قازاقستان پرەزيدەنتٸ قاسىم-جومارت توقاەۆ دٷنيەجٷزٸلٸك ساۋدا ۇيىمىنىڭ باس ديرەكتورى نگوزي وكوندجو-يۆەالامەن ۆيدەو كونفەرەنتسييا فورماتىندا كەزدەسۋ ٶتكٸزدٸ. كەلٸسسٶز بارىسىندا قازاقستان مەن دٷنيەجٷزٸلٸك ساۋدا ۇيىمى اراسىنداعى ىقپالداستىقتى نىعايتۋدىڭ پەرسپەكتيۆالارى قاراستىرىلدى, دەپ حابارلايدى اقوردا.
قاسىم-جومارت توقاەۆ نگوزي وكوندجو-يۆەالانى جۋىردا دٷنيەجٷزٸلٸك ساۋدا ۇيىمىنىڭ باس ديرەكتورى قىزمەتٸنە سايلانۋىمەن قۇتتىقتاپ, اتالعان ۇيىممەن اراداعى تىعىز ىنتىماقتاستىق ەلٸمٸزدٸڭ باسىمدىقتارىنىڭ بٸرٸ ەكەنٸن اتاپ ٶتتٸ.
كەزدەسۋدە قازاقستاننىڭ تٶراعالىعىمەن ٶتەتٸن دسۇ-عا مٷشە ەلدەر مينيسترلەرٸنٸڭ 12-شٸ كونفەرەنتسيياسىنا دايىندىق مەسەلەلەرٸنە ەرەكشە نازار اۋدارىلدى.
«بٸز ٷشٸن بيىلعى قاراشانىڭ سوڭى جەلتوقساننىڭ باسىندا ٶتەتٸن دسۇ-عا مٷشە ەلدەر مينيسترلەرٸنٸڭ 12-شٸ كونفەرەنتسيياسىنا تٶراعالىق ەتۋ ٷلكەن مەرتەبە. قازاقستان ٷكٸمەتٸ ورتاق ٸس-شارامىزدىڭ بارلىق مازمۇندىق جەنە ۇيىمداستىرۋشىلىق مەسەلەلەرٸنە قاتىستى پىسىقتاۋ جۇمىستارى بويىنشا دسۇ حاتشىلىعىمەن تىعىز ىقپالداستىق ورناتادى», – دەدٸ مەملەكەت باسشىسى.
پرەزيدەنتتٸڭ ايتۋىنشا, قازاقستان كٶپجاقتى ساۋدا جٷيەسٸن بەلسەندٸ جاقتايتىن بولعاندىقتان, كونفەرەنتسييانىڭ ناقتى نەتيجە ەكەلۋٸنە مٷددەلٸ. سونداي-اق كٷن تەرتٸبٸندەگٸ بارلىق شەشٸلمەگەن مەسەلەلەردٸ تالقىلاۋعا ٶز تاراپىنان كونسترۋكتيۆتٸ تٷردە ٷلەس قوسۋعا دايىن ەكەنٸن جەتكٸزدٸ.
مەملەكەت باسشىسى دسۇ باس ديرەكتورىنا قازاقستاننىڭ كوروناۆيرۋسقا قارسى كٷرەستە قابىلداپ جاتقان شارالارى تۋرالى مەلٸمەت بەردٸ. تاراپتار پاندەميياعا قارسى كٷرەستٸ, سونىڭ ٸشٸندە, ۆاكتسينا مەن مەديتسينالىق قۇرال-جابدىقتارعا جالپى قولجەتٸمدٸلٸكتٸ قامتاماسىز ەتۋگە باعىتتالعان جاھاندىق كٷش-جٸگەردٸ تالقىلادى.
قاسىم-جومارت توقاەۆ دسۇ باسشىسىنىڭ جەتەكشٸلٸگٸ بويىنشا ۇيىمعا مٷشە ەلدەرمەن, ۆاكتسينا ٶندٸرۋشٸ مەملەكەتتەرمەن جەنە قولجەتٸمدٸ ۆاكتسيناعا مۇقتاج ەلدەرمەن جٷرگٸزٸلٸپ جاتقان سىندارلى ديالوگتى تولىق قولدايتىنىن ايتتى.
«دٷنيەجٷزٸلٸك ساۋدا ۇيىمى قاجەتتٸ مەديتسينالىق تاۋارلاردىڭ جەتكٸزٸلۋٸن جەنە ۆاكتسيناعا ەدٸلەتتٸ قولجەتٸمدٸلٸكتٸ قامتاماسىز ەتۋدە ماڭىزدى رٶل اتقارۋى تيٸس دەپ ەسەپتەيمٸز. وسىعان بايلانىستى ٷكٸمەتكە ساۋدا جەنە دەنساۋلىق ساقتاۋ سالاسىنداعى باستامالارعا قاتىستى ەلٸمٸزدٸڭ ۇستانىمىن, اتاپ ايتقاندا, مينيسترلەردٸڭ 12-شٸ كونفەرەنتسيياسىنا قاتىستى تيٸستٸ شەشٸم ەزٸرلەۋگە قوماقتى ٷلەس قوسۋدى تاپسىردىم», – دەدٸ پرەزيدەنت.
ٶز كەزەگٸندە, نگوزي وكوندجو-يۆەالا قازاقستاننىڭ COVID-19 ٸندەتٸنە قارسى كٷرەستەگٸ كٷش-جٸگەرٸن جوعارى باعالاپ, وتاندىق QazVac ۆاكتسيناسىنىڭ ەزٸرلەنۋٸمەن قۇتتىقتادى.
دٷنيەجٷزٸلٸك ساۋدا ۇيىمىنىڭ باسشىسى الدا بولاتىن مينيسترلەردٸڭ 12-شٸ كونفەرەنتسيياسىنا دايىندىق بارىسى تۋرالى ايتا كەلە, پرەزيدەنتكە اتالعان ٸس-شارا اياسىندا ٶتەتٸن بيزنەس-فورۋمدى ۇيىمداستىرۋعا قازاقستاننىڭ قاتىسۋ مٷمكٸندٸگٸن قاراستىرۋدى ۇسىندى. سونداي-اق قاسىم-جومارت توقاەۆتى جەنەۆادا ٶتەتٸن كونفەرەنتسيياعا شاقىردى.
كەزدەسۋ سوڭىندا قاسىم-جومارت توقاەۆ نگوزي وكوندجو-يۆەالانى ٶزٸنە ىڭعايلى ۋاقىتتا قازاقستانعا ساپارمەن كەلۋگە شاقىردى.
