قازاقستان پرەزيدەنتٸ بۇۇ باس اسسامبلەياسىنىڭ تٶراعاسى ۆولكان بوزكىرمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا قازاقستان مەن بٸرٸككەن ۇلتتار ۇيىمى اراسىنداعى ىنتىماقتاستىقتىڭ باسىم باعىتتارى تالقىلاندى. پاندەميياعا قارسى كٷرەستەگٸ بٸرلەسكەن ٸس-قيمىلدارعا, سونداي-اق, ٶڭٸرلٸك قاۋٸپسٸزدٸك پەن تۇراقتىلىقتى قامتاماسىز ەتۋگە ەرەكشە نازار اۋدارىلدى.
پرەزيدەنت قاسىم-جومارت توقاەۆ بۇۇ باس اسسامبلەياسىنىڭ تٶراعاسى ۆولكان بوزكىردىڭ قازاقستان مەن ايماققا جاساعان ساپارى ورتالىق ازييانىڭ رٶلٸ ارتىپ كەلە جاتقانىن كٶرسەتەتٸنٸن اتاپ ٶتتٸ.
– ورتالىق ازييادا بولىپ جاتقان احۋالدى باعالاۋ تۇرعىسىنان سٸزدٸڭ بۇل ساپارىڭىز اسا ماڭىزدى. اتالعان ايماق جاھاندىق ساياسات اياسىندا زور ماڭىزعا يە بولىپ كەلە جاتىر. ٶزٸڭٸزدٸ بۇۇ باس اسسامبلەياسىنىڭ سايلانعان تٶراعاسى رەتٸندە كٶرگەنٸمە قۋانىشتىمىن. سٸزدٸڭ وسى جاۋاپتى ەرٸ ماڭىزدى ميسسيياڭىز تابىستى بولادى دەپ ويلايمىن. بٸز بٸرٸككەن ۇلتتار ۇيىمىن مۋلتيلاتەراليزمنٸڭ دٸڭگەگٸ رەتٸندە قاراستىرامىز. قازاقستان بۇۇ-نىڭ ماقساتتارىن تولىق قولدايدى. اسسامبلەيا سٸزدٸڭ دانا باسشىلىعىڭىزبەن ۇيىمنىڭ ماقساتىنا قول جەتكٸزۋٸنە, ەسٸرەسە, قالىپتى ٶمٸردٸڭ بارلىق سالاسىنا ەسەر ەتكەن پاندەمييانىڭ تەرٸس سالدارى كەزٸندە ەلەۋلٸ ٷلەس قوسادى, – دەدٸ قازاقستان پرەزيدەنتٸ.
مەملەكەت باسشىسى حالىقارالىق قوعامداستىقتىڭ پاندەمييا سالدارىنا قارسى كٷرەستە جۇدىرىقتاي جۇمىلۋى قاجەت دەپ سانايدى.
– قازاقستان حالىقارالىق قوعامداستىقتىڭ جاۋاپتى مٷشەسٸ رەتٸندە داعدارىستىڭ سالدارىن ەڭسەرۋ ٷشٸن بارلىق كٷش-جٸگەرٸن جۇمسايدى. بٸز ٶزٸمٸزدٸڭ تٶل ۆاكتسينامىزدى ەزٸرلەدٸك. كەلەشەكتە, قاجەت بولعان جاعدايدا, ونى مۇقتاج ەلدەرگە ۇسىنۋعا دايىنبىز, – دەدٸ پرەزيدەنت.
ۆولكان بوزكىر قاسىم-جومارت توقاەۆقا جىلى قابىلداعانى ٷشٸن العىس ايتىپ, قازاقستاننىڭ بۇۇ قاۋٸپسٸزدٸك كەڭەسٸنە تٶراعالىعىنىڭ قورىتىندىلارىن, سونداي-اق, سيرييا قاقتىعىسىن رەتتەۋ ٷشٸن جٷرگٸزگەن جۇمىستارىن جوعارى باعالادى.
– قازاقستان بٸرٸككەن ۇلتتار ۇيىمىنىڭ جۇمىسىنا ٶتە بەلسەندٸ اتسالىسادى. سٸز بۇۇ جٷيەسٸندە كٶپ جىل جۇمىس ٸستەدٸڭٸز. تەجٸريبەڭٸز مول. ەلدٸڭ باسشىلىعى دا ۇيىممەن بەلسەندٸ ىقپالداستىق جاسايدى. قازاقستاننىڭ سيرييا قاقتىعىسىن استانا پروتسەسٸ رەتٸندە بەلگٸلٸ بەيبٸت جولمەن رەتتەۋگە قوسقان ٷلەسٸن قولدايمىن, – دەدٸ بۇۇ باس اسسامبلەياسىنىڭ تٶراعاسى.
سونىمەن قاتار ەڭگٸمەلەسۋ بارىسىندا اۋعانستانداعى احۋالعا بايلانىستى ٶڭٸرلٸك قاۋٸپسٸزدٸك پەن تۇراقتىلىقتى قامتاماسىز ەتۋ مەسەلەلەرٸ دە سٶز بولدى.
