قازاقستاندىق جٸبەك قۇلامباەۆا ITF W60 سەريياسى بويىنشا يتالييانىڭ برەشييا قالاسىندا ٶتٸپ جاتقان تۋرنيردٸڭ جۇپتىق سىنىندا شيرەك فينالعا شىقتى, دەپ حابارلايدى قازاقپارات.
قازاقستان تەننيس فەدەراتسيياسىنان مەلٸم ەتكەنٸندەي, جٸبەك لاتۆييالىق ديانا مارتسينكەۆيچپەن بٸرگە جٷلدە قورى 60 مىڭ اقش دوللارىنا باعالانعان جارىستا يتالييالىقتار مەلاني دەلاي - انگەليكا راگگيدٸ بٸر ساعاتتا 6:1, 6:0 ەسەبٸمەن ويسىراتا ۇتتى.
قازاقستاندىق-لاتۆييالىق جۇپ جارتىلاي فينالعا شىعۋ ٷشٸن دودانىڭ ەكٸنشٸ راكەتكالارى, تايبەيلٸك يۋ چەن حسيەح - شۆەيتسارييالىق كسەنييا كنولمەن تالاسادى.
ج.قۇلامباەۆا جەكەلەي سىندا ٸرٸكتەۋ سايىستارىنىڭ فينالىندا يتالييالىق اۆرورا زاندەچچيگە جول بەردٸ - 3:6, 2:6.
ەرلەر اراسىندا دەنيس ەۆسەەۆ ليتتل-روكتا (اقش) ٶتٸپ جاتقان چەللەندجەر تۋرنيرٸنٸڭ ەكٸنشٸ اينالىمىنا ٶتە المادى. ول اۋسترالييالىق رينكي حيدجيكاتەدەن ۇتىلىپ قالدى - 7:6 (7:3), 4:6, 3:6.
يتالييانىڭ فورلە چەللەندجەر جارىسىندا تيموفەي سكاتوۆ العاشقى اينالىمدا ەلەمنٸڭ 66-راكەتكاسى, كورت يەسٸ لورەنتسو مۋزەتتيمەن تايتالاسىپ, جەڭٸلٸسكە ۇشىرادى - 4:6, 7:5, 1:6.
