فوتو: اشىق دەرەككٶز
الماتى وبلىسىندا پەتەر ۇرلىعىمەن اينالىسقان ەكٸ قىلمىستىق توپ ەشكەرەلەندٸ. قاسكٶيلەر التىن بۇيىمدار, اقشا جەنە ٶزگە دە قۇندى زاتتاردى قولدى ەتٸپ, تۇرعىندارعا 21 ميلليون تەڭگەدەن استام شىعىن كەلتٸرگەن, دەپ حابارلايدى Ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, كٷدٸكتٸلەر 2025 جىلدىڭ جەلتوقسان ايىنان باستاپ پلاستيكالىق تەرەزەلەردٸ كٷشپەن اشۋ ارقىلى پەتەرلەرگە كٸرٸپ وتىرعان.
جەدەل-ٸزدەستٸرۋ شارالارى بارىسىندا 20 ناۋرىز كٷنٸ كريمينالدىق پوليتسييا قىزمەتكەرلەرٸ العاشقى توپتى ۇستاپ, ولاردى ۋاقىتشا ۇستاۋ يزولياتورىنا قامادى. تەرگەۋ بارىسىندا كٷدٸكتٸلەردٸڭ كەمٸندە توعىز پەتەر ۇرلىعىنا قاتىسى بارى انىقتالدى.
ارادا تٶرت كٷن ٶتكەندە, 24 ناۋرىزدا تاعى بٸر قىلمىستىق توپ قولعا تٷستٸ. ولاردىڭ ٷش ۇرلىققا قاتىسى بار ەكەنٸ بەلگٸلٸ بولدى. اتالعان توپ قۇرامىندا 14 جەنە 17 جاستاعى جاسٶسپٸرٸمدەردٸڭ بولعانى دا انىقتالعان.
وسىعان بايلانىستى ٸٸم ازاماتتاردى ساق بولۋعا شاقىرىپ, باسپانا قاۋٸپسٸزدٸگٸن كٷشەيتۋگە كەڭەس بەرەدٸ. اتاپ ايتقاندا, سەنٸمدٸ قۇلىپ ورناتۋ, تەرەزەلەرگە تور قويۋ, دابىل جٷيەلەرٸ مەن بەينەباقىلاۋ قۇرالدارىن پايدالانۋ, سونداي-اق ەلەۋمەتتٸك جەلٸلەردە قۇندى زاتتار تۋرالى اقپارات جارييالاماۋ ۇسىنىلادى.
