پرەزيدەنت قاسىم-جومارت توقاەۆتىڭ تٶراعالىعىمەن رەفورمالار جٶنٸندەگٸ جوعارى كەڭەستٸڭ كەزەكتٸ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
ەلەۋمەتتٸك قامسىزداندىرۋ سالاسىنداعى رەفورمالاردى ٸسكە اسىرۋ جٶنٸندە پرەمەر-مينيستردٸڭ ورىنباسارى ەرالى توعجانوۆ بايانداما جاسادى. ول ەلەۋمەتتٸك كودەكستٸڭ ەزٸرلەنۋٸ, زەينەتاقى جٷيەسٸنٸڭ جاڭعىرتىلۋى تۋرالى ايتتى. اتالعان مەسەلە بويىنشا پرەزيدەنتتٸڭ ەكونوميكالىق دامۋ مەسەلەلەرٸ جٶنٸندەگٸ شتاتتان تىس كەڭەسشٸسٸ سەر سۋما چاكرابارتي دە ٶز پٸكٸرٸن بٸلدٸردٸ.
باياندامانى جەنە قاتىسۋشىلاردىڭ پٸكٸرلەرٸن تىڭداعان مەملەكەت باسشىسى پاندەمييا ەلەۋمەتتٸك-ەكونوميكالىق دامۋدىڭ پروبلەمالارىن اشىپ كٶرسەتكەنٸن جەنە ولاردىڭ شيەلەنٸسە تٷسكەنٸن اتاپ ٶتتٸ. پرەزيدەنت حالىق تابىسىنىڭ ٶسۋ قارقىنى باياۋلاپ, ەلەۋمەتتٸك تەڭسٸزدٸك مەسەلەسٸنٸڭ ۋشىعۋى باستى تٷيتكٸلدەردٸڭ بٸرٸ دەپ سانايدى. ونىڭ ايتۋىنشا, بٷكٸل ەلەمدەگٸدەي قازاقستاندا دا بيزنەس پەن حالىققا قولداۋ كٶرسەتۋ ٷشٸن داعدارىسقا قارسى ەرتٷرلٸ شۇعىل باستامالار مەن شارالار جٷزەگە اسىرىلدى. بۇل تەۋەكەل-قاتەرلەردٸ ازايتۋعا جەنە ەلٸمٸزدٸڭ ەكونوميكالىق احۋالىن تۇراقتاندىرۋعا مٷمكٸندٸك بەردٸ.
– ٷكٸمەت تيٸستٸ شارالاردى قابىلدادى دەپ سانايمىن. پاندەمييادان ساباق الىپ, ەلەۋمەتتٸك ساياساتىمىزدى جاڭا جاعدايلارعا جٷيەلٸ تٷردە بەيٸمدەۋٸمٸز كەرەك. جالپى, ۇسىنىلىپ وتىرعان ماقساتتار مەن مٸندەتتەردٸ قولداي وتىرىپ, ەزٸرلەنٸپ جاتقان ەلەۋمەتتٸك كودەكستٸڭ جاڭا «قوعامدىق شارتتىڭ» نەگٸزگٸ بٶلٸگٸنە اينالۋى قاجەت ەكەنٸن ايتقىم كەلەدٸ. كودەكس بويىنشا مەملەكەت جاڭارتىلعان ەلەۋمەتتٸك مٸندەتتەمەلەردٸڭ ورىندالۋىنا كەپٸلدٸك بەرەدٸ. الايدا, بارلىق قازاقستاندىق بولاشاعىن ويلاپ, ٶزدەرٸنە جاۋاپكەرشٸلٸك پەن مٸندەتتەمەلەر الا باستاۋى كەرەك. ەلەۋمەتتٸك جاڭعىرۋدىڭ بارلىق قۇرالى ناقتى جۇمىس ٸستەپ, ازاماتتار مەن بيزنەس ٷشٸن تٷسٸنٸكتٸ بولۋعا تيٸس, – دەدٸ پرەزيدەنت.
جيىن بارىسىندا پرەزيدەنتتٸڭ ەكونوميكالىق دامۋ مەسەلەلەرٸ جٶنٸندەگٸ شتاتتان تىس كەڭەسشٸسٸ سەر سۋما چاكرابارتي مەن قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆا بانك سەكتورىنىڭ دامۋى جەنە قۇندى قاعازدار نارىعى تۋرالى تيٸمدٸ ماكروەكونوميكالىق ساياسات بويىنشا كونسۋلتاتيۆتٸك كوميتەتتٸڭ ەسەبٸن ۇسىندى.
ۇلتتىق قور مەن بٸرىڭعاي جيناقتاۋشى زەينەتاقى قورىن باسقارۋ ستراتەگيياسىنىڭ تيٸمدٸلٸگٸن ارتتىرۋ جٶنٸندە ۇلتتىق بانك تٶراعاسى ەربولات دوساەۆ بايانداما جاسادى. اكتيۆتەردٸ باسقارۋ ستراتەگيياسىن ودان ەرٸ جەتٸلدٸرۋ ٷشٸن جاڭا ستراتەگييالىق اللوكاتسيياعا كٶشۋ, ينۆەستيتسييالىق ٷدەرٸسكە ESG فاكتورلارىن ەنگٸزۋ, اكتسييالاردىڭ پورتفەلدەرٸن حەدجەرلەۋ (نارىقتىق تەۋەكەل-قاتەرلەردەن ساقتاندىرۋ), سونداي-اق اكتيۆتەردٸ باسقارۋ ٷدەرٸستەرٸنٸڭ تسيفرلاندىرىلۋىن قامتاماسىز ەتۋ شارالارى ۇسىنىلدى.
ۇلتتىق بانكتٸڭ بولجامىنا سەيكەس كەپٸلدەندٸرٸلگەن ترانسفەرتتەردٸڭ ازايۋىنا بايلانىستى 2022-2030 جىلدار ارالىعىندا ۇلتتىق قورعا تٷسەتٸن قارجى كٶلەمٸ 20 ميلليارد دوللاردى قۇرايدى. نەتيجەسٸندە ۇلتتىق قوردىڭ اكتيۆتەرٸ 2030 جىلعا قاراي 100 ميلليارد دوللارعا جەتەدٸ. ونىڭ كەمٸندە 50 پايىزى ينۆەستيتسييالىق تابىستان تٷسەدٸ.
بيىل رەفورمالار جٶنٸندەگٸ جوعارى كەڭەس ەل دامۋىنىڭ بارلىق باعىتىن قامتيتىن 20-دان اسا مەسەلەنٸ قاراستىردى.
جيىن سوڭىندا كەڭەس مٷشەلەرٸ الداعى 2022 جىلعا ارنالعان جۇمىس جوسپارىن بەكٸتتٸ.
