تمد-دا ورتاق ۆيزا ەنگٸزۋ مٷشە مەملەكەتتەردەگٸ تۋريزم سالاسىنا وڭ ەسەرٸن تيگٸزۋٸ مٷمكٸن, دەدٸ ريا نوۆوستي پورتالىنا بەرگەن سۇحباتىندا رف سىرتقى ٸستەر مينيسترلٸگٸ باسشىسىنىڭ ورىنباسارى اندرەي رۋدەنكو.
"ەرينە, تمد كەڭٸستٸگٸندە ورتاق ۆيزا ەنگٸزۋ مٷمكٸندٸگٸ دوستاستىق ەلدەرٸنٸڭ باسقا مەملەكەتتەرمەن ٸسكەرلٸك جەنە تۋريستٸك بايلانىستارىن دامىتۋعا وڭ ەسەرٸن تيگٸزەر ەدٸ. دەگەنمەن تمد-عا مٷشە ەر ەل ٶزٸنٸڭ ۆيزا جەنە كٶشٸ-قون ساياساتىن جٷزەگە اسىراتىنىن ەسكەرمەۋگە دە بولمايدى", - دەدٸ رەسەي سٸم باسشىسىنىڭ ورىنباسارى.
رۋدەنكونىڭ ايتۋىنشا, تەۋەلسٸز مەملەكەتتەر دوستاستىعى ەلدەرٸنٸڭ وسى سالاداعى ۇلتتىق زاڭنامالارى بٸر-بٸرٸمەن سەيكەس كەلە بەرمەيدٸ.
"بٸز قازاقستان پرەزيدەنتٸ قاسىم-جومارت توقاەۆتىڭ بۇل مەسەلەنٸڭ ەۋەلٸ بارلىق قۇزىرلى ۆەدومستۆونىڭ قاتىسۋىمەن ساراپشىلىق دەڭگەيدە جان-جاقتى زەرتتەلۋٸ تيٸس دەگەن ۇستانىمىنا قوسىلامىز", - دەدٸ ول.
رۋدەنكونىڭ پٸكٸرٸنشە, ورتاق ۆيزانى قاجەت ەتەتٸن ەلدەر مەن ولاردىڭ كٶشٸ-قون زاڭناماسىن بٸر-بٸرٸنە ۇقساس ەتۋ تۇرعىسىنان تيٸستٸ شەشٸمدەر قابىلداۋ دايىندىعىن انىقتاۋ قاجەت.
"بۇعان قوسا, وسىنداي بٸرىڭعاي ۆيزانى ەنگٸزۋ ٷشٸن اتقارىلاتىن جۇمىستىڭ كٶلەمٸن باعالاۋ ماڭىزدى. بۇل ٷلكەن جەنە تەز جٷزەگە اسا قويمايتىن ٸس. سوندىقتان قازٸر بۇنداي مەحانيزمدٸ ٸسكە قوسۋدىڭ قانداي دا بٸر ناقتى مەرزٸمدەرٸ تۋرالى ايتۋ ەلٸ ەرتە", - دەپ اتاپ ٶتتٸ رۋدەنكو.
ەسكە سالا كەتەيٸك, قازاقستان پرەزيدەنتٸ قاسىم-جومارت توقاەۆ تمد ەلدەرٸندە "شەنگەن" سيياقتى ورتاق ۆيزا ەنگٸزۋ مەسەلەسٸن قاراستىرۋدى ۇسىنعان ەدٸ. بۇل تۋرالى مەملەكەت باسشىسى اشحابادتا ٶتكەن تمد-عا مٷشە ەلدەر باسشىلارى كەڭەسٸنٸڭ وتىرىسىندا ايتتى.
قازاقستان پرەزيدەنتٸ بۇنداي ۆيزا دوستاستىق ەلدەرٸندەگٸ تۋريزمدٸ دامىتۋعا ىقپال ەتەر ەدٸ دەيدٸ.
ال, 2018 جىلعى ماۋسىمدا داريعا نازارباەۆا ورتالىق ازييا ەلدەرٸ ٷشٸن "ازييالىق شەنگەن" قۇرۋ يدەياسىن ايتقان بولاتىن. جوبا 2019 جىلدىڭ باسىندا جٷزەگە اسادى دەپ بولجانعان ەدٸ.
دەگەنمەن قازاقستان سىرتقى ٸستەر مينيسترلٸگٸنٸڭ مەلٸمەتٸنشە, "ازييالىق شەنگەن" قۇرۋ جەنە ەنگٸزۋ مەسەلەسٸ ۇزاعىراق ۋاقىتتى قاجەت ەتەدٸ.
