انىقتاۋىمىز كەرەك. ٷشٸنشٸدەن, وسى اپاتتان زارداپ شەككەندەردٸڭ بارلىعىنىڭ وتباسىنا ماتەريالدىق كٶمەك كٶرسەتەمٸز. ەگەر قاجەت بولسا, ارنايى قور اشامىز. مۇنىمەن ٶزٸم اينالىسامىن", – دەدٸ پرەزيدەنت.
سونىمەن قاتار مەملەكەت باسشىسى قازٸرگٸ ۋاقىتتا كەنشٸلەردٸڭ زەينەتكە شىعۋ جاسىنا قاتىستى مەسەلە قاراستىرىلىپ جاتقانىن ايتتى.
