بەلارۋس وپپوزيتسيياسىنىڭ جەتەكشٸسٸ سۆەتلانا تيحانوۆسكايا ٶز ەلٸندەگٸ داعدارىستان شىعۋ ٷشٸن جوعارى دەڭگەيدەگٸ حالىقارالىق كونفەرەنتسييا ٶتكٸزۋ جٶنٸندە ۇسىنىس تاستادى.
Twitter-دە جازعان مەلٸمدەمەسٸندە ول بەلارۋس «دەموكراتييالىق كٷشتەرٸنٸڭ, سونداي-اق ەۋروپا وداعىنىڭ, رەسەيدٸڭ, ۇلىبريتانييا مەن اقش-تىڭ ٷكٸمەتتەرٸ, پارلامەنتتەرٸ جەنە ازاماتتىق قوعام توپتارىنىڭ» جەنە الەكساندر لۋكاشەنكو رەجيمٸ ٶكٸلدەرٸنٸڭ قاتىسۋىمەن مۇنداي كونفەرەنتسييا ٶتكٸزۋ «ٶتە ماڭىزدى» ەكەنٸن ايتتى.
6 مامىرداعى جازباسىندا تيحانوۆسكايا ەۋروپا وداعىن بەلارۋستٸڭ ازاماتتىق قوعامى مەن ەكونوميكاسىنا كٶمەك كٶرسەتۋدٸڭ كەشەندٸ جوسپارىن جارييالاۋعا شاقىردى. ول 4 مامىردا مۇنداي ٶتٸنٸشتٸ ەۋرووداق مەملەكەتتەرٸ سىرتقى ٸستەر مينيسترلەرٸنە جەنە حالىقارالىق قاتىناس كوميتەتتەرٸنە جولداعانىن حابارلادى.
بۇدان بۇرىن دا تيحانوۆسكايا اقش كونگرەسٸ كوميسسيياسىنىڭ الدىندا ونلاين سٶز سٶيلەپ, جوعارى دەڭگەيدەگٸ كونفەرەنتسييا ۇيىمداستىرۋعا شاقىرعان. ول امەريكا قۇراما شتاتتارىن لۋكاشەنكونى «ەرٸ قاراي وقشاۋلاي تٷسۋ» ٷشٸن ديپلوماتييانى قولداۋعا ٷندەدٸ. ونىڭ ايتۋىنشا, قازٸر ەلەمنٸڭ بٸراۋىزدىلىعى مەن ناقتى ەرەكەتتەرٸ ٶتە ماڭىزدى. ەلەم بەلارۋستەگٸ داعدارىستىڭ اۋقىمىن تٷسٸنۋٸ كەرەك, بۇل ەلدەگٸ رەجيم دٷنيەجٷزٸنە «بەلورۋستاردى ۇمىتتىرىپ جٸبەرۋگە» كٷش سالىپ جاتىر دەدٸ تيحانوۆسكايا.
سۆەتلانا تيحانوۆسكايا بىلتىر تامىزدا بەلارۋستە ٶتكەن پرەزيدەنت سايلاۋىنا وپپوزيتسييا اتىنان كانديدات رەتٸندە قاتىسقان. التىنشى مەرزٸمگە پرەزيدەنتتٸكتەن ٷمٸت ەتٸپ, دوداعا تٷسكەن الەكساندر لۋكاشەنكو بٸرٸنشٸ تۋردا جەڭٸسكە جەتكەنٸن مەلٸمدەگەن. سودان باستاپ ەلدە ۇزاق ۋاقىت ونداعان مىڭ ادام قاتىسقان نارازىلىق شەرۋلەرٸ ٶتٸپ, ولار كٷشتەپ تاراتىلدى.
ەۋروپا ەلدەرٸنٸڭ باسىم بٶلٸگٸ مەن اقش بەلارۋستاعى سايلاۋ نەتيجەسٸن مويىندامايتىنىن, لۋكاشەنكونى پرەزيدەنت دەپ تانىمايتىنىن مەلٸمدەپ, قايتا سايلاۋ ٶتكٸزۋگە شاقىرعان.
سايلاۋدان سوڭ ەلدەن قاشىپ شىققان سۆەتلانا تيحانوۆسكايا قازٸر لاتۆييادا تۇرادى.
