مەملەكەت رەتتەيتٸن باعالاردى بەلگٸلەۋ كەزٸندەگٸ جەمقورلىقتى جويۋ قاجەت. بۇل تۋرالى قر پرەزيدەنتٸ قاسىم-جومارت توقاەۆتىڭ سىبايلاس جەمقورلىققا قارسى ٸس-قيمىل جٶنٸندەگٸ كەڭەستە سٶيلەگەن سٶزٸندە ايتتى, دەپ حابارلايدى قازاقپارات.
«بىلتىر ەلٸمٸزدە باعا كٷرت كٶتەرٸلدٸ. ەرينە, ەلەمنٸڭ بارلىق مەملەكەتٸندە ينفلياتسييا دەڭگەيٸ جوعارى بولدى. دەگەنمەن, تيٸستٸ ۋەكٸلەتتٸ ورگاندار باعانى بەلگٸلەگەن كەزدە ونىڭ قانشالىقتى نەگٸزدٸ ەكەنٸن مۇقييات قاراۋى كەرەك. مۇنىڭ استارىندا ەكونوميكالىق سەبەپتەن بٶلەك, بٸرەۋدٸڭ جىمىسقى ەرەكەتٸ جاتقان جوق پا دەگەن ساۋال تۋىندايدى. مىسالى, وتاندىق ٶنٸم ٶندٸرۋشٸلەر تەمٸر جول سالاسىن جەمقورلىق جايلاعانىن ايتىپ, ٷنەمٸ شاعىمدانادى.
كەسٸپكەرلەر ناقتى بٸر نىسانعا اپاراتىن تەمٸر جولدى پايدالانعانى ٷشٸن تٶلەيتٸن اقىنىڭ كٶلەمٸنە بايلانىستى نارازىلىق بٸلدٸرۋدە. وسىعان وراي, بٸر ۋاقىتتا بٸرنەشە ٶڭٸردەن – قوستاناي, شىعىس قازاقستان, تٷركٸستان, اقمولا جەنە پاۆلودار وبلىستارىنان ارىز تٷسكەن. مونوپوليست كومپانييالار باعانى ٶز بەتٸمەن ەسەلەپ ٶسٸرگەن. بۇل حالىق تۇتىناتىن تاۋارلاردىڭ باعاسىنا بٸردەن ەسەر ەتەدٸ.
مەن بٸر جىل بۇرىن بەسەكەلەستٸكتٸ قورعاۋ اگەنتتٸگٸنە باس پروكۋراتۋرامەن بٸرلەسٸپ, وسى مەسەلەمەن اينالىسۋدى تاپسىردىم.
بٸراق, «باياعى جارتاس – بٸر جارتاس» كٷيٸندە قالدى. كەيبٸر ادامداردىڭ تۇتىنۋشى مەن كەسٸپكەردٸڭ ەسەبٸنەن عانا پايدا تاۋىپ وتىرۋى دۇرىس ەمەس. پرەزيدەنت ەكٸمشٸلٸگٸنە بۇل مەسەلەنٸ باقىلاۋعا الۋدى تاپسىرامىن.
مونوپوليستەردٸڭ زاڭسىز تاپقان تابىسىن قايتارىپ, اتقارىلعان جۇمىستار جٶنٸندە ماعان بايانداڭىزدار. ٶز پايداسى ٷشٸن ٶزگەلەرمەن سىبايلاسقان شەنەۋنٸكتەر بار ما, سونى دا انىقتاۋ كەرەك. جالپى, باعانى قولدان ٶسٸرۋگە مٷلدەم جول بەرمەۋ قاجەت», - دەدٸ مەملەكەت باسشىسى.
