قازاقستاندىق يۋلييا پۋتينتسەۆا US Open تۋرنيرٸنٸڭ تٶرتٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 35-ٸنشٸ, تۋرنيردٸڭ 23-راكەتكاسى يۋ.پۋتينتسەۆا ٷشٸنشٸ اينالىمدا رەيتينگتە 106-ورىندا تۇرعان بەلارۋس ٶكٸلٸ الەكساندرا ساسنوۆيچپەن كەزدەستٸ.
قازاقستاندىق سپورتشى بيىل 25-كە تولسا, قارسىلاسى ودان بٸر جاسقا ٷلكەن ەدٸ.
بٸرٸنشٸ پارتييادا ا.ساسنوۆيچ باسىمدىلىق كٶرسەتتٸ – 6:3.
ەسەسٸنە ەكٸنشٸ سەتتە قازاقستاندىق تەننيسشٸ برەيكپەن العا شىقتى – 3:1. بۇدان كەيٸن تاعى بٸر برەيك جاساعان ول ٶز گەيمدەرٸن دە بەرگەن جوق – 6:2.
ٷشٸنشٸ, شەشۋشٸ پارتييادا ا.ساسنوۆيچ دوپ بەرگەندە, يۋ.پۋتينتسەۆا 0:40-تان ەسەپتٸ تەڭەستٸرٸپ, سوسىن برەيك جاساي بٸلدٸ – 2:1. تاعى بٸر برەيك – 4:1. اقىرى ماتچتى تاعى بٸر برەيكپەن تٷيٸندەدٸ – 6:1.
بٸرشاما تارتىستى ٶتكەن بەسەكە تۋرا 2 ساعاتقا سوزىلدى.
وسىلايشا يۋ.پۋتينتسەۆا اقش-تىڭ اشىق چەمپيوناتىندا ٶزٸنٸڭ سپورتتىق جولىندا العاش رەت تٶرتٸنشٸ اينالىمعا شىقتى. ول ەندٸ ەلەمنٸڭ 15-ٸنشٸ, جارىستىڭ 8-راكەتكاسى, 29 جاستاعى تەجٸريبەلٸ تەننيسشٸ, حورۆاتييالىق پەترا مارتيچپەن شەبەرلٸك بايقاسادى. ول وسى دودادا تابىستى ٶنەر كٶرسەتٸپ, سپورتتىق جولىندا العاش رەت «ٷلكەن دۋلىعا» تۋرنيرٸنٸڭ ٷشٸنشٸ اينالىمىنا دەيٸن جەتكەن رەيتينگتە 102-ساتىداعى, 20 جاستاعى رەسەيلٸك ۆارۆارا گراچەۆانى 6:3, 6:3 ەسەبٸمەن تٸزە بٷكتٸردٸ.
