قازاقستاندىق دەنيس ەۆسەەۆ ٶزبەكستاندىق دەنيس يستومينمەن بٸرگە جۇپتىق سىندا ەلوردادا ٶتٸپ جاتقان Forte Challenger 100 تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
قازاقستاندىق-ٶزبەكستاندىق جۇپ شيرەك فينالدا كانادالىقتار پەتەر پولانسكي – برەيدەن شنۋرمەن كٷش سىناستى.
قوس دەنيس بٸرٸنشٸ پارتييادا قارسىلاستارىن بەت قاراتپادى – 6:0.
ەكٸنشٸ سەتتە دە ولار 3:1 ەسەبٸمەن العا كەتتٸ. اقىرى 47 مينۋتقا سوزىلعان ماتچتى جەڭٸسپەن تٷيٸندەدٸ – 6:3.
د.يستومين مەن د.ەۆسەەۆ بەسەكە بارىسىندا ٷش برەيككە قول جەتكٸزدٸ. ەندٸ ولار جارتىلاي فينالدا امەريكالىقتار ناتان پاشا – ماكس شنۋرمەن شەبەرلٸك بايقاسادى.
امەريكالىق جۇپ شيرەك فينالدا تاعى بٸر قازاقستاندىق دميتريي پوپكو مەن گرۋزييالىق الەكساندر مەترەۆەليدٸ تارتىستى ويىندا 7:5, 7:6 (7:5) ەسەبٸمەن جەڭٸپ كەتتٸ.
بۇدان بۇرىن وسى جارىستىڭ 1-راكەتكالارى بولىپ تٸركەلگەن قازاقستاندىق الەكساندر نەدوۆەسوۆ پەن ۋكراينالىق دەنيس مولچانوۆ قارسىلاستارىنىڭ بٸرٸ جاراقات الۋىنا بايلانىستى جارتىلاي فينالعا ٶتكەن بولاتىن. ا.نەدوۆەسوۆ پەن د.مولچانوۆ فينالعا شىعۋ ٷشٸن گەرمانييالىق يۋليان لەنتس – ەكۆادورلىق روبەرتو كيروسپەن تالاسادى. بۇل جۇپ شيرەك فينالدا فرانتسييالىق ۋگو گرەنە – الەكساندر ميۋللەردٸ تٸزە بٷكتٸردٸ.
