مەملەكەت باسشىسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريندٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا ەلەۋمەتتٸك ماڭىزى بار ازىق-تٷلٸك تاۋارلارى نارىعىنداعى احۋالدى تۇراقتاندىرۋ ٷشٸن قابىلدانىپ جاتقان شارالار تۋرالى ەسەپ بەرٸلدٸ.
پرەزيدەنتكە قازاقستانداعى بيرجا ساۋداسىنىڭ دامۋى, قۇرىلىس ماتەريالدارى, تۇرعىن ٷي, جانار-جاعار ماي نارىقتارىنداعى باعاعا قاتىستى احۋال, سونداي-اق, كٸرمە جولدار نارىعىنداعى جاعدايدى تۇراقتاندىرۋ جٶنٸندە مەلٸمەت بەرٸلدٸ.
سەرٸك جۇمانعارين قاسىم-جومارت توقاەۆقا مەملەكەتتٸك جەنە جەكە وپەراتورلاردىڭ قىزمەتٸنە تالداۋ جٷرگٸزۋ جٶنٸندەگٸ تاپسىرماسىنىڭ ورىندالۋ نەتيجەلەرٸ تۋرالى باياندادى. سونداي-اق, جۇمىس ٸستەپ تۇرعان قازٸرگٸ قۇرىلىمداردى وڭتايلاندىرۋ جٶنٸندەگٸ ۇسىنىستارىن ايتتى. بولجام بويىنشا ولار 3,5 ميلليارد تەڭگە ەكونوميكالىق پايدا ەكەلەدٸ.
سونىمەن قاتار مەملەكەت باسشىسىنا فارماتسەۆتيكا, اۆتوجولدار قۇرىلىسى نارىقتارىنداعى, دەنساۋلىق ساقتاۋ سالاسىنداعى مونوپوليياعا قارسى ەرەكەت ەتۋ شارالارى تۋرالى ايتىلدى. سالالىق ۆەدومستۆونىڭ جەتەكشٸسٸ پرەزيدەنتكە بەسەكەلەستٸكتٸڭ دامۋىنا كەدەرگٸ كەلتٸرەتٸن شەكتەۋلەردٸ جويۋ ٷشٸن اۋىل شارۋاشىلىعى مينيسترلٸگٸمەن بٸرلەسٸپ قابىلداپ جاتقان شارالار, ۇلتتىق جوبا جەنە بەسەكەلەستٸكتٸ دامىتۋ جٶنٸندەگٸ زاڭ جوباسى بويىنشا اتقارىلىپ جاتقان جۇمىستار جايىندا ايتتى.
قاسىم-جومارت توقاەۆ ازىق-تٷلٸك جەنە باسقا دا تاۋارلاردىڭ باعاسىن تٶمەندەتۋ جٶنٸندە جٷيەلٸ شارالار قابىلداۋدى تاپسىردى. اتاپ ايتقاندا قاسىم-جومارت توقاەۆ نەگٸزگٸ ازىق-تٷلٸك ٶندٸرٸسٸ كٶلەمٸن ۇلعايتۋ, وتاندىق تاۋار ٶندٸرۋشٸلەرگە مەملەكەتتٸك قولداۋ شارالارىنىڭ قولجەتٸمدٸلٸگٸن قامتاماسىز ەتۋ, حالىقتىڭ ەلەۋمەتتٸك جاعدايى ناشار توپتارىنا قولداۋ كٶرسەتۋ قاجەت دەپ سانايدى.
