مادريدتە دەۆيس كۋبوگى فينالدىق كەزەڭٸنٸڭ توپتىق بەسەكەسٸندە قازاقستان قۇراماسى كانادانى جەڭٸپ, شيرەك فينالعا شىقتى, دەپ حابارلايدى قازاقپارات.
بٷگٸن جەكەلەي سىندا قازاقستاننىڭ بٸرٸنشٸ راكەتكاسى الەكساندر بۋبليك ۆاشەك پوسپيشيلمەن شەبەرلٸك بايقاستى.
بٸرٸنشٸ پارتييادا بۋبليك ەكٸ رەت برەيك جاسادى - 6:2.
ەكٸنشٸ سەت تارتىستى ٶربٸپ, تاي-برەيكتە قازاقستاندىق تەننيسشٸ قارسىلاسىنىڭ سەتبول جاساۋىنا مٷمكٸندٸك بەرمەدٸ. سوسىن ٶزٸ ماتچبولىن مٷلت جٸبەرگەن جوق - 7:6 (8:6).
بەسەكە بارىسىندا بۋبليك 18 ەيس جاسادى. سٶيتٸپ ا.بۋبليك ەسەپتٸ 2:0-گە جەتكٸزدٸ. ەندٸ جۇپتىق بەسەكە ەشتەڭەنٸ شەشپەيدٸ.
وسىلايشا قازاقستان قۇراماسى كەشە شۆەتسييانى جەڭسە, بٷگٸن كانادانى سٷرٸندٸرٸپ, التىنشى رەت دەۆيس كۋبوگىنىڭ شيرەك فينالىنا شىقتى.
