قر بٸلٸم جەنە عىلىم مينيسترٸ اسحات ايماعامبەتوۆ پەداگوگتاردىڭ ۇلتتىق بٸلٸكتٸلٸك تەستٸن تاپسىرۋ پروتسەسٸنە ەنگٸزٸلگەن ٶزگەرٸستەردٸ باياندادى, دەپ حابارلايدى"ۇلت اقپارات".
«ۇلتتىق بٸلٸكتٸلٸك تەستٸن تاپسىرۋ قيىن, ونىڭ قاجەتٸ جوق» دەگەن پٸكٸردٸ جيٸ ەستيمٸن. بٷگٸنگە دەيٸن سىناق تاپسىرعان ەرٸپتەستەرٸمٸزدٸڭ 67 پايىزى تەستٸلەۋدەن ٶتٸپ, ساناتتارىن كٶتەردٸ. بۇل ساناتتار ٷشٸن ەڭبەكاقىنى 30-50 پايىزعا دەيٸن كٶتەرۋگە بولادى. وعان دەيٸن جوعارى سانات, بٸرٸنشٸ سانات ٷشٸن مۇعالٸمدەرگە 17 مىڭ تەڭگەدەن اسپايتىن ٷستەمەاقى تٶلەنەتٸن. ياعني, جاڭا جٷيەدەگٸ ٷستەمەاقى ايتارلىقتاي كٶپ», - دەپ اتاپ ٶتتٸ مينيستر بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, ۆەدومستۆو باسشىسى ۇلتتىق بٸلٸكتٸلٸك تەستٸندە ٶزەكتٸ مەسەلەلەردٸڭ بار ەكەنٸن دە جاسىرمادى.
«قازٸرگٸ ۋاقىتتا پەداگوگ كەزەكتٸ ساناتتى قورعاۋ ٷشٸن مەكتەپ ديرەكتورىنا ٶتٸنٸش جازۋى تيٸس. مەكتەپ ديرەكتورى – بٸلٸم باسقارماسىنا, باسقارما – مينيسترلٸككە جٷگٸنەتٸن كٷردەلٸ بيۋروكراتييالىق جٷيە پايدا بولدى. وسىعان بايلانىستى, كەلەسٸ جىلى جاڭا جٷيەگە كٶشەمٸز. وندا پەداگوگ ەلەكتروندىق ٷكٸمەت ارقىلى تەستٸلەۋگە تٸكەلەي ٶتٸنٸم بەرە الادى. جەكە كابينەتٸندە تەست تاپسىرۋعا قاي كٷن ىڭعايلى ەكەنٸن كٶرسەتە الادى», - دەدٸ ا. ايماعامبەتوۆ.
ودان بٶلەك, مينيستردٸڭ ايتۋىنشا, ۇلتتىق بٸلٸكتٸلٸك تەستٸنە كەلەتٸن مۇعالٸمدەر ەگجەي-تەگجەيلٸ تەكسەرٸلمەيدٸ.
«تەستٸلەۋگە قاتىساتىن مۇعالٸمدەردٸ تەكسەرۋ جٶنٸندە بٸراز سىن ايتىلدى. ەرينە, بۇل پروتسەسس جٷيكەگە تيەدٸ. سوندىقتان ەرٸپتەستەرٸمٸزگە سەنٸم ارتۋدى ۇيعاردىق. بيىلعى قاراشا ايىنان باستاپ, تەستٸلەۋگە كەلگەن پەداگوگتار تەكسەرٸلمەيدٸ. ياعني ەشقانداي مەتالل ٸزدەگٸش بولمايدى. مۇعالٸمدەر ەمٸن-ەركٸن ٶز ورنىنا جايعاسادى. بٸراق قانداي دا بٸر پەداگوگ تىيىم سالىنعان قۇرالمەن, ۇيالى تەلەفونمەن كٶزگە تٷسسە, ونىڭ قولدانۋ-قولدانباۋىنا قاراماستان, تەست نەتيجەسٸ جويىلادى», - دەپ ەسكەرتتٸ بٸلٸم جەنە عىلىم مينيسترٸ.
