قازاقستاننىڭ بٸرٸنشٸ, ەلەمنٸڭ 25-راكەتكاسى ەلەنا رىباكينا سانكت-پەتەربۋرگ WTA تۋرنيرٸن جەڭٸسپەن باستادى, دەپ حابارلايدى "ۇلت اقپارات".
قازاقستاندىق تەننيسشٸ العاشقى اينالىمدا رەيتينگتە 59-ورىندا تۇرعان چەحييالىق كاتەرينا سينياكوۆامەن كەزدەستٸ.
بٸرٸنشٸ پارتييادا ە.رىباكينا قوس بٸردەي برەيكپەن العا شىقتى – 4:0. بۇدان كەيٸن قارسىلاسى برەيك جاساعانىمەن, قازاقستاندىق سپورتشى ٶز مٷمكٸندٸگٸن جٸبەرگەن جوق – 6:3.
ەكٸنشٸ سەتتە ەلەنا ەسەپ 3:4 بولعان مەزەتتە سينياكوۆانىڭ برەيك جاساۋىنا جول بەرگەن جوق. سوسىن ٶزٸ برەيكپەن العا كەتتٸ – 5:4. اقىرى ماتچقا دوپ بەرگەندە, قاتەلەسكەن جوق – 6:4.
بەسەكە 1 ساعات 18 مينۋتقا سوزىلدى.
ە.رىباكينا شيرەك فينالعا شىعۋ ٷشٸن ەلەمنٸڭ 41-راكەتكاسى, لاتۆييالىق اناستاسييا سەۆاستوۆا نەمەسە 46-ساتىداعى فرانتسييالىق كارولين گارسييانىڭ بٸرەۋٸمەن تالاسادى.
تاعى بٸر قازاقستاندىق, ەلەمنٸڭ 34-راكەتكاسى يۋلييا پۋتينتسەۆا وسى جارىستا باستاپقى ماتچىن رەيتينگگە ٶزٸنەن تٶرت ساتى تٶمەن تۇرعان رەسەيلٸك ۆەرونيكا كۋدەرمەتوۆامەن ٶتكٸزەدٸ.
جٷلدە قورى 848 مىڭ اقش دوللارىنا باعالانعان سانكت-پەتەربۋرگ دوداسى 16 اقپاندا مەرەگە جەتەدٸ. ٶتكەن جىلعى جارىستا نيدەرلاندى ٶكٸلٸ كيكي بەرتەنس فينالدا حورۆاتييالىق دوننا ۆەكيچتٸ ۇتىپ, جەڭٸمپاز اتانعان بولاتىن. ول تۋرنيردٸڭ ەكٸنشٸ راكەتكاسى رەتٸندە بيىل دا قاتىسۋدا.
ەسكە سالا كەتەيٸك, بۇدان بۇرىن ا.بۋبليك پەن م.كۋكۋشكيننٸڭ روتتەردام تۋرنيرٸندە وينايتىنىن جازعان بولاتىنبىز.
ا.بۋبليك العاشقى اينالىمدا فرانتسييالىق گرەگۋار باررەرمەن شەبەرلٸك بايقاسادى. م.كۋكۋشكين دە گ.باررەردٸڭ وتانداسى جيل سيمونمەن كورتقا شىعادى.
