قازاقستاندىق زارينا ديياس چارلستون (اقش) WTA 500 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 88-راكەتكاسى ز.ديياس العاشقى اينالىمدا ٸرٸكتەۋ سايىسى جەڭٸمپازدارىنىڭ بٸرٸ, دٷنيەجٷزٸلٸك رەيتينگٸدە 151-ورىندا تۇرعان رەسەيلٸك ناتاليا ۆيحليانتسەۆامەن كەزدەستٸ.
بٸرٸنشٸ پارتييا بارىسىندا زارينا ٶز شەبەرلٸگٸنٸڭ باسىم ەكەندٸگٸن تانىتا بٸلدٸ – 6:3.
قازاقستاندىق تەننيسشٸ ەكٸنشٸ سەتتٸ برەيكپەن باستادى – 2:0. تاعى بٸر برەيك – 4:0. اقىرى ٷشٸنشٸ ماتچبولىن سەتتٸ پايدالانا الدى – 6:1.
بەسەكە 1 ساعات 14 مينۋتقا سوزىلدى.
ز.ديياس ەكٸنشٸ اينالىمدا وتانداسى, ەلەمنٸڭ 31-ٸنشٸ, وسى دودانىڭ 11-راكەتكاسى يۋلييا پۋتينتسەۆا نەمەسە رەيتينگٸدە 104-ساتىداعى گەرمانييالىق اندرەا پەتكوۆيچتٸڭ بٸرەۋٸمەن شەبەرلٸك بايقاسادى.
قازاقستان ەيەلدەر قۇراماسىنىڭ كاپيتانى ياروسلاۆا شۆەدوۆا ەكٸنشٸ اينالىمعا شىعا المادى. ول ەلەمنٸڭ 77-راكەتكاسى, جاپونييالىق ميساكي دويدەن 3:6, 3:6 ەسەبٸمەن ۇتىلىپ قالدى.
