پرەزيدەنت فرانتسييانىڭ جەتەكشٸ كومپانييالارىنىڭ باسشىلارىمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
شاراعا Total Energies, Orano, Saint Gobain, Boehringer Ingelheim France, Soufflet Group, BPI France, Vicat, Syctom, Pellenc, FICT مال شارۋاشىلىعى قاۋىمداستىعى, Total Eren, PCM, Safran, Thales, Groupe EDF, Assystem, Alstom, Evolution International, MHB SAS, Exa International, Airbus, Rungis – Semmaris, MBDA, SOPREMA, لۋي ۆيكات جەنە باسقا دا ٸرٸ كومپانييالاردىڭ باسشىلارى قاتىستى.
مەملەكەت باسشىسى ٶز سٶزٸندە حالىقارالىق قوعامداستىق بٷگٸندە كٷردەلٸ گەوساياسي جەنە ەكونوميكالىق مەسەلەلەرمەن بەتپە-بەت كەلٸپ وتىرعانىن اتاپ ٶتتٸ. ونىڭ ايتۋىنشا, جاڭا سىن-قاتەرلەر جاڭا مٷمكٸندٸكتەرگە جول اشادى. قيىن-قىستاۋ كەزەڭ – بايلانىس ورناتىپ, سەرٸكتەستٸكتٸ دامىتۋ ٷشٸن قولايلى ۋاقىت.
– بٸز ورتاق ەكونوميكالىق جەنە ساياسي مٷددەلەرٸمٸزدٸ ودان ەرٸ ٸلگەرٸلەتۋ ٷشٸن فرانتسييامەن جەنە جالپى ەۋروپامەن اراداعى قارىم-قاتىناستى جولعا قويعىمىز كەلەدٸ, – دەدٸ قاسىم-جومارت توقاەۆ.
مەملەكەت باسشىسى قازاقستان ەركٸن جەنە بەسەكەگە قابٸلەتتٸ نارىقتىق ەكونوميكانى نىعايتۋدى كٶزدەپ وتىرعانىن اتاپ ٶتتٸ. سونداي-اق مونوپولييادان ارىلۋ قازاقستاندى قۋاتتى, بەسەكەگە قابٸلەتتٸ جەنە ينۆەستورلارعا تارتىمدى ەتەدٸ دەپ سانايدى. ول بيزنەس احۋالدى جاقسارتۋ ٷشٸن زاڭناماعا ودان ەرٸ تيٸستٸ ٶزگەرتۋلەردٸ ەنگٸزۋگە دايىن ەكەنٸن جەتكٸزدٸ.
– بۇل جۇمىستىڭ العاشقى نەتيجەلەرٸ ماكروەكونوميكالىق دەرەكتەردەن كٶرٸنٸپ وتىر. بيىلعى 10 ايدا جٸٶ ٶسٸمٸ 2,5 پايىزدى قۇرادى. بۇل بولجانعان نەتيجەدەن جوعارى. قولدانىستاعى تاسىمال تٸزبەگٸنٸڭ ٷزٸلۋٸنە قاراماستان بٸزدٸڭ ەكسپورتىمىز 50 پايىزعا (63,8 ملرد دوللار) جۋىق ٶستٸ. 2022 جىلدىڭ العاشقى التى ايىندا شەتەلدٸك سەرٸكتەستەرٸمٸز بٸزدٸڭ ەكونوميكامىزعا شامامەن 15 ميلليارد دوللار ينۆەستيتسييا قۇيدى. بۇل ٶتكەن جىلمەن سالىستىرعاندا شامامەن 30 پايىزعا كٶپ. الداعى 7 جىلدا بٸز 150 ميلليارد دوللار تٸكەلەي شەتەل ينۆەستيتسيياسىن تارتۋدى جوسپارلاپ وتىرمىز. قازاقستان ينۆەستيتسييا سالۋ جٶنٸنەن ورتالىق ازيياداعى ەڭ تارتىمدى ەل بولۋى ٷشٸن ينۆەستيتسييالىق ساياساتىمىزدى ٷنەمٸ جەتٸلدٸرٸپ وتىرامىز, – دەدٸ قاسىم-جومارت توقاەۆ.
مەملەكەت باسشىسى فرانتسييا قازاقستاننىڭ نەگٸزگٸ ەكونوميكالىق ەرٸپتەستەرٸنٸڭ بٸرٸ ەكەنٸن اتاپ ٶتتٸ.
– بيىلعى توعىز ايدا قازاقستان مەن فرانتسييا اراسىنداعى تاۋار اينالىمى 12 پايىزعا ٶستٸ. بٷگٸندە 170-تەن استام فرانتسۋز كومپانيياسى, سونىڭ ٸشٸندە Total Energies, Orano, Airbus, Vicat, Air Liquide, Alstom, Saint-Gobain جەنە باسقالارى قازاقستاندا تابىستى جۇمىس ٸستەپ جاتىر. ولاردىڭ بارلىعى قازاقستان ەكونوميكاسىنا ەلەۋلٸ ٷلەس قوسىپ كەلەدٸ. فرانتسييانىڭ قازاقستانداعى ساۋدا ٶكٸلدٸگٸن قۇرۋ ىنتىماقتاستىعىمىزدى نىعايتۋعا ٶز سەپتٸگٸن تيگٸزەر ەدٸ دەپ سانايمىن. بٸز ونىڭ تەزٸرەك قۇرىلعانىن قۇپتايمىز. سونداي-اق فرانتسۋز كومپانييالارىن ەلٸمٸزدٸڭ ينۆەستيتسييالىق مٷمكٸندٸكتەرٸن قاراستىرۋعا شاقىرامىن. جيىنعا قاتىسۋشىلاردىڭ بەرٸنە قازاقستان قاۋٸپسٸز جەنە تۇراقتى ينۆەستيتسييالىق ورتا قالىپتاستىرۋعا كەپٸلدٸك بەرەتٸنٸن نىق سەنٸممەن ايتا الامىن, – دەدٸ مەملەكەت باسشىسى.
قاسىم-جومارت توقاەۆ كەزدەسۋگە قاتىسۋشىلارعا ينۆەستيتسييالىق ىنتىماقتاستىقتىڭ كەلەشەگٸ مول باعىتتارى تۋرالى ەگجەي-تەگجەيلٸ ايتتى.
– بٸز اگروٶنەركەسٸپ كەشەنٸن دامىتىپ جاتىرمىز. ونىڭ ٶندٸرٸس كٶلەمٸن 2,5 ەسە ۇلعايتۋ جەنە ەكسپورتىمىزدىڭ كٶلەمٸن ەكٸ ەسە ارتتىرۋ جوسپارلانىپ وتىر. تيٸسٸنشە, بٸز اۋىل شارۋاشىلىعى ٶنٸمدەرٸن تەرەڭ ٶڭدەۋگە سالىناتىن ينۆەستيتسييانى ىنتالاندىرامىز جەنە فرانتسييانىڭ ازىق-تٷلٸك ٶندٸرۋشٸلەرٸن وسىعان بايلانىستى ينۆەستيتسييالىق مٷمكٸندٸكتەردٸ قاراستىرۋعا شاقىرامىز. بٸز وسىنداي جوبالارعا جان-جاقتى قولداۋ كٶرسەتۋگە دايىنبىز. ەكٸنشٸدەن, بۇل – ىنتىماقتاستىق ورناتۋعا زور ەلەۋەتٸ بار ەكونوميكانىڭ ناقتى سەكتورى. بٸز تابيعي رەسۋرستار قورى بويىنشا ەلەمدە التىنشى جەنە تاۋ-كەن ٶندٸرٸسٸنٸڭ جالپى كٶلەمٸ بويىنشا (مۇناي مەن گازدى قوسپاعاندا) ونىنشى ورىندامىز. 2040 جىلعا قاراي اسا ماڭىزدى ماتەريالدار مەن سيرەك كەزدەسەتٸن مەتالدارعا دەگەن ەلەمدٸك سۇرانىس تٶرت ەسە ارتادى دەپ بولجانىپ وتىر. ٷكٸمەت قاجەتتٸ قولداۋ كٶرسەتۋگە دايىن. بٸز كومپانييالار ٶزدەرٸنٸڭ وزىق تەجٸريبەلەرٸن, نوۋ-حاۋىن جەنە جاڭا تەحنولوگييالارىن ەكەلەدٸ دەپ ٷمٸتتەنەمٸز, – دەدٸ پرەزيدەنت.
سونىمەن قاتار مەملەكەت باسشىسى ەنەرگەتيكا, كٶلٸك جەنە لوگيستيكا, تسيفرلاندىرۋ سالالارىنداعى ىنتىماقتاستىق پەرسپەكتيۆالارىنا توقتالدى.
پرەزيدەنت قازاقستان مەن فرانتسييا اراسىنداعى ەكونوميكالىق سەرٸكتەستٸك بارلىق سالادا ەرتاراپتانىپ, كەڭەيە بەرەتٸنٸنە سەنٸم بٸلدٸردٸ.
– بٷگٸنگٸ كونسترۋكتيۆتٸ ديالوگ بيزنەستٸ ٶركەندەتۋگە جەنە ورتاق دامۋعا نيەتتٸ ەكەنٸمٸزدٸ تاعى دا ناقتىلاۋعا مٷمكٸندٸك بەرەدٸ. مەنٸڭ ەكٸمشٸلٸگٸم فرانتسۋز كومپانييالارىنا ٶڭٸردەگٸ ەكونوميكاسى ەڭ قارقىندى دامىپ كەلە جاتقان ەلدەردٸڭ بٸرٸندە بيزنەس جٷرگٸزۋٸ ٷشٸن بارلىق قاجەتتٸ قولداۋ كٶرسەتۋگە دايىن, – دەدٸ مەملەكەت باسشىسى.
كەزدەسۋ بارىسىندا قازاقستان-فرانتسييا ٸسكەرلٸك كەڭەسٸنٸڭ تەڭ تٶراعاسى يۆ-لۋي دارريكاررەر, سىرتقى ساۋدا, ەكونوميكالىق تارتىمدىلىق جەنە شەتەلدەگٸ فرانتسۋز ازاماتتارىنىڭ ٸستەرٸ جٶنٸندەگٸ مينيستر-دەلەگات, قازاقستان-فرانتسييا ٷكٸمەتارالىق كوميسسيياسىنىڭ تەڭ تٶراعاسى وليۆە بەشت, Airbus كومپانيياسىنىڭ اتقارۋشى ۆيتسە-پرەزيدەنتٸ ۆان ۆەرش, Thales كومپانيياسىنىڭ ۆيتسە-پرەزيدەنتٸ ماريون پارادا, Vicat كومپانيياسىنىڭ پرەزيدەنتٸ گي سيدوس, Safran كومپانيياسىنىڭ اعا ۆيتسە-پرەزيدەنتٸ ستەفان روللان, Saint-Gobain كومپانيياسىنىڭ اعا ۆيتسە-پرەزيدەنتٸ پاتريك ديۋپين, PCM پرەزيدەنتٸ ماريو مارتينوني, Soufflet Group كومپانيياسىنىڭ باس ديرەكتورى كريستوف پاسسەلاند, Boehringer Ingelheim France ٶكٸلٸ نايدجەل سۆيفت جەنە Evolution International كومپانيياسىنىڭ بيزنەستٸ دامىتۋ جٶنٸندەگٸ ديرەكتورى سيريل دجوسس سٶز سٶيلەدٸ.
