تەننيس: رىباكينا قىتايداعى تۋرنيردٸڭ فينالىندا جەڭٸلٸپ قالدى

قازاقستاندىق ەلەنا رىباكينا قىتايداعى شەنچجەن WTA تۋرنيرٸنٸڭ فينالىندا جەڭٸلٸپ قالدى, دەپ حابارلايدى "ۇلت اقپارات".

ە.رىباكينا فينالدا رەسەيلٸك ەكاتەرينا الەكساندروۆامەن شەبەرلٸك بايقاستى.

ە.الەكساندروۆا ەلەمدٸك رەيتينگتە 34-ورىندا بولسا, قازاقستاندىق تەننيسشٸ 36-ساتىدا ەدٸ. الداعى دٷيسەنبٸدە ەكەۋٸ دە ٶز ەلدەرٸنٸڭ بٸرٸنشٸ راكەتكاسى اتانادى.

بٸرٸنشٸ پارتييادا رەسەيلٸك سپورتشى 4:0 ەسەبٸمەن العا كەتتٸ. بۇدان كەيٸن ەلەنا ەسەپتٸ قىسقارتا الدى – 2:4. بٸراق ە.الەكساندروۆا ەسە جٸبەرمەدٸ – 6:2.

ەكٸنشٸ سەتتە ە.رىباكينا 4:2 ەسەبٸمەن العا شىققانىمەن, سول مٷمكٸندٸگٸن پايدالانا المادى. قاتارىنان تٶرت گەيمدٸ العان ە.الەكساندروۆا جەڭٸسكە جەتتٸ – 6:4.

بەسەكە 1 ساعات 14 مينۋتقا سوزىلدى.

بۇل رەسەيلٸك تەننيسشٸنٸڭ WTA تۋرنيرلەرٸندەگٸ العاشقى جەڭٸسٸ ەدٸ. ال ە.رىباكينا ٶتكەن جىلى بۋحارەستە ٷزدٸك شىققان بولاتىن.

قازاقستاندىق تەننيسشٸ الداعى اپتادا حوبارت (اۋسترالييا) WTA جارىسىنا قاتىسادى. دەمەك, الداعى دٷيسەنبٸدە ٷزدٸك وتىز تەننيسشٸنٸڭ قاتارىنا كٸرەتٸن ە.رىباكينانىڭ ٶز رەيتينگٸسٸن جاقسارتاتىنداي مٷمكٸندٸگٸ مول.

ەسكە سالا كەتەيٸك, بۇدان بۇرىن ەلەنا رىباكينانىڭ قىتايداعى تۋرنيردٸڭ فينالىنا شىققانىن, ال يۋلييا پۋتينتسەۆانىڭ ادەلايدا جارىسىن جەڭٸسپەن باستاعانىن جازعان بولاتىنبىز.