يزرايل تاراپىنىڭ باستاماسىمەن مەملەكەت باسشىسى قاسىم-جومارت توقاەۆ يزرايل پرەزيدەنتٸ يتسحاك گەرتسوگپەن تەلەفون ارقىلى سٶيلەستٸ, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
يتسحاك گەرتسوگ قاسىم-جومارت توقاەۆ پەن قازاقستان حالقىن الداعى ناۋرىز مەيرامىمەن جەنە قاسيەتتٸ رامازان ايىنىڭ باستالۋىمەن قۇتتىقتادى. ٶز كەزەگٸندە مەملەكەت باسشىسى يزرايل پرەزيدەنتٸنە قۇتتىقتاعانى ٷشٸن العىس ايتىپ, پەساح مەيرامى قارساڭىندا يزرايل حالقىنا اماندىق پەن باق-بەرەكە تٸلەدٸ.
سونىمەن قاتار پرەزيدەنتتەر قازاقستان مەن يزرايلدٸڭ ساۋدا-ەكونوميكا سالاسىنداعى ىنتىماقتاستىعىن نىعايتۋ پەرسپەكتيۆالارىن تالقىلادى. ەڭگٸمەلەسۋ بارىسىندا ەكٸجاقتى تاۋار اينالىمىنىڭ كٶلەمٸ ارتا باستاعانى اتاپ ٶتٸلدٸ. سونداي-اق ەكٸ ەل اراسىندا مەدەني-گۋمانيتارلىق بايلانىستاردى نىعايتۋ ماڭىزدىلىعى ايتىلدى.
