قازاقستاننىڭ بٸرٸنشٸ, ەلەمنٸڭ 16-راكەتكاسى ەلەنا رىباكينا وستراۆا (چەحييا) WTA 500 تۋرنيرٸنٸڭ جارتىلاي فينالىنا شىعا المادى, دەپ حابارلايدى قازاقپارات.
ە.رىباكينا شيرەك فينالدا ەلەمنٸڭ التىنشى, وسى جارىستىڭ 1-راكەتكاسى, پولشا ٶكٸلٸ يگا شۆەنتەكپەن وينادى.
بٸرٸنشٸ پارتييادا ەۋەلٸ پولياك قىزى العا شىققانىمەن, قازاقستاندىق تەننيسشٸ تارازى باسىن تەڭەستٸردٸ. تاي-برەيكتە شۆەنتەكتٸڭ جولى بولدى - 7:6 (7:5).
ەكٸنشٸ سەتتە ول 5:1 ەسەبٸمەن العا ۇزاپ كەتتٸ. وسىدان كەيٸن رىباكينا برەيك جاساعانىمەن, ودان ەرٸگە شاماسى جەتپەدٸ - 2:6.
بٸر ساعات 41 مينۋتقا سوزىلعان كەزدەسۋدە شۆەنتەك 1 ەيس جاساپ, 8 برەيك-پوينتتىڭ تەڭ جارتىسىن پايدالاندى. ەلەنا 2 ەيس, 2 برەيككە قول جەتكٸزدٸ.
ي.شۆەنتەك فينالعا شىعۋ ٷشٸن ەلەمنٸڭ 12-ٸنشٸ, دودانىڭ 4-راكەتكاسى, گرەكييالىق مارييا ساككاريمەن تالاسادى. ول شيرەك فينالدا چەحييالىق تەرەزا مارتينتسوۆادان ايلاسىن اسىردى - 7:5, 6:3.
تاعى بٸر قازاقستاندىق اننا دانيلينا جۇپتىق سىندا بەلورۋسسييالىق ليدييا موروزوۆامەن بٸرگە شيرەك فينالدا تۋرنيردٸڭ 2-راكەتكالارى, ٷندٸستاندىق سانيا ميرزا - قىتايلىق چجان شۋايعا ەسە جٸبەردٸ - 3:6, 6:3, 6:10.
