قازاقستان پرەزيدەنتٸ قاسىم-جومارت توقاەۆ الماتى قالاسىن ودان ەرٸ دامىتۋ مەسەلەلەرٸ جٶنٸندە ٶتكەن كەڭەس بارىسىندا «جاسىل» الاپتى بٸرتٸندەپ كەڭەيتۋ ٶزەكتٸ مٸندەت بولىپ وتىرعاندىعىن اتاپ ٶتتٸ, دەپ حابارلايدى قازاقپارات.
پرەزيدەنت بۇل مەسەلەدە اعاشتاردىڭ زاڭسىز وتالۋىنا جەنە باقتاردىڭ جويىلۋىنا, ونىڭ ٸشٸندە, قالانىڭ تاريحي ورتالىعىنداعى كٶگالدارعا قاتىستى الاڭداۋشىلىعىن بٸلدٸردٸ.
– قالانى كٶگالداندىرۋ مەسەلەسٸندە ناۋقانشىلىققا, ۇقىپسىزدىققا جەنە ەلدەكٸمدەردٸڭ مٷددەلەرٸن قولداۋعا جول بەرٸلمەۋٸ تيٸس. بۇل مەسەلەدە عىلىمي كٶزقاراسقا, كەسٸبيلٸككە, تۇرعىندارعا قولايلى جاعداي جاساۋعا جەنە قالانى ٷيلەسٸمدٸ دامىتۋعا باسىمدىق بەرٸلۋٸ كەرەك. الماتىعا «جاسىل قالا» مەرتەبەسٸن قايتارۋعا مٸندەتتٸمٸز, – دەدٸ مەملەكەت باسشىسى.
قاسىم-جومارت توقاەۆ سونداي-اق سٶزٸندە ەكولوگيياعا, ونىڭ ٸشٸندە, ەكٸنشٸ جەو-نىڭ قايتا جٶندەۋ جۇمىستارىنىڭ باعاسىن قىمباتتاتپاۋعا جەنە ونى سوزبالاڭعا سالماۋعا, ٷشٸنشٸ جەو-نى جاڭعىرتۋعا, جەكە سەكتورعا گاز تارتۋدى اياقتاۋعا, كٶلٸكتەرگە جانار-جاعارمايدىڭ تازا تٷرلەرٸن پايدالانۋعا, قالدىقتاردى پايداعا جاراتۋعا, سايران سۋ قويماسى اينالاسىنداعى اۋماقتى اباتتاندىرۋعا جەنە قالپىنا كەلتٸرۋگە ەرەكشە توقتالدى.
پرەزيدەنت الماتى اگلومەراتسيياسىنداعى قالا ماڭىن جەنە ەلدٸ مەكەندەردٸ دامىتۋ قاجەتتٸگٸنە دە توقتالدى.
قاسىم-جومارت توقاەۆتىڭ پٸكٸرٸنشە, الماتى – قازاقستانداعى ەڭ ٷلكەن قالا عانا ەمەس, ەلٸمٸزدەگٸ اگلومەراتسييانىڭ ٸرٸ ورتالىعى.
– الماتى قالاسى مەن الماتى وبلىسىنىڭ دامۋ مەسەلەسٸن بٸر-بٸرٸنەن بٶلٸپ قاراۋعا بولمايدى. نەگٸزگٸ ساپالى جۇمىس ورىندارى قالادا جاساقتالادى. بۇل مەرزٸمدٸك ميگراتسييانى ىنتالاندىرماي تۇرمايدى, – دەدٸ پرەزيدەنت.
وسى رەتتە مەملەكەت باسشىسى ٷكٸمەتكە الماتى قالاسى مەن الماتى وبلىسى ەكٸمدەرٸمەن بٸرلەسٸپ, اگلومەراتسييانىڭ كٶلٸكتٸك مودەلٸن جاساۋدى تاپسىردى.
– الماتى اگلومەراتسيياسىن باسقارۋ جٶنٸندەگٸ كەڭەستٸ قۇراتىن كەز كەلدٸ. ونى بىلتىر قولعا الۋ كەرەك ەدٸ. ول كەزەكتٸ وتىرىس ٶتكٸزۋ ورگانىنا اينالماۋى تيٸس. وعان جالپى اگلومەراتسييالىق مەسەلەلەردٸ شەشۋ ٷشٸن بارلىق قاجەتتٸ ۋەكٸلەتتٸكتەردٸ بەرۋ كەرەك. بۇل مەسەلەنٸ ورتالىق دەڭگەيدە شەشۋ ٷشٸن بۇعان پرەمەر-مينيستردٸڭ ورىنباسارىن جاۋاپتى ەتٸپ بەكٸتۋ قاجەت, – دەدٸ قاسىم-جومارت توقاەۆ.
مەملەكەت باسشىسى قالادا قاۋٸپسٸزدٸكتٸ قامتاماسىز ەتۋ ماڭىزدى دەپ سانايدى. ول ٷشٸن قالانىڭ كەيبٸر اۋداندارىن جارىقتاندىرۋ, بەينەباقىلاۋ كامەرالارىنىڭ ينتەللەكتۋالدىق ەلەۋەتٸن پايدالانۋ جەنە ولاردى جەدەل باسقارۋ ورتالىعىنا ينتەگراتسييالاۋ جٶنٸندەگٸ مەسەلەلەردٸ شەشۋ قاجەت.
