قازاقستاندىق زارينا ديياس مەلبۋرندا اۋسترالييا اشىق چەمپيوناتىن جەڭٸسپەن باستادى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 81-ورىندا تۇرعان ز.ديياس العاشقى اينالىمدا ەلەمنٸڭ 88-راكەتكاسى, سلوۆەنييالىق تامارا زيدانشەكپەن كەزدەستٸ.
بۇدان بۇرىن قارسىلاستار ٶزارا بٸر مەرتە شەبەرلٸك بايقاسىپ, وندا قازاقستاندىق تەننيسشٸ جەڭٸسكە جەتكەن ەدٸ.
بۇل جولى دا ز.ديياس ويىن تٸزگٸنٸن ۋىسىنان شىعارعان جوق. سٶيتٸپ ول 6:2, 7:5 ەسەبٸمەن جەڭٸسكە جەتتٸ.
بەسەكە 1 ساعات 22 مينۋتقا سوزىلدى.
ز.ديياس ەكٸنشٸ اينالىمدا رەيتينگتە 63-ساتىداعى امەريكالىق بەرناردا پەرامەن كٷش سىناسادى. ول كەزٸندە دٷنيەجٷزٸلٸك رەيتينگتە كٶش باستاعان «ٷلكەن دۋلىعا» تۋرنيرٸنٸڭ ٷش دٷركٸن جەڭٸمپازى, ەلەمنٸڭ 25-راكەتكاسى, گەرمانييالىق انجەليكا كەربەردٸ 6:0, 6:4 ەسەبٸمەن ۇتتى.
تاعى بٸر قازاقستاندىق, قازاقستان ەيەلدەر قۇراماسىنىڭ كاپيتانى ياروسلاۆا شۆەدوۆا ەلەمنٸڭ 76-راكەتكاسى, يتالييالىق كاميلا دجوردجيگە 3:6, 3:6 ەسەبٸمەن ەسە جٸبەردٸ.
بۇل ويىن 1 ساعات 15 مينۋتقا سوزىلدى. يا.شۆەدوۆا ك.دجوردجيدەن بۇدان بۇرىن دا بٸر رەت جەڭٸلگەن بولاتىن.
ك.دجوردجي ەكٸنشٸ اينالىمدا «رولان گارروس» تۋرنيرٸنٸڭ ٶتكەن جىلعى جەڭٸمپازى, پولشا ٶكٸلٸ يگا شۆەنتەكپەن كورتقا شىعادى. ول نيدەرلاندىلىق ارانچا رۋستى 6:1, 6:3 ەسەبٸمەن تٸزە بٷكتٸردٸ.
بۇدان بٸر جىل بۇرىن قازاقستان تاريحىندا العاش رەت ٷش بٸردەي تەننيسشٸمٸز اۋسترالييا اشىق چەمپيوناتىنىڭ ٷشٸنشٸ اينالىمىنا ٶتكەن بولاتىن.
