Foto: ashyq derekkóz
Almaty oblysynda páter urlyǵymen ainalysqan eki qylmystyq top áshkerelendi. Qaskóiler altyn buiymdar, aqsha jáne ózge de qundy zattardy qoldy etip, turǵyndarǵa 21 million teńgeden astam shyǵyn keltirgen, dep habarlaidy Ult.kz.
Ishki ister ministrliginiń málimetinshe, kúdiktiler 2025 jyldyń jeltoqsan aiynan bastap plastikalyq terezelerdi kúshpen ashý arqyly páterlerge kirip otyrǵan.
Jedel-izdestirý sharalary barysynda 20 naýryz kúni kriminaldyq politsiia qyzmetkerleri alǵashqy topty ustap, olardy ýaqytsha ustaý izoliatoryna qamady. Tergeý barysynda kúdiktilerdiń keminde toǵyz páter urlyǵyna qatysy bary anyqtaldy.
Arada tórt kún ótkende, 24 naýryzda taǵy bir qylmystyq top qolǵa tústi. Olardyń úsh urlyqqa qatysy bar ekeni belgili boldy. Atalǵan top quramynda 14 jáne 17 jastaǵy jasóspirimderdiń bolǵany da anyqtalǵan.
Osyǵan bailanysty IIM azamattardy saq bolýǵa shaqyryp, baspana qaýipsizdigin kúsheitýge keńes beredi. Atap aitqanda, senimdi qulyp ornatý, terezelerge tor qoiý, dabyl júieleri men beinebaqylaý quraldaryn paidalaný, sondai-aq áleýmettik jelilerde qundy zattar týraly aqparat jariialamaý usynylady.
